:
ابطيت بالريشة .. عن اوتار الابداع
.............................. كم صار لي مادندن الحرف شوقه ..!
ماهو لأن الشوق في سفرتي ضاع
.............................. ولا .. لأن الشعر شحت طروووقه ..!
ولاهو .. لأن العزف .. مايطرب اسماع
............................. ولا .. لأن النزف .. يبست عروقه ..!
ولا هو .. لأن اللي شرى فرحتي باع ..!
.............................. ولا .. لأن السوق .. ماهوب سوقه ..!
لاوالله ان اوضاعنا نفس الاوضاع
.......................... مالي خفوقي .. مثل مااملا خفوقه ..!!
مالي وماله .. من حناياي .. مطلاع
.............................. يكفخ ولكن في يديني .... سبوقه..!!
ماني من غيابه .. الياغاب مرتاع
.............................. ولاهوب خايف في غيابي عقوقه .!!
حتى ولو ضاقت .. من غيابي القاع
............................ متأكد .. اني ماتناسى .. حقوقه ..!!
متمركي ٍ طيفه ورى حدب الاضلاع
............................. يعزف لقلبي كل .. لحن ٍيرووووقه
وانا بقلبه .. ويخبرني .. الياجاع
............................... قطفت له .. تمر الوفا .. من عذوقه
غصب ٍ على جزل التعابير ينصاع
............................. شعري فدى قلبه ، وشوقه ، وذوقه
عندي قناعه .. ماني بحاجة اقناع
............................ ان المشاعر .. لو تباطت .. شفوقه
ابطيت بالريشة .. عن اوتار الابداع
...................... واليوم .. جيت .. ودندن الحرف شوقه ..!
مما رآآآق لي