بسم الله الرحمن الرحيم
السلام عليكم ورحمة الله وبركاته
أخواني وأخواتي أعضاء ومشرفي المنتدى الرائع
أنا جيتكم وأنا خلاص واصله معاي لحد مايعلم فيه
الا الله عز وجل في علاه بالعربي انا شفت موضوع
كاتبه أحد أعضاء المنتدى وهو هل طيبة القلب ضعف شخصية؟؟
انا أقول نعم وألف نعم بتسألوني لييييييش انا بقول لكم ليش
بصراحه انا عندي موقفين مستحيل أنساهم مهما صار ومهما حيصير
الأول: في العمل
أنا أعمل في شركة خاصه ولها سمعتها في السوق العالمي
وليس فقط في السوق المحلي لا بل بالسوق العالمي
المشرف عندي انسان خوااااااااااااااااف بما تعنيه المعايير والمقاييس
يخاف من شي اسمه مدير ويخاف ان احد يستأذن منه حتى وان كان
لمستشفى لدائره حكوميه .... الخ وانا مستحيل ارفض اي عمل يعطى
لي لأن هذه أمانه مسئول عنها أمام الله عز وجل لكن في
مره من المرات جا المشرف وحط تنويه بأن سماعات الأذن ممنوعه
قلت له ليش ياخي انا انسان اسمع اغاني وما ابي احد يسمع معاي
عشان ما ابي اكسب اثام خلق الله قال لي بكيفك اسمعها زي ماتسمعها
بس لو شفتك حاطها بعطيك انذار عاد انا عندي سكر ارتفع وقتها وقلت له
يارجال اعطني عشره بدال الواحد بس ماتمشي كلامك علي بدون نظام
موجود في نظام الشركه كل شوي تحطلي انظمه من دماغك ترانا
ملينا ياخي ومن بعدها زي الرخمه ( أكرمكم الله ) او زي الخايف مني
ماعاد يتكلم معاي ولا شي كل هذا وش سببه ( طيبة القلب ) يعطيني عمل
ما اقول لا يطلب اي شي اقول له ابشر وعلى راسي وفي الاخير تمادا علي
الثاني: مع زوجتي
بصراحه ما ادري كيف ابتدي معاكم لكن ما اقول الا حسبي الله ونعم الوكيل
يا اخوان وأخوات انا ابغاكم تشاركون في هذا الموضوع بالذات اللي مع زوجتي
حيث أني اود مشاركة النساء أكثر من الرجال في هذا الموضوع ليش بقول لكم في الاخير
انا ياا ناس أساعدها في شغل البيت طبخ ، نفخ ، تنظيف ، غسيل ،
بعض الأحيان أقوم يوم الجمعه بدري قبلها واصلح الفطور واجهزه بعدها اقومها اقولها
قومي افطري يالله ، بعض الأحيان اغسل المواعين معاها ، بعض الأحيان انظف البيت
معاها ، بعض الأحيان أرتب الغرفه معاها ، بالله عليكم تشوفوني مقصر معاها
ازيدكم من الشعر بيت ياناس أقضي لبيتي 300 ريال شهريا هذا غير ديون البقاله
توصل تقريبا من 300 الى 400 ريال يعني تقريبا شهريا من 600 الى 700 ريال
وفي الاخير الوالد كان رايح الديره وقال باخذها معاي تسلم على اهلها
قلت مافيه مشكله مع اني كنت معارض او مره لكن حنيت عليها وقلت خلها تروح
تتونس مع اهلها شوي يوم راحت هناك وش تتوقعون صار
ابد راحت تقول الادمي هذا مقصر معاي مسوي لي مشاكل مايحترمني مايتفاهم معاي
دايم يهاوشني دايم عند اهله يكشفون اخوانه علي ، اقسم بالله انها كذاااااااااااااااااااااااابه
ومقارنة مع زملائي في العمل الحمد لله انا بيتي مافيه زيه
كامل ولا كامل الا وجه الله عز وجل
انا ما ادري ايش اسوي اخليها لكم وانتم اعطوني رايكم وش اسوي تراني مليييييييييت منها
هل تروني اني مقصر معاها بالفعل ام انها تكذب علي فقط؟
شكرا لكم أنكم استحملتموني شوي شكرا لكم مره اخرى
.gif)
.gif)
العرض العادي
