ياااااااااااااااااااااااااارب انه مايجي الخميس الا وانت طااير من الفرحه

ولك دعوووه ان شاءالله ربي يهديها

تكفوووون لا تنسوني ولا تنسوها من الدعاء في ظهر الغيب

بأن يسخرها لي كما أحب وأن يسخرني لها كما تحب

وأن يسخرنا له سبحانه كما يحب



وأن يجمع ما بيننا عاجلا غير آجل

والله ثم والله إني أشتقت لها ولعيالي

الله يهديك يا الزهراني..

توقعت يصير بينكم كذا..

وشوف سبحان الله..
قبل كنت تبي توديها لاهلها وطفشت منها ومن تصرفاتها...؟.
والحين تتمناها ترجعلك..


زوجتك واااضح انها المسيطره عليك..
وكل اللي قاعد يصير ..وهو درس منها لك..


وعمتها..؟؟
وش دخلها فيها تحرضها..
ولو حرضتها..هل ممكن امها تسمح او ابوها تهدم بيتها وهم ساكتين..!!
انسى هالكلام..
ولو كانت عمتها..
الملام زوجتك اللي تنقل الحكي بطريقتها..ويمكن تشعر اللي حولها انك ظلمتها..فمن الطبيعي...
انهم بدل ما يبنون..يهدمون..

والملام اولا واخيرا..انت وزوجتك اللي سمحتوا للامور تتعدى اسوار بيتكم..


عموما..
الله يجيب يوم الخميس على خير..
طمنا عليك..
وانا متاكده راح ترجع..

لكن لو رجعت..
نصيحه..افرض شروطك..لا تكون مستمع فقط..لاوامرها..
وافرض رايك وشخصيتك..

وثاني مره لا تكسر جوالها..ولا تعصب..
اذا حسيت بتعصب..اطلع من البيت..او قفل على نفسك..

بانتظارك..

الحمد لله أختي قائدة قوات الحب

أنا كنت في أمس الحاجه لردك

والحمد لله انك جيتي وشرفتيني بردك الجميل


أختي الفاضله


والله ثم والله ليس الأمر كما تتصورين

حرمتي ماكنت أبي أوديها أنا كنت بس أبيها تحس إن الأمر بيكون صدق

وتتعدل في أمور بيتها وفي أمورها الشخصيه

لكن ليس كل مايتمناه المرء يجده

الآن هي راحت زعلانه على إني بس أعصب وحمقي ومن هذا الشيء

أنا ما أقول لك إني ما أحبها عشان لا أكون كذاب

فهي الحب الأول لي

وستكون الحب الأخير لي أيضا

هي أم أبنائي وهي عطيه من الله لي في أشياء وااااجد لي بعد الله

فقد كانت سببا لي في أموووور كثيييييييييييييره

ولا أنكر لها هذا المعروف ماحييت


من ناحية السيطره فليس كما تتوقعين بتاتا

لأني مستحيل أن أسلم زمام الأمور بتاتا لأي إمرأه كانت

وذلك لأن الرجل هو المتحكم الدائم في الأمور كما تعلمين

لا أقولها لكي أبرر موقفي لا والله لكن هذا الذي فعلا حاصل

عمتها ... آآآآآآه بس منها الله يهديها وإلا ياخذ عمرها وأفتك منها ومن توجيهاتها

أصلا عمتها ماكانت موافقه من البدايه بزواجها مني

عمتها فرقت بين ناس كثيييير ولعل أهمها بين أبو زوجتي وأبوه رحمه الله

لا تستغربي ففي هذا الزمان يحصل أكثر من هذا

زوجتي مشكلتها مثل أبوها تسمع الكلام والضغوطات الخارجيه

أنا حاولت أجلس معاها لكن دون فائده

فقد سيطرت أفكار عمتها عليها

عندما ذهبت لهم يوم الأربعاء الأسبوع الماضي كانت مقفله على نفسها في غرفه

وعمتها واقفه معاي وش تتوقعين من العمه الطيبه هذي

والله ثم والله انها جالسه تقول لي خلاص ياولدي ماعاد تبغاك وكررتها عدة مراااات

أنا ما أعرتها أي إنتباه إلين الأخير طفح الكيل مني وقلت هذي حرمتي ولا أحد يتدخل فيما بيننا رجاءً

وبعدها ماعاد قالت ولا كلمه هذي العمه الحنووووون


أنا ما أقول إلا اللهم فرج همي يا رب العالمين

اللهم إجمع بيني وبين زوجتي وأبنائي عاجلا غير آجل

اللهم إن أمري بيدك ولا فارج لأمري غيرك

اللهم إجعلني لها كما تحب وإجعلها لي كما أحب واجعلنا لك كما تحب


آآآآآآآآآآآمين





إحترامي

الله يفرج همكـ يارب


اخي العزيز
ابتهل بالدعاء لله واحرص على اوقات الأستجابه كثيرا


بس انتبه تفكر او تتسرع بالطلاق وعليك بالصبر والله يعوضك صبركـ

أسأل الله العلي القدير بان يجمعك بزوجتك وأبنائك على خير


ماودي اطلع بدون رد
الله يجمعكم على خير