تعامل زوجك مو مريح ....ومزعج ....انتبهي ولا تاخذين قرض تندمين عليه .....احترامي

الله يكون في عونك ياقلبي...

على حكاية الهدايا والله اني اهديه دايما وعلى سالفة القرض هو اخذ قرض عشان كذا ما يقدر ياخذ ثاني ...
المشكله اني حساسة اي انسان يجرحني اكرهه وما انسى ابدا ... هو كان بيبيعني عشان شئ مو بيدي بيد ربنا وهذا جارحني كثير والله ما سكت قلت له انت حطمت قلبي وقلبي زي الزجاج اذا اتحطم ما عاد يتصلح انا ما عاد احبك ...
ذحين له اسبوع زعلان علي بسبب انه يبغاني اروح البنك اسحب اللي في رصيدي واعطيه اياه وانا رفضت والله ما منيت عليه انه سلفته الا لمن قال ابغى اللي في رصيدك قلت له خلاص يكفي اللي اخذته..
آآآآآه ياربي والله اني كنت مدللــــــــه في بيت اهلي كنت الكل بالكل بحكم اني البنت الكبيره خصوصا من ابوي طول الوقت وانا جالسة بحضنه ومدفيني بحنانه ويشاركني في همومه هو والوالدة الله يخليهم لي لمن جيت لبيت زوجي مالقيت الا الطناش والله لو يصير اللي يصير له ما يعلمني به....دايما برا البيت عند والدته لأنه ما عندها احد رغم انه مو الولد الوحيد مع ذلك اقول خليه هذي امه الا امه خلي يجلس عندها يونسها لكن لمن يرجع البيت على التلفزيون الين ينام نفسي يوم يحسسني انه يحبني يشاركني بهمومه....اول كنت احي له عن اللي يكدر خاطري بس صرت ذحين ما اتكلم طفشت بس انا اللي فاتحة فمي في البيت هو مستمع..
صرت اكرهه مع انه طيب ومايرفض لي طلب ...
بعد ولادتي قلت له خلينا نسافر انا وانت نغير جو ابغى انسا المشاكل ابغى اتقرب له اكثر لكنه مايبغى ...الله كريم والله حاسة اني عايشة لوحدي لولا تقربي من ربي كان اتجننت
كيف يرجع حبي له وكيف انسى انه جرحني بنية زواجه؟؟

الله يعينك ويهون عليك يا وخيتي ويحنن قلبه عليك ويفرج همك .

والله ياقلبي الله يسعدك بس الخوان الي قبلي ماقصرو الله يوفقك ويهدي زوجك لك