بصراحه الله يعينك

ولا تعلق عندي سوى الدعاء لك بالعيشة الهنيئه

اول نصيحه وهي الاهم انك تطيل الدعاء والصلاه يعني انا سمعت عن واحد كان مش بيطيق مراته وبده يطلقها لكن احد الاصدقاء نصحوه بانه يجرب بعض الطرق كان يصلي معها جماعه و يدعوا سوا اخر الليل و يقرأوا القران سوا وبيقول الرجل الي كان مش طايق مرته بانه الحياه بينهم امتلت حب ورجعوا اكتر من السمن على العسل جرب هاي الطريقه يعني صلي فيها جماعه ادعوا سوا وادعيلها كمان وان شاء الله رب العباد يستجيب
وكمان نصحيه تانيه جرب انك تغير في شكلك ومظهرك يعني حاول تعرف بطرق غير مباشره كيف زوجتك بتهوى يكون شكلك وحاول تغيره على حسب رغبتها كمان ما تنسى الرومانسيه خليك دايما رومنسي ورد وهدايا وكلام حب وليال كلها شموع من غير ما تحسسها انك عاوز غرض جنسي منها يعني استمتع معها بقعده حلوه ورومانسيه من غير اي حركات جنسيه اوصفلها حبك وشعورك وركز على وصف شعورك لما شوفتها اول مره وكمان اتغزل فيها هي العمليه بدها شويه صبر لكن ان شاء الله ما في مشكله مالها حل بتمنى انك تطبق النصيحتين الي قولتلك اياهم وان شاء الله محلوله
وتحياااااااااااااااااااااااتي

ياهلا وسهلا عزيزي
الله يكون في عونك وتتسهل أمورك إنشاء الله
رأي الملاك البريء ممتاز
وجرب وتذكر دائماً ( كل إنسان وله مفتاح )

السلام عليكم ورحمة الله

بالاول بحب اشكر الملاك البريء لان فعلا نصيحة حلوة كتير وان شالله تجيب الفايدة

انا من فترة صغيرة التقيت بوحدة من صديقاتي وهي متزوجة وكانت عم تشتكي من نفس الشي يعني هي بيصير معها متل مابيصير مع زوجتك مابتخلي زوجها يقرب عليها ولهلا بتشعر بالم بصراحة من خلال الحديث حسيت انو هي ما كتير بتحب زوجها الحب اللي بيكون بين الزوجين يعني لما بتكون الزوجة بتحب زوجها مابتقرف منو وبالعكس بتكون مبسوطة لما بتشوفو عم ينبسط معها وبيكون همها انو ترضيه

بس اهم الشي ياخوي انك تحاول تشوف وين العيب والثغرة بحياتك والشي اللي ناقص بزوجتك وماعم تشوفو فيه يعني وانت شي مرة قاعد معها حاول تسالها عن شكل الرجل اللي بيعجبها او طريقت تصرفاتو وانت حاول تعمل الشي اللي بتحبو
وطبعا انا ماعم قول انو زوجتك مابتحبك بس بيجوز بدها شي يخليها تتعلق فيك اكتر خليك رومنسي معها ولاتبخل عليها بالكلام الحلو واحكيلها انو انت لما بتكون معها مابيكون همك الاول هو نفسك قلها انو بيكون همك انو تبسطها الها

مابعرف انا هاد اللي عندي قلك ياه من خلال خبرتي البسيطة بس بحب انصحك نصيحة يااخوي انو مهما وصل الامر بينك وبين زوجتك لاتفكر في الحرام لان انا متاكدة انك وانت عم تستعف من الحرام ومن الاغراءات اللي عم تجيك ربنا رح يهيألك
الاسباب اللي تخلي زوجتك متل مابدك وخليك واثق من ربنا

وخلي زوجتك تقرى مواضيع من المنتدى رح تستفيد كتير والله يسعدكم مع بعض يارب