حبيبتي انتي مو قصدك رضاه و انو تتعلمين طرق ارضاءه و سعادته يعني ليش يعارض؟؟
اذا في يوم من الايام سألك منين جبتي هالحركه وياه بالفراش شراح يكون ردك
افضل انو تكوليله "عندي مفاجأه" و تختارين شي طريقه حلوه من الطرق اللي موجوده بالمنتدى و تسويلهياه و اتونسي بيها و تفاتحي بالموضوع انو تعلمتيها من خواتك الطيبات بالمنتدى و غايتك من الاشتراك بالمنتدى هي انو تتعلمين كل شي يرضي زوجك و ربك
و بهذا راح تكبرين بعينه عزيزتي حتى لو ميعرف شي عن النت و راسه يابس ترى الكلمه الطيبه اتطلع الحيه من الزاغور
و الباقي عليج

حبيبتي اني رجلي كلش صارم و يايه بامور المنتديات بس و اثق مني لاني قبل مده اسست منتدى و بعت الاداره مالته فلهذا يعرفني انو اني ما اسوي علاقات على النت و انتي ازرعي ثقة زوجك بالطريقه الغير مباشره مثلا شسويتي اليوم يسأل المحروس اجابتك (حبيبي وره ما خلصت ترتيب البيت و تشميسه ضليت فارغه كعدت طلعتلك اكلات من النت من هاي اللتحبهم ويوخرون الكرش و صحيات و على ضوء الشموع ابيك تتونس يا عمري اشوفك مشغول اذا اني ما اهتم بيك منو راح يهتم... "و طلعيله الوصفات و ناقشي بيهم اذا تكدرين")

و بهيج راح يكون واثق انك حتى و انتي على النت تفكرين بسعادته و عدم خيانته
اتمنى انو فكرتي صارت واضحه و انتي بعد تكدرين تبتكرين طرق اخرى لكسب الثقه و كل ما تطلعين شي حلو يونسه من النت كوليله هذا من المنتدى اي شي اسلامي اجتماعي اسري خاص بين الزوجه و الزوج و هيج راح يعجبه همين يكعد وياج تعلمي و تونسي بس شويه شويه وره شي خمس اشهر او سنه يالله يصير مهتم انو يكعد وياج يطالع الصفحات و ناقشي بأفكار او شي احاديث نوبيه قريتيها و اخذي رائيه الشخصي بيها هنا راح يكون واثق انو انتي ما قاعد تغضبين ربك بشي ويطمئن

ان شاء الله تنفع طريقتي
لان اذا خبيتي عليه راح يتصور انو انتي تخوني او شي "حاشاك" لان عندك اساليب جديده خاصه بين الزوج و زوجته بس فراح يكوم يشك بيج منين جبتيهم

اذا اني غلطانه بشي تقبلي اعتذاري مقدماً لكن آني افكر بعيد بعيد و كل الاحتمالات وارده فالافضل انو متضمين عليه و متخبري مره وحده شويه شويه

تحياتي اختي العزيزه اعذريني للاطاله

اختي العزيزه -مثلك بس اخليه يقرأ بس مااقوله اني مشاركه لانه هودكتورة بس مايعرف للنت غير انا اشغله له وانا مبسوطه مابيه يتعلم وهو لو لقاه البال لكان اتعلم بسرعه لا واللي يضحك ان معه شهاده حاسب دبلوم المهم انه تعجبه كثير من المواضيع ويطبق حقيقه بس هو دائما يحذرني يقول انتبهي لنفسك لايكون رجال يحاولون يسوون علاقات على اساس انهم حريم واقوله لاتخاف علي بس اكيد بيزعل لاعرف اني مشاركه

مشكورين اخواتي مسسس و نوتيلا وبحاول معه حتى لو اخذت المحاولة وقت طويل

مدري الادارة رجعت الى موضوعي وكتبته منقول مع اني كتبته من أم افكاري ولم اواجه سؤال مثله كان قرأت الردود وكفتني