اولا حسن الضن مطلوب
واغلب البنات عندهن النظر لا يتعدى العادة فقط والبعض منهن ماشالله عليها تبحر بالنظر بحجة العادة البغيضه , لكن هل هو عادي ابدا مو عادي
طبعا احنا مانقول لاتناظر المرأه للرجال بالعكس من ابسط حقوقها لكن التركيز والنظرات الممتزجه بفهاوة وسرحان مايقدر يتحملها الرجل اذا يغار على زوجته
طبعا بعض الردود تتسأل ماهي الفائدة من الموضوع؟ استغرب والله اذا هالموضوع مو مهم ايش المهم؟؟ الحياة الزوجية عشرة ووفاء واخلاص وتضحيه وصبر وتعاون مو لعب بزران واذا زوجتي لم تحفظ حقي حتى بنظراتها بالنسبة لي انا شخصيا لامكان لها عندي
بعض الردود تقول هل الرجل ينظر للنساء ياختي الله لايهينك اذا شفتي رجالك يناظر للحريم ليش ماتحاسبينه من ابسط حقوقك (باعتبار نظراته ليست نظرات عاديه بل نظرات اعجاب وغزل) من حقك تسالينه ليش تنظر ماني ماليه عينك ؟ ولا تفوتينها له ولا تتساهلين .
لكن اذا متنازله عن حقك فهذا التنازل لايعطي الموضوع بند "عادي"
طبعا اعرف ان بعض البنات متعودة من ايام المراهقه انها تناظر وتحاول تلفت انتباه الرجال ليس لسوء خلق لكن لتثبت وجودها كانثى لكن لما تتزوج تتغير كل الموازين وابسط سؤال يوجه لها " ايش الفائدة من نظراتك وايش تقصدين منها؟"
بالنسبة لي عانيت من ذا الموضوع مع زوجتي اول زواجي حتي ان الموضوع وصل للتهديد بالانفصال ويعلم الله اني لم اشك بها مقدار انمله لكن لم اكن ارضى ان اكون بجوارها وهي تناظر الرجال بحجة عادي وعادة ولم امنعها من النظر العادي لكن نظرات عن نظرات وبعض النظرات اعتبرها فغاره وسرحان لااكثر لكن لااستطيع تحملها ابدا ابدا لانها تمس شخصي وشخصيتي
شكرا لكم ولم اشارك الا للفائدة فقط واتمنى انها حصلت.