اختي العزيزه/ طال صمتي
ماشاء الله تباركـ الله .. مبروكـ الزواج
بارك الله لكما وبارك عليكما وجمع بينكما بخير.
يسرني ان ادلو بدلوي لعل وعسى ان تجدي ضالتكي بردي على استفساركي .
السلام عليكم
وعليكم السلام ورحمة الله وبركاته
انا محتاجه احد يساعدني ويفهمني معليش ع كلامي اكيد ماراح يكون مرتب
ماشاء الله عليكي كلامكي واضح وكلنا اخوان ونعين بعض
بس تعبت من الموضوع ابي احد يساعدني بلييييز
ادع الله تعالى لكي ولجميع المسلمين والمسلمات الراحه والسعادة بالدارين.
والانسان لازم يتحمل بالدنيا ويحتسب الاجر عند الله تعالى
متزوجه لي 3 اسابيع مو قادره اجلس معاه وانام معاه بالمره معرف ايش السبب انا ما اكرهه بس معرف ايش فيني
الفترة قصيرة ماتستدعي الخوف بس الله يستر لايكون احد ناضلكم . وللاحتياط اقري وردكي يوميا بعد كل صلاة واشربي ماء مقري فيه
وكذلك اوصيكي ونفسي بالصدقه لان الصدقة تطفىء غضب الرب وتدفع المصائب والكرب والله اعلم
اول يوم زواج دخل علي انا مره كنت مو مستعده ولا دخلت جو معاه كنت مره مستحيه
طبيعي كل البنات يستحون في بداية الزواج واحيانا بعض الرجال يستحون ويرتبكون ايضاً,
ولكن يفترض ان تكوني مستعده في هذا اليوم بالذات
وبعدها بيومين كمان انا مره تعورت اسمحولي ع الجرأه بس عشان تفهمو علي
طبيعي برضه وفيه زوجات يستمر معهن الألم لعدة ايام والبعض لعدة اسابيع حسب تهيئة النفسيه قبل الزواج وطبيعة الانسان وتربيته
انا عندي استفسار هو لازم في الجماع يدخل ..... كله فيني ولا كيف ينفتح؟؟
اكيد لازم , مع انه فيه انواع من البكاره لاتنفض الا اثناء الولاده وهو مايقال عنها " المطاط"
بجد مو فااهمه ترى الى الان ماادخل شي يحاول بس انا اتألم مرره
ماعليه توكي 21 يوم فقط والعمر قدامكم طويل يمديكي تفهمي بإذن الله تعالى
وبالنسبه للألم فهو طبيعي جداً وسوف يزول بعد فترة لاتشيلي هم
وفيهه شي ضايقني من اول يوم وهو يستخدم شي لما راح وشفته طلع كريم حق جفاف المهبل وذي الاشياء ليش يستخدمها من اول يوم ايش عرفه انو فيه جفاف بجد ضايقني؟؟؟
عاتي يمكن احد من اصدقاءه موصيه على الكريم هذا. ليه تستغربي وانتي ماعندكي خبره من الاساس وخليكي صريحه معاه واسالي بوقتها مايحتاج تنتظري لين يروح لازم يكون بينكم شفافيه زوجكي هذا الله يخليه لكي ويمتعكم بالصحه والعافيه
بعض الرجال يستفسرون عن اشياء كثيره قبل الزواج لان هو القائد ولازم يكون قد المسؤوليه سواء يسأل اصدقاء او شيبان .
واحيانا بعض الشباب للاسف يسوون مقالب في بعض اي انهم ينصحون باشياء وهم عارفين انها مو صحيحه بس عشان يتريقون ويضحكون
وقد يكون حجم القضيب كبير وسأل دكتور او قرأ كتاب او موضوع في منتدى, في عصر النت مافيه غرابه.. الخ
المهم انا ابعد عنه لدرجة انو ما اسولف واضحك عشان مايتجرأ ويجيني؟؟؟
اسمحي لي هذا التصرف غلط 100% , انتبهي ترا انتي كذا تحسسينه انكي تكرهينه ويمكن يبعد عنكي بسبب انه مايبي يفرض نفسه عليكي
وخصوصا بعض الشباب الحساسين قد يرتبكون وليس لديهم الخبره بتهدئة الامور واحتواء الوضع , وتحصلي الزوج نفس الشي جالس يدور احد ينصحه ويوضح له تصرفاتكي معاه .
الحل ساعدوني كيف اعمل ؟؟؟وايش الي اعمله واسعده وابني حياتنا صح ويبعد عني الحياء صراحه الحياء عندي غالب ع الخوف..
الموضوع عاتي جدا ولافيه داعي للخوف او الحياء بالعكس خذي راحتكي معاه هذا حلالكي ولابد ان تمكنيه من نفسكي
حتى تسعديه وتسعدي معاه .
اذا فيه شي بعد ابي اقوله برجع لكم
ان شاء الله مايصير فيه شي تاني بس خليكي واثقه من نفسكي وحاولي تسعدي زوجكي
وطبيعي بالبداية يصير معاكي كذا تستحي وتبعدي عنه بس مع الوقت الله يعين زوجكي عليكي بتصيري انتي الي تلاحقينه
ولو يتأخر عن البيت بتتصلي عليه ويمكن تفتحي معاه تحقيق طويل عريض : وين رحت وين جيت وليه تأخرت .. الخ
واذا جاء للبيت وجلس بدون مايضحك ويسولف معاكي برضه بتفتحي تحقيق تاني : ليه ساكت وايش فيك .. الخ
حقكي علينا الدعاء :
الله يحنن قلبكي على زوجكي ويحنن قلبه عليكي, وتعيشي في سبات ونبات وتخلفي صبيان وبنات ..
الله يعلي شانكم ويخزي شيطانكم ويبعد عنكم العين والحسد والعواذل
آمين يارب العالمين