بسم الله الرحمن الرحيم
انا كنت اعاني من نفس المشكلة اللي فعلا محرجة
واستخدمت كل انواع العلاج بالمراهم بس ما استفدت شي
بس اكتشفت ان السواد يرجع للتغذية
بديت انظم وقت النوم بحيث امتنع عن السهر تماما وانام 8 ساعات متواصلة
واشرب ماء كثير مع تغيير النظام الغذائي تماما والابتعاد عن كل غذاء سيء
والابتعاد عن الدهون والحلويات والمشي كل يوم ساعة وأحط كمادات شاي يوميا قبل النوم
صدقيني واقسم بالله والله يشهد على كلامي ان الهالات اختفت ووجهي نور كثير لأن مشكلتي كانت بنظام حياتي الخاطيء وحتى كل أحد يشوف وجهي يتعجب وبعضهم يسألوني اذا حاطة كريم اساس أو لا
طبعا كلهم ما يصدقوني يفكرون عندي خلطة سرية
بس هذي الحقيقة
وحبيت اوصل لج خبرتي عشان تستفيدين وما تخسرين نفسج وتشترين كريمات ع الفاضي