صباحكم ورد ياحلوييييين

باكتب لكم قصتي واتمنى من اصحاب العقول الواعيه واخواني الرجال الحكماء ان ينصحوني ويرشدوني فان تاااااااائهه
(تبدا قصتي قبل ست سنوات بعد تخرجي من الثانويه تزوجت بعد الاستخاره واالدعاء اما زوجي فكان انسان مرح طيب مهمل صلاه الفجر والعصر. كان محترم مع الناس اما معي فكان مهمل جدا ومقصر مايجي الا اخر الليل لنوم طوال وقته يقضيه في الدوام ثم ينام ثم يخرج للمزرعه طبعا احنا في قريه ويجلس في المزرعه ومع اصدقائه وتمشيات وطلعات وبالليل يجي بس للنوم .كل ليله انتظره بلملابس الحلوه والمغريه والعطورات وارسل له مسجات الاشواق بس بدون فايده اذا جا يعطيني ظهره وطفي اللنبه تعبان بنام حتى العلاقه كانت ماتصير الا بالحاح مني وبعد محاولات شديده لاغرائه ثم يجامعني بدون مقدمات .الجوانب الثانيه مستحيل يطلعني او يمشيني او نسافر لاي ديره الا الرياض بس للعلاج ونرجع رغم انه تاجر وعنده خير .وينام بدري وانا ساكنه مع اهله وامه شديده جدا وكل الناس عارفينها وانا متحملتها واعاملها احسن معامله .بس عشان مااظلمه كان يجيب طلباتي ومايقصر ماديا وما كان يسبني قدام اهله ويحترم اهلي .المهم جبت منه اطفال وكان دايم بيننا مشاكل وازعل عند اهلي ولا يجي يراضيني وارجع علشان اولادي .ضربني ثلاث مرات (يوم كنا برمضان صار يسهر هذيك الايام مع ربعه وطلبته كم مره يسهر معي ورفض قمت وطلعت فراشه برا الغرفه وقفلت الباب لانه قاهرني ليش يسهر مع ربعه وانا حارمني مايجلس معي قام كسر الباب وضربني ضرب شديد)المهم نسيت اتكلم عن نفسي انا متخرجه قسم انجليزي بتفوق وجميله جدا بشهاده الجميع ومثقفه وخلوقه وطيبه وصريحه وذكيه ومكافحه لاني انجبت اطفالي كلهم وانا ادرس وماعندي شغاله رافض يجيب لي ورغم ذلك صبرت وكافحت حتى حصلت على شهادتي .وكان الكل يحسد زوجي علي والله ماكنت مقصره معه بشي طباخه ونضيفه واطفالي دايم نظيفين ومعطرين غرفتي ماعمره شافه وصخه لبسي اناقتي مرحه بشوشه وكنت اتفنن معاه بلجماع وادلعه وادخله بعالم ثاني ورغم ذلك مصمم على صدوده وهروبه طبعا العين بعد كان لها دور في نفوره مني بس قاهرني انه ماهتم ورفض نروح نقرا ويسكر القران اذا شغلته .في ليله من ليالي العيد كنت لابسه احلى لبس ومكياج وتسريحه ومضبطه غرفتي وحركات رومنسيه وحلى وتورته وعصيرات وشكلي يدوخ لما دخل جلس واكل بعدين بكل برود اعطاني ظهره ونام مت من القهر ومن اهماله رغم ماكان بيننا مشكله بس نام وتركني .المهم بعد ما تعبت منه وحاولت وما تغير قلت له شوف حط لي ثلاث غرف ومطبخ ببيت اهلك على الاقل اخذ راحتي لان امه جننتني بلقافتها كل شوي تدخل غرفتي بدون ماتطق الباب عذبتني قلت ابسط شي ابي مطبخ مستقل وما اطالبك بغيره رحت او جيت والا طلقني .قام واختار الطلاق وطلقني بكل بساطه وراح تزوج .المشكله اني اموت فيه وماقدرت انساه وبعد مااحس احد بيخطبني لاني ام ثلاث اولاد رغم انهم صغار جدا ورغم سمعتي الطيبه وامي وابوي من افضل الناس ولهم مكانه عاليه في جماعتنا وش رايكم انا ندمت وش رايكم ادعي انه يرجعلي او انساه وهل فيه امل اتزوج وهل يستحق افكر فيه .والله لادعي لمن يرد لي فرج الله همكم ساعدونييييييييي.