امممممم والله يالقائده ما توقعت صعوبة الموضوع
رغم اني احب القصص واستمتع فيها الا انها تطلب مني بشكل مباشر
احس كل قصه سمعتها تبخرت بلمح البصر
بس راح اذكر بعض القصص اللي مرت علي شخصيا واثرت فيني
القصه الاولى حصلت لي شخصيا والله..
بس إلى اليوم لا ذكرتها احس بأحساسي ذيك الليله كامل
مالكم بالطويله راح ادخل بالسالفه على طووول>>وين على طول بعد هالمقدمه الله يهديك *_*
في ليله من الليالي قبل كم سنه تقريبا اربع سنوات
كنا متعشين ببيت الوالد وبعد العشا حوالي الساعه 11كنا بطريقنا لبيتنا وكان فيه وحده تتسول
كالعاده عند الاشاراات مجموعة حريم يطلبون الله يرزقهم ويبعدهم ذل السؤال
جات لشباك زوجي وأشر لها على الله ماكان فيه ماه فكه بس هو ما شاء الله عليه نبيه ولاحظ ان السياره اللي خلفنا يوم جات تطلب
فتح باب السياره وسحبها بس البنت هربت وهي تركض على الرصيف
زوجي يقول بيخطفونها بيخطفونها انا جاتني ام الركب قلت منهي منهي قال شوفي البنت
انا من الخوف ما شفت شي
ولا انتبهت الا يوم شفت البنت في الشارع الثاني موقفه ليموزين وبتركب سيارة الفان اللي كانت خلفنا طلع الرصيف ووقف سيارة الليموزين ونزلها وخذوها بالسياره ,,,
اكمل ولا لا وش رايكم ؟؟؟
وش تتوقعون صار ؟؟ شغل افلام
من جد اكشن وأثاره ذاك اليوم ..
ابشوف اذا تحمستوا كملت لكم باقي لي يوم يمديني اكتب قصتين فيها
.......فديتكم