أشكركم على تفاعلكم معي لكن النقطة اللي ماقلتها ان الأم تبغى بنتها من ولادتها لكن أبو الأم قال: نبغى مصروف شهري للبيبي مع أجر الرضاعة 500ريال ورفضوا أهله وقالوا: اذا بفلوس خلوا بنتكم عندكم وبنتنا عندنا..تعاندوا الكبار وراحت فيها الأم وبنتها .. فصارت الأم طول الأربعين تبكي ياحرام ولما خطبني زوجي اتصلت على زميلة لي تعرفها وتسألها عني..وتبكيييييييييييي ياحرام..
وأنا ما طرحت مشكلتي الا اني أبغى أسوي شئ مساعدة بالخفاء من غير مايدري هو ولا أهله؟؟ لأن الدنيا تدور وزي ما أتمناه لنفسي بعيد الشر"يارب" لازم أسويه لغيري وخاصة انها مظلومة والله مظلومة
أنا أعرف انكم تنصحوني لمصلحتي وأنا ماأبغى أكلم أهله لأنهم بلا مشاعر الله يهديهم لكن أنا أبغى طريقة أساعد الأم فيها
حسبي الله على من كان السبب
أخوي الهاوي كلامك سليم منطقيا فأنا أبغى أوصل للأم ماني عارفة اش الطريقة اذا ظروفها صعبة وماتخليها تتواصل مع بنتها أوكي لكن اذا محروقة على بنتها لا والله حرام لازم أساعدها
هلابك ام تيمو...
وياااااارب يكثر من امثالك..
وصدقيني..اللي يعمل خير..
يلقى جزاه عند رب العالمين..
شوفي..
بدون مشاكل..
وبدون ما تدخلين نفسك..
اتفقي مع ام البنت ع جوالها كلميها اتفاهمي معاها..
بيني لها نيتك..
وبطريقه خليها تشوف بنتها بدوووون ما احد يدري..
و هي راح تكون اول وحده تخبي الموضوع لانها تبي تشوف بنتها..دووم
بس المشكله البنت..بتقول شفت ماما..!!!
عشان كذا مالك الا تتركينها للصدف المقصوده..
يعني بيرحون لمكان معين تقولين للام عليه وتروحه..
وعساهم اذا شافوا لقاء الام ببنتها تحن قلوبهم..
بالنسبه لاهل زوجك عقابهم عند الله..وصدقيني الله سبحانه ما يرضى باللي يسوونه..
المفرض بلمحكمه الام طالبت ببنتها ويحق لها..
بس الله واعلم بخفايا الامور..
والله اثرتي فيني..
غيرك والله ولا اكبر همها بالعكس
يمكن تقطع حتى المصروف اللي يجي هالبنت..
والبنت لمى تكبر..بتسأل..؟؟!!
وقتها ايش راح يقولون لها..
والله لا تجحد كل فضل لهم وتكرهم..وترجع للحق..ولامها..
لكن حسبها الله اللي حرموها حنان وعطف امهاا..
ونصيحه..اطلعي منهااا..بس قدامها لا تناقشينهم..
دامهم شرانيين..
سوي اللي تسوينه بدون محد يدري..
يسعدك ربي ام تيمو..ويحفظك..للي تحبينهم ويحبونك
توقيع
قد تكون للعالم شخصا ما..وقد تكون لشخص ما كل العالم
جزاكم الله خير
قائدة هذا واجبي الديني والعاطفي ادعيلي اني ألقى طريقة توصلني للأم من غير ما أحد يدري وتصدقين نوارة خوفتيني شوي وحسيت اني متهورة لكن علاقتي مع أهله رسمية جدا جدا ولما أروح لهم كل 3أشهر ساعتين بالكثيييييييييييييييييييير ولايعرفون أخباري عن كثب .. لكن عيالي أسبوعيا عندهم تقريبا عشان ما أقطعهم عن جدانهم..
يعني بس لو أوصل للأم بس أعرف هي تبغى بنتها ولا لأ عشان يرتاح قلبي وأنا أبصم بالعشرة انها تبغاها
الله يكون بالعون ويعطي كل واحد على نياته