اولا روحي صلي ركعتين لله بدون الفرض واطلبي ربي يعينك على الحل ويسخره لك ويكفيك ويكفي بيتك عيال وينات الحرام وقولي يارب من ارادني وحياتي وزوجي وابنائي بسوء فأشغله في نفسه ورد كيده في نحره فأنهم ياربي لا يعجزونك
اللهم اني استودعك نفسي وزوجي واطفالي في ودائعك فاحفظ ياربي قلوبنا واسماعنا وابصارنا وفروجنا يامن لا تضيع ودائعك وخليك مداومه على صلاة الليل والاستغفار على طوووول الخط واوصيك بسورة البقره فوالله ما جربتها انا شخصيا في امر الا ويسره الله
ثانيا قولي لنفسك ما راح ابحث بأي شيء يخصه حتى لو تمكنتي وكنتي لوحدك جاهدي نفسك واعلمي ان الشيطان حريص على الطلاق تحديه ولا تبحثين استغفري في الحال وادحري الشيطان وخلي لنفسك ورد يومي لو صفحه من القرآن
ثالثا خلي لنفسك ساعه او ساعتين لتدلل نفسك اعتني فيها سوي مساج لجسمك وحطي اقنعه وزيوت وسوي تقشير لجسمك كامل البسي تعطري وبرأيي بداية هالبرنامج سوي نيو لوك لشكلك شيلي الملابس القديمه واشتري الوان فرايحيه وقصي شعرك واصبغيه وجددي بكل شي
وحطي في بالك مو عشان زوجك لااااااا عشانك انتي بس يعني لا تستنين اي تعليق منه يعني الخطوه الثالثه دللي نفسك لنفسك
رابعا اهتمي باطفالك وبوقتك معاهم يعني اجلسي واستهبلي والعبي لا تقولين عيب وما ادري وشو عيشي حياتك بعيد عنه ومعاه ترى الرجال يحب الحرمه اللي فيها حياااه وتحب الحياه وما تتدخل بخصوصياته يعني اذا جا وانتي تضحكين لا تقفلين الضحكه كمليها وعلميه ليش ضحكتي وخليه يشاركك
اطلعي من جو الكئآبه اللي حصرتي نفسك فيه شيلي تكشيرتك وهمك واستمتعي الخيانه صارت شر لابد منه عند الغنيه وعند الفقيره عند الحلوه وعند العاديه عند القويه وعند الضعيفه فلا تكبرين السالفه
انتي قاعده تنقصين عمرك وهو ما جاب خبر يمكن بهالخطوات يكتشف انك موجوده وعندك شي ما يعرفه
وصدقيني راح تدمنين هالاسلوب وما عاد شي يهمك ولا عاد تجيبين له طاري الخيانه ولو فتح لها باب قولي كيفك انت تنسى لكن اللي عن اليمين وعن الشمال قعيد ما ينسون والحساب يوم الحساب انا بعيش وانت عيش لكن تالينا قبر هو صندوق العمل ولك مني ما عاد اسأل وما راح اضايقك انا وكلت امري لله وكفى بالله وكيلا
......
كلامي هذا كان المفروض من البدايه ادري بس انتي رديتي على احد الاعضاء انك ما تبين نصايح لكن والله اشوف دامه انفتح النقاش صدقيني والله جربي هالموضوع شهر وبتشوفين النتيجه عليك انتي اول وعشانك انتي اول
لا تربطين سعادتك وحياتك برجل مهما كان حبه حبي نفسك عشان يحبك دامك وراااه والله ما يجيب خبرك لأنك التهيت بالجري وراه ونسيتي نفسك
مشكلة الخيانه..ما تقتصر ع بيت بيتين..اتوقع انها نسبة كبيره..
واكبرمسبب لها مو لان الزوج ما يحب زوجته..لا مستحيل..
لكنه باقي براسه الولد الطايش اللي مايبغى يكبر..
ويعيش كرجل..لسى يفتكر انه من حقه انه يعيش مثل ما يبي..
وللاسف يتهمون النساء بنقص العقل..
وبصراحه..اني كل يوم اتاكد ان هذي العينات من الرجال..
يكونون ناقصين عقل....ودين..
صبر المرأة لايعني انها تستلم لزوجها الخائن..
ولايعني انها تنتقص نفسها..وتبدا بالتسااوؤل ..
هل انا غيرجميله..؟
هل انا مقصره..؟
هل...وهل..!!!!!
صبرها يعني انها تعطيه فرصه...اما بان يكون رجل..
او تعيد تربيته..
توقيع
قد تكون للعالم شخصا ما..وقد تكون لشخص ما كل العالم