وعليكم السلام ورحمة الله وبركاته
أخوي الأمثال بالغالب تكون صحيحه وكلها حكمه لكن هالمثل للأسف طلع من شخص مايشوف ابعد من ارنبة انفه .!!!
الرسول عليه الصلاة والسلام قال : ( اذا جائكم من ترضون دينه وخلقه فزوجوه إلا تفعلوه تكن فتنة في الأرض وفساد كبير ) يعني ماقال اذا ماعنده مال فتجنبوه لانه مو كفو ولابيسعد بنتكم ..!! الرزق بيد الله سبحانه وتعالى والرجال مجرد ينوي الحلال الله يعينه ويفتح عليه باب الرزق ..
صحيح ان المال مطلوب وان الرجال لما يكون ميسور الحال تكون المرأه مرتاحه هي وعيالها ماديا لكن مثلما قلت سابقاً الله مايجمع اثنين بالحلال الا وييسر رزقهم
ووالله لو الرجال ميسور الحال لكن مضيع دينه وأخلاقه ماراح تستفيد المرأه من هالمال مهما كثر .. بالعكس ممكن يكون هو سبب تعاستها وهو سبب ضياع دينه وأخلاقه وبيته كامل .. وممكن يكون سبب حسرتها وفشيلتها من تصرفات تقهرها طوووول عمرها
يعني يا أخوي الرجال مايعيبه الا قلة دينه وأخلاقه ..
لأن كل شيء تقدر تعدله بالمال ولو بعد حين الا الدين والاخلاق اذا ذهبت فقُل على الرجل وعلى أهله السلام .
يعطيك العااافيه على طرحك الرااائع
ولك مني جزيل الشكر