هذه قصه يرويها أحد الأشخاص الذين من الله عليهم بالتوبة ويرويها بكل حرقة والم عن ما يرى عن حال بعض الفتيات
يقول فيها
بسم الله والصلاة والسلام على رسول الله اما بعد :-
لن اسرد عليكم ايات او احاديث لانكم تعرفونها ولكن مالا تعرفونه هو خطط الشباب على اخواتنا وخصوصا بنات الانترنت ( وهذا مارأيت )
انا كنت ادخل نت كثير من مقهى ورأيت بعيوني وش يسوون الشباب عشان يصيدون البنت بكل خسة اللي يسوي شاعر واللي يسوي طيب واللي يقول قصة امه اللي ماتت وكيف مشتاق لها عشان يحنن بننت الناس عليه و اللي واللي واللي ...... وكلهم كذابين اخبث من الخبث
والله شفت ناس من جد هم شياطين الأنس وربي انهم يسوون خطط وأشياء والله ما تتوقعونها والله ان بعضهم يدّعي انه مات عشان يلفت انتباه البنت واذا انتبهت له صار شوي شوي يقرب منها وربي بعضهم لو يجلس سنين يطرد ورا البنت عشان ايميل انه مستعد يصبر!!
انا شفت بعيوني زوجات انفضحوا وزوجات كانوا بيطلقون وبنات من عمر 15 الى عمر خمسين وأن مافيه شاب يحترم بنت تكلمه وربي ان البنت اللي تكلم الشاب يراها احقررر واذل واتفه من نعاله ( أجلكم الله ) اذا اخذ حاجته منها فضحها وذلها والا شبكها مع خويه عشان يذلها ويهينها الى حد ماتدور البنت على كل الشله
يابناااااااااات يابناااااااات اصحوووو الله يوفقكم اصحوا الله ينور قلوبكم
والله شفت قصص قدام عيوني لو اقولها ماتصدقون كم من بنت دخلت داعيه صارت تكلم شباب وكم بنت دخلت تتسلى بالنت وانتهت بأنتحارها بعد مافقدت شرفها ..!!
لاتظنين انكَ بجلوسك وحدك في الغرفه و في بيتك أمان لك منهم وربي انهم يسحروووون بكلامهم وبخططهم يتلون الشخص منهم بألف لون وانا احلف ايمان مغلظه انه لا يوجد شاب يكلم فتاة الا يكلم معها كثيييير غيرها
بعيوني رأيت شباب والله اذا رأيتهم اقول ( الحمدلله اللذي عافاني مما إبتلاكم به وفضلاً على كثير ممن خلق تفضيلا ) لقبحه أو لعاهة مشوهة وجهه واذا بي أتفاجأ بأنه معبى الماسنجر والجوال بنات وكلهن غبيات لو وحده منهن شافة وجهه والله ماتكلمه كلمه وحده
تدرون ليه ؟؟؟
لأن النت صاير مثل سوق الغنم اللي يدخل يجد بنات أرخص من الغنم وهم يعرضون انفسهم على الشباب وربي انهم ارخص من بنات الليل
تدرون ليه ؟؟؟؟
لأن بنت الليل الشاب يدفع فلوس عشانها ولكن بعض البنات تشحن لحبيبها وترسل له فلوووووووس وهدايا عشان يكلمها عرفتوا ليش ؟؟؟؟؟؟
ولاتظني يامن تكلمي شاب بالرسائل الخاصه او بالشات او بالماسنجر او بالجوال ان الوضع سوف يصل الى هذه الأمور بس . لا والله .
الشيطان شاطر والله عز وجل قال ( ولاتتبعوا خطوات الشيطان ) والله عز وجل قال ( ولاتقربوا الزنا ) أي أقطعي جميع السبل من البدايه لأن اليوم كلام بمنتدى بكرة رسائل خاصه بعده ماسنجر بعدين جوال بعدين مقابله بعدين فضيحه والشاب بيرفسك برجله ويتفل عليك
والله سألت من كانت له علاقه قلت له كيف بعد ان تقضي وطرك من البنت وش تسوي ؟؟؟ قال والله نفسى ارفسها برجلييييي وربي هذا كلامه والله هو الشاهد .
ولاتظنين انك تعرفتي على شاب خارج مدينتك انك لن تنفضحي كما يفعل بعض البنات . الله ان اراد ان يفضح احد فضحه لو في عقر داره .!!
