البنات بتتغير بعد الجواز وكمان الشباب
الشاب وهو خاطب غير وهو متجوز الشاب وهو خاطب وخارج مع خطبته اول حاجة يبقى حريص عليها انه يمسك ايد خطبته ويقعد يقولها تعالى جنبى عشان العربيات تعالى جنبى مع انهم ماشين على الرصيف وسبحان الله لو هو عنده عربية ومركبها جنبه بيبقى خايف عليها لتاخد برد كل شوية يقعد يقولها اقفلك الازاز بعد الجواز يركبوا مع بعض العربية تفكره وتقوله الشباك يقولها كسرى ام الشباك اياك يولع الشباك واللى عمله الاكرة ياماما جنب ايدك ارفعى الاكرة كدهوووووو حرانة وزهقانة هوا برا افتحى الباب وانزلى هوا برا راحة طراوة
الشاب وهو خاطب طول ماهو فى العربية يسمعها اغانى ام كلثوم عبد الحليم وردة شادية بعد الجواز هيا اغنية واحدة هانى شاكر غلطة
الشاب وهو خاطب يخرجوا يتفسحوا تقف قدام محل فساتين يقولها الفستان ده عاجبك تقوله اه مش بطال فى ثانية الفلوس تطلع بعد الجواز تقف قدام محل الفساتين صاحبك يتوه يقولها يلا يلا ياحجة تقوله ايه مش هشترى الفستان يقولها هو عاجبك تقوله اه يقولها هبقى اجيبك كل يوم تتفرجى عليه هنا اهو
نتكلم بقى شوية عن البنات دا البنات فى الخطوبة حاجة تانية المخطوبة دايما ايدها فى ايد خاطبها يا اما الصابع الصغير مع الصغير من علامات الخطوبة يعنى وطول ماهما ماشيين اسمع منها كلام حلو محمد امبارح انا وماما مانمناش طول الليل التكيف كان بايظ وواقفين فى البلكونة والله العظيم يامحمد دى ماما بتحبك مش عشان حاجة بتجبها وانت جاى والله دى اخر حاجة بنفكر فيها انت ماتعرفش انت ايه بالنسبة لينا عارف لما بتكون عندنا وتمشى اخويا الصغير يفضل يعيط اقوله عمو جاى بكرة
شوف بعد الجواز بسنة تلاقيه طفشان ياعينى عشرين متر قدام وهيا ورا مش عايز يسمع منها حاجة يلا ياستى عشان نروح دا انتى يومك طويل ما بحبش اروح معاكى فى حتة بيبقى يوم ما يعلم بيه الا ربنا انا مالى ومال الجواز ما انا كنت قاعد جنب امى اكل شارب نايم تقولك ايه لازم نروح لماما ال ماما مابتجلناش كانوا لسة عندنا وكلوا اكل التلاجة فضيت طبعا مش كل البنات فى نوعيات ونوعيات اللى يغيظ بقى ان اى عريس بيخطب بيجى زيارة من 7 او 8 هيا من الساعة 1 تتفرغ لحاجتين المرايا والمكياج وابقى قابلنى ان شفتهم بعد الجواز الا وهيا خارجة تلطعك ساعة تبقى لابسوهيا واقفة فى الخطوبة بقى تحط فى مكياج وشوية برفان وشوية ايلينر ومعاهم شوية اكلدور وشوية ياميش وشوية بقر دا اللى جابلنا جنون البقر بعد الجواز تقعد تستناه ولا ياعبده هههوووووووو عوووووو جلاليب وعبايات اشكالها غريبة ايشربات مربوطة من صباحية ربنا ربنا يعلم بربطتها ويتفننوا الراجل يا عينى يفتح عينه الصبح يمين الربطة يتغدوا تروح جراله شمال تيجى باليل تخلى الرابطة قدام تخيل كده جوزها جاى من الشغل يفتح باب الشقة بدل ما يلاقى منظر طبيعى يلاقيها قاعدة لابسة بونيه وقاعدة بريحة البصل دراكولا
اتمنى تردوااا عليا وتقولوا رايكم في الموضوع ....وياتري اللي قلتة صح ..؟؟؟