صدقت والمشكلة اني معاهم في نفس البيت وهذه الطامة الكبرى لكن الله المستعان وشكرا لك ما تقصر

حبيبتي نفس المشكله صارت لي ورجعت بعد 40يوم تقريبا وجلست شهر ماشفت اهله بالرغم انهم تحتي لان زوجي مايبي مشاكل وبعدها عزموني على العشاء بس ماخذه منهم موقف الله لايوريك صار قلبي اسود عليهم والى الان امه صرت معها اوكي لمصلحتي طبعا اما باقي الاخوات طنش تعش لاكلام ولاعلام والى الان صرت رسميه معهم الا مع امه طبعا خوف من زوجي واتقاء لشرها لانها مستعده تزوجه بس الله ينصرني رجعني وحط لي بيت لانه جاء لاهلي يبكي كان يحبني وعيالي كانوا عنده
انا اقووول انه يحبك ويموووت فيك ولا رجعك علشان الولد ابدا ابدا
واناعارفه انو تبينه يسفرك علشان عيون الناس وكلامهم
بس اجلي موضوع السفر وصدقيني بيحصل ان شاء الله
وامه نصيحه ولمصلحتك اكسبيها ادكا مو حب اتقاء شرها
وزوجك من النوع اللي ادحا قالوا له اهله شي يطبق بالحرف الواحد وكانهم قال الله وقال رسوله استغفر الله
واكيد نفسيتك زفت من بعد الموضوع بس خليك قويه وخلي هذي المشكؤه بدايه انطلاقه حلوة في حياتك
وابيك تصرين على معرفة سبب طلاقك وتبرير موقفك بس مو بالقوة بالحيله والذكاء لازم لازم تعرفين السبب انا مادري اهلك ليه ماعرفوا السبب بس كذا معقووووووله..ترى السنين طويله وبيجي ذكر لسالفه طلاقك وانتي مثل الاطرش في الزفه ماتدرين عن شي
ومثل ماقلت لك سولفي لزوجك عن امه سوالف قديمه وحلوة واذكريها بالخير وكلميها اجبري نفسك على مكالمتها وخليك ذكيه مثلها وبتشوفين العجب العجاب
انا مثلك كرهت الطيبه الزايده وتوني عرفت انو الاسراف في اللين ضعف الله ياخذ لك حقك وينصرك
لازم لازم تعرفين السبب وقولي لرروجك مستعده اعتذر لو كنت الغلطانه بس قلي وش سمعت عني لاتخلين السالفه تعدي نصيحه بس بذكااأء مثل ذكاء الوالده العزيزة:142:

اختي الغاليه باقي امل

الله يسعدك ويريح بالك وبعطيك الصحه والعافيه

احس كانك تتكلمين بلساني والله ودي اكسر ع قلبي وارجع اكلمها مثل زمان بس عشان خاطر ماترجع لي هالمشكله بس والله مو قادرة احس لو سويت كذا خلاص بتقول في بالها ايوه تادبت او صارت تتوددلي عشان ولدي مايطلقها ووووو كلام كثير يدور في راسي فانا قلت حاكلمها بس من فترة لفترة مو كثير مثل اول حااحترمها ماراح اغلط عليه وبس باعاملها احسن معامله بس مو مثل زمان حتكون برسميه شوي

وبالنسبه انه رجعني عشان ولدي انا قريت رسايل من خواته يقولون فيها حاول تصلح الامور عشان ولدك ومن هالكلام يعني حتي هم ماقالو انها انسانه طيبه وووو لاني مررررره اعاملهم واله مثل خواتي فماتوقعت انهم مايدافعون عني الله العالم قالو شئ ولا لا

وبالنسبه ياقلبي عن سبب الطلاق يعطيني اسباب واهيه مااقنعني فيها اشياء تصير بين الزوجين ومايستدعي الطلاق وجاب لي اسباب حصلت في الماضي انا مستغربه ليش هذا كله يقوله واحنا اساسا ماكان بيننا شئ الا بعد مكالمة امه انقلب ويوم اقوله ان مكالمة امك فيها شئ يقوم يحلف انها مالها اي شغل في اللي صار

انا صراااااااااااااااحه تعجبت الله العالم وحده ايش السبب الحقيقي مو راضي يقولي شئ غيراسباب غريبه ماتخلي الواحد يهدم اسره عشانها عالاقل لو ان الاسباب اللي يقولها صارت في نفس الوقت اللي صارت فيه المشكله كان يمكن اصدقه لكن ماكان بيننا ولا شئ هذا اللي مجنني كنا مبسوطين وفجاءة :icon22[1]::icon22[1]:

الله يعينك وانا مع الأخت باقي امل وحاولي قد ما تقدري انك تكسبي زوجك لصفك بالحيلة والذكاء مثل امه ولا تجيبي سيرتهم قدامه بالشين وإذا ذكرتيهم قدامه امدحيهم تروا والله مشاكلكم تهون امام مشكلتي وتذكري مشاكل غيرك ورح تهون عليك مشكلتك وبتقدري تتحملي وتحصلي على حلول الله يوفق الجميع ويهدي امهات ازواجنا ويكفينا شرهم ودائما ادعي