احب ان اضع بين ايديكم هذه الابيات لعلها تحوز على رضاكم وهي من كلماتي وابدااعي



(( غياب المشاعر ))


ياغياب المشاعــر من خفوقآ حزين === كيــف حــــاله تغـــير يوم خله نساه

بالجــفا والتــغلـــي زاد جـرحآ دفين === وزاد همآ بقلبي اشتكي من شقاه

ياخفوقآ تألم مـــن جـــروح السنين === ياسرابآ بدربـــي صــرت امشي وراه

احسب ان المحبه مثل شي ثمين === صاحبه يحتفظ به طـــول عمره معاه

مايساوم بحبه لــو زمــــانه يـشين === شايله في خفوقه لاجـل يثبت غلاه

وكان راعي المحبه بالغلا يستهين === زاد فوقـــــه عتابـــه ليــن ضيـع هواه

ومن عيوني اترجم للغلا دمعـــتين === دمعة لاجـــل حبـــه ودمعة من جفاه

آه ياصبر قلبي جعـــل ربــــي يعين === آه ياحــــر جمــرآ اكتـــويــــت بــلظاه

من تجاهل حبيبآ معانــده مــايلين === كــل يــــوم معـــصب وانـــا ادور رضاه

والله انه بقلبي وله شــوق وحنين === والمحبه عطيتـه وهـــو بخيـــل بعطاه





وسلامتكم

تحياتي للحميع

:138: