سلام الله عليكم


اولا /
الخادمه سوا كانت اندونسيه ولا بنغاليه ولا ان شاءلله من جزر الواق واق << يقالي اعرف وشهي بالاول

هي مجرد يد مساااعده للام << في الحاجه طبعاااا
اما تجيك وحده لحالهااا في البيت وماعندهااا بزارين ولا مسؤليات وتقول تبي شغاله معليش اسميهااا رفله


نرجع للموضوع

الاندونسيات معروفات انهم شر لابد منه بس الفرق في التعامل ياا جماعه الخير
يعني لو كل وحده عاملت خدمتهااااا مثل ماتعامل اي كائن بشري ماكان صار اللي صار
من حقد وسحر وعلوم تشيب الراس

اغلب البيوت ماااعندهم رحمه للخدامه ظلم وتعذيب
وربي اعرف وحده مااتقوم من نفسهااا تشرب المويه
لاااااااااااااا لازم تصرخ وتنادي ياااااا فلانه هاتي لي مويه

وش ذااا ياربي
وتلاقين الشغاله المسكينه جالسه تاكل ولا تبي راحه وهذي تنكد عليهاااا في فتره راااحتهاااااا اللي تكون ضروريه

غصب الشغالات يحقدون من ايش من التعامل السيئ

وربي واناا اقول الصدق
خدامة امي اندونسيه جالسه عند امي لهااا اكثر من ثمان سنوات
وفي كل مره هي تطلب تجديد كل ماخلصت المده
طيب ليه ؟؟
لانهاااااا امي تعاملهااا مثل مااااتعاملني اناااااا يعني مثل بنتهاااا
حتى في العيد تشتري لهااااا هدايااا ومدلعه
ولو اجي ااناا عندهم واطلبهاااا تساعدني امي ترفض .
تقول لاااااااا قومي انتي اخدمي نفسك .....
هي مثلك انسانه ..


الصراحه المشكله في التعامل .... عندناااااااا
وغصب يكرهوننا ويحقدون ويسحرون

اماا على سالفه الرجال ....
وانهم يبون رجالناااا .... والله ارجع واقول ( فيه مثل قديم ... اسمعه من جدي وجدتي الله يسكنهم فسيييييح جناته .. وهو ( اربطو شاتكم تيسناااا من يجيكم ) اقصد يدي اذا فهمتو ..
يعني ربه البيت اذا هي اللي تقوم بواجبات الزوج بدل الخادمه ... ماكان صار اللي صار ..
يعني مثلا /
الزوجه نايمه في الصباح والخدامه هي اللي تحضر الفطور للرجل .. وفي الحمام تحضر له ملابسه والمناشف ...
ومن غير الشراريب والجزمه ... وش بقي تبوسه وتقوله باي يااا حياتو << خلاص عاد ماتبون يصير بينهم شي

غصب بتصير فتنه لان الزوجه الست هانم نايمه ومكبره المخده والشغاله هي ست البيت ...

لكن لو الزوجه هي اللي تهتم بأمور زوجهاااا الخاصه مثل تقديم الاكل .. او حتى تحضير الملابس والخدمه له ... ماكان صار شي
وبعدين لاتنسون الوازع الديني ...
في رجال مايشوف حرمه الا ركض وراهاا لو كانت سوداء فحمه ....
وفيه رجال ماشاءلله يخاف الله ويتقي الشيطان وسوسته ...

وعلى طاري الرواتب والله زييييين 800 ريال
الله يسلمك عندناا الخدامات بـ 1200 ريال شهرياااا
وفي رمضان توصل بـ 2000 ريال .. الشهر ...
يعني لو كل وحده وفرت المبلغ هذااا على زوجهااا وهي اخذته بنفسهااااا كان ارحم ..

موضوعك حلوووو ويسلمو دياتك

وسلامتكم ..

