المتعارف عليه..
ان الولاده ببيت الاهل..مبدا ضروري..
ليس للتعب ومتطلبات النفاس وللمسئوليه..فقط..
بل للخوف من عيون الناس..وكلامهم نصيب بذلك..
كلامك اخوي ميمو لا ينطبق على حالات اعرفها..ابدا..
هناك من جرب الحالتين..رغم الرعايه..والاهتمام الا ان بيتها..هو راحتها..
راح اتكلم عن شي ربما تجهله الاخوات...
وهو الزوج..
اش ذنبه ما يعيش هذه الفتره مع ابنه..
ويشوفه يكبر قدامه..
يحس باوجاع زوجته..
يشوف قد ايش تتعب ..
في حالة انه يكون زوج متعاون..
واذا كان العكس..لا انصحها ببيت اهلها..
وكمان اذا كانت عملية قيصريه..
ما يحتاج اوصف النفاس..ومعروف..
بصراحه بيتي افضل مليوووووووووووووووون مره من الراحه اللي كنت فيها..
يعني اش صار لي عشان احتاج العائله كلها..
هو الم ساعه وراح..صحيح ان النفاس تحتاج رعاية..
بس مو بهالشكل المبالغ فيه..
يعني الحمد لله..
ثلاث ارباع العذاب راح..
لكن مجتمعنا يجبرنا على الدلع اللي ماله مبرر
مثااااال
صديقتي الروح بالروح..
الولادة الاولى حصل لها اكتئاب..وطفش...
وكوابيس..
من غير الحلبة والحليب حلبه..والخبزه حلبه..
وكل ما زارها احد لازم تجامل..وتاكل..من اللي يجيبونه..!!
والمشكله باليوم اكثر من اربع حريم ووراء بعض..
حشى ما صارت مره..صارت برميل..
عانت لمدة سنه ونص عشاااان ترجع وزنها الطبيعي!!
الولادة الثانيه
ببيتها.....
راااااااااحه مابعدها راحه..
تقول
البس مثل ما ابي..
اتحرك طبيعي وهذا المفروض..
انام بغرفتي..والبيبي بحضني ..
حسيت بالامومه..
حسيت اني لي معنى..
زوجي معي...ويعاوني..لا حياء..ولا احراج..
ولا شوفي احد قدامي..ووووووووو
اشرفت على بيتي <<<<<<<مع وجود الخادمه طبعا..
اكل اللي يعجبني.مع التحفظ على اللي مايناسب في هذه الفتره..
كل شي بعقل..
الزيارات اتحكم فيها..
متى ما رقت قلت الله يحيكم واذا ما ابي احد والله عندي موعد بالمستشفى..
اجلوها لبعدين..
يعني مااااااااااااااخذه راحتها ونص..
وبصراحه انا معها ومؤيده لها..
يعني ايش ذنب الاهل يتحملون قلقي
طيب لو عندي اربع عيال..اروح لبيت اهلي
واقلب نظامهم عشان حضرتي ولدت..
من يرعى اطفالي..من المسئول عنهم..
طلباتهم..احتياجاتهم..مدارسهم اذا كانوا يدرسون..!!!
خييييييييير..!!
من غيراحتياجات الزوجه طلبات خاصه مايلبيها غير زوجها تجلس تمغط فيه كل يوم مشاوير
جب وجب..
وممكن احيان تمشوره تالي الليل..
طيب لو انتي عنده كان ابرك..!!
وغيرها اشياء صراحه ما اقدر اتكلم فيها..
بس يابناااااااات
وحده تحكيلي كانت بامريكا..ويعرفون وحده كانت بالجيش..
تخيلو تصف طابور وهي باخر ايام حملها..
تمت ولا دتها على خير..
3 ايام فقط..اجازتها..ورجعت تصف طابور..
بكامل قواها..
المقصد..
البلاء والله فينا..
صرنا فيله مو حريم..
الولادة انا معاكم شي متعب..لكن ما هي قضية العام..
زمان حريم كانت ولادتهم ببيوتهم ولحالهم..لا مستشفيات ولا مغذيات ولاعناية..
وقبل ما يجيها المخاض..تقوم وترتب بيتها وتزينه استعداد للزيارات...
وتتم ولادتها على خير..وتتصرف بنفسها وطفلها..
وتقوم وتهتم بنفسها..
ويعيشون حياتهم طبيعي ..
امهاتنا وجداتنا خير دليل..اسألوهم..
خلاصة الكلام..
بلاه الدلع الزايد..والله ما خرب اجسام هالحريم غير كثرة النوم..اللي ماله داعي
انا مع اللي ببيتها..
يعااااااافيكم جميعا
[/align]
توقيع
قد تكون للعالم شخصا ما..وقد تكون لشخص ما كل العالم