انا مرت علي قصه اقولها لكم للعبره:
جاء لأحد الشباب من حفر الباطن واللي مايعرف حفر الباطن هي بحدود الكويت والشخص القادم من حفر الباطن اخذ صاحبنا يوريه منازل البنات اللي يعرف ( وربي كثير ) و طلع يعرف زوجة عم صاحبنا رغم انه صاحبنا ساكن في الغربيه يعني جاي رغم المسافه هذي كلها بين المدينتين ..
ولكن الله عز وجل اراد ان يفضحها مع العلم ان الشاب القادم من حفر الباطن مستعد يسافر لأي مكان فقط لكي يحظى ينظرة ويحدثنا بلسانه انه سافر لقطر والامارات وكثير من مدن المملكه بس ليراها من بعيد..!
لكي تصدقوني اذا قلت لكم ان الشاب مستعد يسوي المستحيل بس عشان يكثر البنات اللي بحوزته ويفاخر واذا ملّ منك رماك كأتفه شيء عنده وانتي وش تعرفين عنه يامسكينه ؟؟؟؟ هو يدور غيرك وانتي تبقين ملطخة بالعار والذل طول حياتك
واذا مو خايفه من الفضيحه ولا تدمير مستقبلك وعادي ودك تكونين لعبه بأيادي الشلل ومكالمات اخر الليل وبيتكم معروف ( بيتكم معروف = اغلب الشباب اللي يعرف بنت في بيت معيّن على الاقل على الاقل اخبر عشره اشخاص ان في هذا البيت ........ ) واذا مو خايفه على ابوك او امك او اخوانك او اخواتك خافي من اللي خالقك لا تخسرين الدنيا والآخره .
و ارجوكم ارجوووكم ارحمونا من عبايات السهره واستتروا بالاسواق لأنك اذا فتنتي ولو بنظرة ممكن النظرة هذي تحفزه يسوي افعال انتي السبب .
يمكن مايرقمك ولايكلمك ولكن ينظر اليك وانتي تكوني سبب في تهييجه وجعله يعاكس غيرك او يفعل اي شيء وانت تكوني السبب ؟
هل ترضين انك تكوني سبب في فساد مسلم ؟؟؟؟؟ واي جريمه يسويها تكونين شريكه معه في الأثم
اذا اجبتي بلا فالله يجزاك الجنه ويعوضك الفردوس الاعلى وأستتري من اليوم واللي صبرت عنه بالدنيا بتجدينه في الدنيا والآخره بإذن الله .
أخواتي
أخواتي
أنتن أغلى من الجوهر والله اذا حافظتي على نفسك
أما إذا أحتقرتيها وأرخصتيها فأنتي بلا قيمــه وأرخص من التراب وخصوصاً في عيون من يزينون لكِ هذه الأعمال لأنهم يريدون متعه مؤقته فقطـ فلا تكوني رخيصه وشتان مابين الثرى والثريـــا
أختي أنتي أغلى من بطاقة بل أغلى من كل الأموال أقســــــم بالله أن المرأة إذا صلحت فإن خلقاً كثيرا سوف يصلح خلفها ولو صلحوا جميع النساء لصلح المجتمع كله فلاتحتقري نفسكـ بارك الله فيك
ولو فسدت وجلبت لنفسها العار والذل فإن ورائها ناس كثير بتنزل روسهم التراب واولهم اهلها ولكن يوم القيامه لن يحاسب على خطأها أحد هي وحدها سوف تقف بين يدي الله عز وجل وراح يسألها عن كل شيء سوته كل شيء عن العبايه المخصره وعباية الكتف واللثمه وعن الماسنجر وعن الخاص وعن كل المكالمات
وبالنسبه للمكالمات لو قلتلك ان فيه واحد سجّل عليك مكالمه فإنك ماراح تنامين اياااااام وتبكين وتبلغين الهيئه والا يمكن تنتحرين مثل مايسوي بعضهم ولكن عندما نقول لكِ مايلفظ من قولٍ إلا لديه رقيب عتيد وأن كل شيء مسجل عند الله فإن ردك أقبح من ذنبك فلا تجعلي الله عز وجل اهون الناظرين اليك
أرجوا من قرأ موضوعي ورآه مفيداً أن ينقل إلى منتدى آخر لعل الله ان ينفع به فإنها والله من قلب صادق محب الخير لبنات الإسلام
أخوكم تائب لله
الرجاء الدعاء له بالثبات ولناقلها والمسلمين اجمعين
العرض العادي