ورد

هههههههههههههههه
الله يسلم فمك يا ورد وينك يا بنت وحشتنا سواليفك
وكلامك درر
ومعك بكل كلمة
طبعا انا من المتورطين وطلبت من اندونيسيا ولسى ما جات ..ومدري وشو بيتشرطون علينا
عشان خادمه تعذبت
صح انها مأساة وظلم ...لكن اللي عذبتها عمرها ستين سنه
وين ذي الخادمه اللي ما بتقدر تدافع عن نفسها ...
القضه فيها غموض
بعدين ياكم طفل عدنا احترق بالماء الحار
وتعذب وتصفق في الجدران
لا تكلمنا ولا دوروا عن حقوقنا .حقوق السعودييين ..اللي اكلتهم المكاتب مع الشغالات ...اللي همهم اكثر من فايدتهم
لو لا الحاجه ما دخلوا بوتنا لكن الشكوى لله
القضيه ليست تغلي الشغالات
القضيه انه لايوجد قانون يحمي المواطن السعودي وقانون يحمي العامله
الفوضى اللي احنا عاشينها
يعني بالله تستقدم شغاله وتجلس يومين وتهر ب
تبلغ وتجلس تدور لها ولا تلقها الا بعد سنتين
يكلمونك يقولون لقينا شغالتك تعال سفرها ؟!!
خير
او تسوي لك مصيبه في البيت يقولون سفرها !
ووين عقابها؟؟ عشان تخاف تسوي شئ مرره ثانيه!
مشكلتنا ان كل العالم تتشرط علينا
بس ما تشرطنا احنا ....ولا حطينا انظمه تحمينا
شروط الخادمه من حقها
وشروطنا برضه من حقنا نطالب فيها ..
وتعاقب على اي غلط ترتكبه هنا في السعوديه
مو كل ما قتلت واحد سفروها

الله يكفينا شرهم واسحارهم وطبوبهم
من اعطانا حقنا من كل ذا البلاوي
حسبنا الله عليهم يارب

الله يقطع الحاجه اللي تجبرنا عليهم..

والله كل ما قلت اليوم بقدم..
احس يجيني اكتئااب طول اليوم..وابطل..لي يمكن فوق العشر.. اشهور على هالحال..
مع العلم ان عمري ما قدمت على خادمه وطلعت بطااله..كلهم طيببات..خدومات
لكن من كثر ما نسمع قصص..جاني الهم..
الراتب صراحه احسه قليل بحقهم..
يا ختي السعوديات..ياخذونها بتاع كووولوا..
تنظف و تغسل وتمسح وتكنس وتكوي....وتطبخ..وتربي..وتشيل..ورعان...
هذا اذا ما استخدموها..لعبه لبزارينهم يحطون حرتهم فيها..او مهرج بالبيت.. ومسخره بالبيت..وتهزيء اذا ضاق خلق العمه,,..وسب علني.وتجريح..؟؟

ما انسى شغاله شفتها بالسوق..وراء عمتها..
معطيتها يمكن فوق العشر اكياااس.شايلتها..المسكينه تششيل وتحطها
تفرك يدينها وترجع تشيل..لا وتسبها وتقول يالكسوله بسرعه..؟؟؟
اجل بالبيت..وش تسوي فيها؟؟
وشفت خادمه تصلي..وتاركه العمه بنتها تطلع وتنزل على ظهر الخادمه ولا فكرت تمنع بنتها..بس قمت وكلمتها كنها استحت شووي.....؟؟؟؟؟!!!
من غير التحرش الي يجيهم من الشباب بالبيت وهذا اذا سلمت من راعي البيت برااسه..طبعا البعض؟؟..!!
يعني بصراحه ما الومهم..من حقهم يضمنون سلامتهم..هم بشر..
وبرضوا من حقنا نضمن حقوقنا مو منهم من اللي يستقدمونهم..
لان هم اللي المفروض ما يجيبون الا مدربات..وجايين للعمل بس..


انا معك انهم تغلوا علينا لكن اللي تتكلمين عنهم هذولا بالسوق السوداء..
وللاسف ما يعينهم الا احنا..
يعني لو جد تبين تجيك الوحده تقولك اخذيي بــ500 بالشهر..
لا احد يقبل ياخذهم باسعارهم..الغاليه..
لانهم هم اللي محتاجينا اكثر..من حاجتنا لهم..احنا الكسل ذبحناا..
ولا فيها شي لو نصبر عليهم بس ست شهوور..
وراح تشوفون كيف اسعارهم تنزل..

ورد تقولين انها بالفين؟؟؟
وش رايك عندنا برمضان 4000...؟؟؟
رااتب كاامل؟؟؟

يا شيخه حتى الحبشيات ينافخون..وجالسين بلا شغل..وتقول راتبها الفين..من غير 200 لدلاله؟؟؟

والله العيب فينا احنا..نضيع فلوسنا عليهم...




يالله خلينا نسوي ثورة حنين عليهم..خخخخخـ

تسلم يدك ع الموضوع