أولا: أنا عملته بالدجاج الطازج.. تاخذين كمية الدجاج اللي تبيها ومقطعة .. تغسلينها جيدا .. تحطيها باناء الطبخ مع شوية ماء وثوم ..وتضيفي لها بهارات الدجاج وشوي قرفة وفلفل أسود وملح.. خليها تثور وتغلي فيه الى أن يبقى نسبة قليلة جدا من الماء ويكون الدجاج تشرب بالبهارات ونضج تقريبا..
تاخذين الدجاج وتقلينه بزيت خفيف الى أن يتحمر ..ويكون الدجاج قد جهز.. وهاي صورته ..
نجي الحين للأرز..
تاخذي الماء اللي بقى من الدجاج وتزيدي عليه ماء بنسبة بسيطة كافية لنضج الأرز وتزيدي عليه شوي هيل وماجي حبتين.. اتركيه حتى يثور ثم أضيفي عليه الأرز المنقوع مسبقا واتركيه حتى ينضج على نار هادئة..
ويكون الأرز بكذا جااهز وهاي صورته..
والآن دور الخضار ..
تشرحي بصل وفلفل رومي وجزر وباذنجان وبطاط وكوسة وأنا اضفت عليهم مكسرات (كازو وفستق).. واقليهم بشوية زيت (بصراحة أستخدم يا السمن العماني الطازج أو زيت زيتون لقيمته الغذائية) ..اتركيهم لغاية ما يتحمرون ثم أضيفي عليهم طماطم مقطعة قطع صغييرة والصلصل وشوية من بهارات الدجاج وملح.
ويبقى الخضار جاهز.. وهاي كمان صورته
وأخيرا.. تحطي الأرز وتخلي عليه الدجاج وتنثري عليه الخضرة الجاهزة.. ويكون بكذا القبولي جاااهز وبالهنا والعافية..
وهاي الصور النهائية للقبولي .. وبعدها راح أخبركم بشي كمان....
وبعد احنا نقطع طماطم ونخلطه بالخلاط مع الليمون والملح والفلفل وناكل بيه القبولي.. وحلوو كثثير بعد مع سلطة الزباادي والخيار أو الجزر.. وأكيييد لا تنسوا المخللااات وخصوصا عندنا بالسلطنة مخلل رووووووعة مرررة..
فتحتي شهيتي بجمال ما طرحت أكلة حلوة ولذيذة وشكلها يدل على ذلك ماشاء الله عليك تبارك الله طباخة نخب أول ،شكرا لك وإذا ماعندك مانع تسوين دعوة لنا نذوقها الأخ جوعان ههههههههههههه