اختي المهابه
اسف انا اول مره اشوف مشكلتكي هذي
انتي قلتي في البدايه انو انتي الي طلبتي الطلاق صح
والشي الثاني انتي قلتي انكي انخطبتي ..
وبعدين ايش صار عليكي بالخطبه هذي وليه ماتم الزواج ياليت تكتبي الاسباب
نرجع لموضوع زوجكي السابق ..
ليه ماحاول يتصل فيكي ماعندكي جوال يكلمكي
ولا هو يبيكي انتي الي تكلميه وتطيحي عليه
اذا كان يعرف رقم جوالكي ولم يتصل عليكي لمدة اربع سنوات
وجالس يسمع كلام امه الي جالسه تزوجه وتطلقه على مزاجها
امانه ايش تحبي فيه ..
الزوج الي مايحترم زوجته ويقدرها ايش ينحب فيه وين العاطفه وين الحب
والله ثم والله ثم والله لو هو انسان عاقل ويحبك كان سوى المستحيل عشان يرجعكي
وكان من الاساس ما طلق حتى لو كنتي انتي الي طالبه الطلاق
ياما وياما زوجات يطلبون الطلاق من ازواجهم ..
لكن الزوج العاقل الي يحب زوجته لازم يتحمل ويكبر عقله
وانا قريت كلامكي عن امه تقولي حتى طبق البيض تعترض عليه .. امحق من ام
هذي انسانه متسلطه وراح تتعبي معاها هي وولدها
احمدي ربكي انكي طلعتي بالمعروف طلعتي من الشر
ليه ترجعي له مره تانيه
واذا على الولد الله يخليه لكي ماراح يضره شي بالعكس يمكن الله كاتب له الخيره بطلاقكم
ترا مو كل طلاق يكون غلط بالعكس احيانا الطلاق يكون هو الحل الامثل لكثير من المشاكل
خصوصاً المشاكل المعقده الي مثل وضعكي
حتى ابوكي الله يحفظه مايحترمونه ويتكلمون عليه ايش ترجي منهم
انا اشوف انكي تطوي الصفحه هذي نهائياً
وتفتحي صفحه جديده وتبدأي حياة جديده
والحقي على عمركي واتزوجي واستانسي
اما بالنسبه لزوجكي السابق انسسسسسيه وكأنه شي لم يكن
وطبعاً بطريقته هذي كل مايتزوج راح يطلق
وبيوصل لكي ان سبب الطلاق انه مازال يبيكي انتي
ويحسسكي انه مظلوم ... وهذا غير صحيح
والصحيح انه ماراح يعترف بالفشل على اساس انكي ماتفرحي او تتشمتي عليه
لان كل انسان يشوف الناس بعين طبعه
لانهم يحبون الشماته يحسبون الناس كلهم زيهم
ولانه راح ينقهر لو تزوجتي وعشتي بسعاده
لان حتى زواجكي الجديد ولما تعيشي بسعاده يعتبر فشل له
طبعاً هذا حسب نفسيتهم عشان كذا هو مايبيكي تتزوجي
وكل فتره يرسل لكي ايحاءات كاذبه
واذا على الولد تقدري تشرطي على الزوج الجديد الوضع الي يناسبكي
مافيها شي ياما نساء تزوجن مره واتنين وتلاته وبالاخير حصلن خير وعاشن حياة كريمه
ليييييييييييييييييييييييه ترجعي للذل والمهانه
الانسان اهم ماعليه كرامته
امساك بمعروف او تسريح بإحسان
انا اشوف اذا جاكي نصيبكي اسألي عن دينه واخلاقه
واذا هو مناسب استخيري واستشيري وتوكلي على الله
ومبرووووكـ مقدماً
اما عن نفسية زوجكي السابق اتوقع انه خايف تتزوجي عشان كذا يرسل لكي ايحاءات
عشان تصدقي وتنتظري سراب في سراب
إنا لنفسكي عليكي حق مايصير تجلسي بإنتظار شخص مثل هذا
لايرحم ولا يخلي رحمة الله تنزل
غير ان امره ماهو بيده بيد امه المتسلطه
اتركيه خلي امه تنفعه
ما راح تكوني ارحم من الله على عباده
وانتي ماقصرتي وربي ماقصرتي
انتظرتي اربع سنين
وصدقيني حتى لو ترجعي .. ماراح يتغير شي
امه هي نفسها ما راح تتغير
بالعكس بتزيد اكثر واكثر
وراح تعايركي انكي جلستي اربع سنين محد تزوجكي
انتبهي للنقطه هذي
امه شايفه في نفسها شوفه الله يعافيها ولايبلانا
وبالنسبه لحبكي لزوجكي السابق ..
صدقيني ماراح يمسح الحب القديم الا حب جديد
وهذي مشكلة الحب العذري .. حتى بعض البنات الي يحبون قبل الزواج
تحصليها ترفض اي احد يتقدم لها لانها ماتتخيل نفسها انها تقدر تحب احد تاني
وحبيبها الي مسوي حبيبها .. يطق لها باصبع مادرى عنها ولاسأل فيها
ولما تتزوج وتعيش حياتها الحقيقيه ( مو الحياة الوهميه)
تنسى كل شي حتى بعض البنات تنسى اهلها ههههههه
اذكر اغنيه للفنانه رباب الكويتيه
الظاهر انها توفت الله يرحمها
قديمه جدااااااااااا
تقول كلماتها : الحب الاول تجربه الحب الاول
من عافنا مانغصبه من عافناااااااا
آآآآهـ خله يروووح
مهما يروووح
,,,, الخ
اذا استمريتي بالعقليه هذي راح تتعلقي فيه اكثر
طالما ان قلبكي مولع بحبه بس من اول ما تتزوجي شخص آخر
صدقيني راح تنسي كل الحب السابق وراح تتغير نفسيتكي للافضل
اهم شي لاتخافي من التجربه مره تانيه وتوكلي على الله سبحانه
والله يوفقكي ويزوجكي ويستر عليكي
الله يسعدكي بالدنيا والآخره
الله ينور بصيرتكي ويسدد خطاكي
الله يفرج همكي
الله يعينكي
الله يعينكي
الله يعينكي
الله يحفظكي وابنكي وكل من يعز عليكي ,,,