الـقـلـب شـامـخ مـا يـهزه ريـح
والجمـل لا بـرك ارتكا لـحمله وشالـه
مايزعزعني هرج ناقص قبيــح
دامـه يتبـع الزيـن وصـوت خـلخـالـه
مانيب محتاجه ولابي منه مديح
رضـاء الله ثم الـوالـدين لا صتك جالـه
رضيت بنصيبي في زمنا الشحيح
وعزيت خالد عن قـولـن فبركه بلحالــه
وهجرت ذولاك ناسن مـشـافـيـح
مـثـل مـاقـيـل كـافـي خـيـري شـر بـالـه
ناسن تزعل وترضيهم مفاطيح
نقالت القيل والقال جلاسة البرقع وشالـه
ماهمني الداب لو صار له فحيح
ادوســه بــرجــلي وراس مـالـه نعـالـه
لاصار يحفرلي ويبغاني اطيح
دون حلقي يدي ولانيب اصغر عياله
ولو شفته يشق الجيب ويصيح
ما لتفت ولو جر الصوت بعالي مواله
لا جاء الجد مايصح الا الصحيح
وربك يمهل ولا يهمل بكتابه قاله
ليته يشوف حاله قبل تجريح
ولا يهون اخوه ونماه وعمه وخاله
والباب ماينفتح بليا مفاتيح
خطرن ينكسر مزلاجه من هول ماجراله
واليوم لو بيبنا ذابح وذبيح
ماهمني خيل الغدر ونهيق خياله
قلتها يارفيقي وبالي مستريح
دام راسي حي مايهزه خبل بعماله
وان مت خذ بثاري لا يهمك نبيح
ترى الكلب كلب لو لبس شماغ وعقاله
واستثني دمي ولحمي صريح
والباقي حاقد ضعيف موته اشواله