اخوي الكريم انا اقول عداك العيب
واضح انك تتعب ....ومدام شلت الكنب ونظفت تحته هذا دليل كافي
يا اخي الكريم مو عيب ابدا المساعده وانت عارف هذا الشئ متعاون ماشاء الله
لكن
الحل /
خلها عند اهلها الين تعرف ان الله حق ....
الواضح انك طيب ودليل طيبك شكواك وبقاءك عليها
اخوي الكريم خلها
واحترام الزوج هو فرض يفرضه عليها احترامها لنفسها
ونصيحه لا تدخل احد في حياتكم اذا رجعتها
افرض عليها شخصيتك فقط واحترامك
وتمد رجلها على قد راتبك فقط
عجبها عجبها ما عجبها مع الف سلامه .
وصدقني ما احد بيغلطك اذا انت مشيت على نظامك اللي انت راسمه لحياتك
وفهمها على هذا الشئ اذا رجعتها
انا حياتي كذا وراتبي كذا
احيانا الحرمه تضيع وتتحكم اذا لم تجد قائد يقودها ..
فانت اعرف لنفسك وانقذ حياتك
وانا اشوف انك فاهم ومؤدب من خلال حديثك وتعرف تزن الامور
اذن
فقط قليل من التفكير لتنظيم حياتك
ارادت ان تقطع معك المشوار كان بها
لم ترد بكيفها هذا قرارها
ودي وخالص احترامي

أخوي الفارس

حياك الله يا الغلا

كلامك صحيح 100%


ممكن حطيت نفسي مظلوم وهي ظالمه من وجة نظرك صح

وهذا ممكن ليش لا

ما أقول إني أفضل واحد أو أخس واحد

لا والله لكن الأمر وسط

يعني انا عصبي صحييح لكن أوقات تشوفني تقول مافيه مثله ذا الآدمي

وأوقات تقول وش ذا النفسيه الخايسه

بالنسبه لخروجي من البيت هذا دائما أسويه

أروح الكوفي شوب أو مع أي واحد من الشباب أتمشى حق أبو ساعه أو ساعتين

وأرجع البيت لكن احصلها لا تتكلم ولا هي اللي تجلس معاي

أخليها يوم أو يومين حتى تهدأ وخلال هذه الفتره أراجع نفسي أنا

إذا والله إني أنا غلطان أعتذر وإذا هي غلطانه أفهمها غلطها

وبعض الأحيان ما أحب المواجهه وخاصة إذا كانت غلطانه لأن المفروض

إنها هي تجي وتعتذر لكن هي ماتجي تعتذر ما ادري ليش


-----------------------------------------

أختي نور الدنيا

مرحبا ألف وحياك الله أختي الكريمه

أنا الحين بيني وبين زوجتي لا يقل عن 1400 كيلو متر

فكيف أجلس معاها وأتفاهم معاها

المشكله إن روحت لعندهم البيت بيقولون هذا إنسان ضعيف

وعندنا عاده في القبيله إذا جا الرجال بيرجع حرمته

يفرضوا عليه مبلغ مالي لكي يرضيها ولا يقل عن 5000 ريال سعودي

وأنا والله لا أملك هذا المبلغ

ولكن مصيرهم إما أن يتصلوا أو يأتوا بها إلي


والله يعين

أختي أميره

الله يسعدك في الدارين

أختي النظام اللي قلتيه إذا رجعت سيتم تطبيقه بإذن الله عز وجل

أما من ناحية التنظيف والمساعده فهذي عاده فيني مستحيييييل اخليها

أختي أنا من الناس إذا شفت أحد في المطبخ من أهلي

كانت أمي ، أختي ، زوجتي ، ضرووووري أدخل وأساعد

البيت فيه حاجات لابد من تدخلي فيها والقيام بالمساعده فيها

لكن زي ماقلتي شكلها قالت هذا إنسان على نياته وجالسه تستغلني أسوأ إستغلال

والله إنها زعلت نهاية الشهر اللي راح عشان ماقدرت أشحن لها بـ 10 ريال بطاقة سوا

طيب أنا رجعت من إجازة العيد وباقي معاي 900 ريال وباقي قدامي مقاضي للبيت

المهم بعد المقاضي بقي معاي حدود 700 ريال وقدامي قرابة 20 يووووم حتى إستلام الراتب وأنتهى الشهر ولا بقى معي ولا ريااااال لمدة أسبوع

وأنا من الناس اللي مستحيل أمد يدي عشان أتسلف من الزملاء

فهل هذا سبب للزعل ؟




أسئل الله العلي القدير بإسمه الأعظم الذي إذا دعي به أجاب أن يجبر مابيني وبينها

الله يعطيك العافيه ويوفقك
الرسول صلى الله عليه وسلم وصحابته كانوا يخدمون اهلهم
فاين نحن منهم ..
وانا اقول رايتك بيضا
ويمكن اظلمها لاني ما سمعت منها
لكن اعتقد تقدير امكانيات الزوج من صفات المرأه العظيمه
اخوي الله يصلح ما بينكم
وان شاء الله تجد من اهلها من هو حكيم وفاهم ويساعدك في انهاء هذا الخلاف