مساء الخيــــر

ياجماعه انا اعاني معاناه
لدرجة اني ماعاد اقدر اتصرف بأي شي
انا تزوجت من سنه وسكنا انا وزوجي مع اهله بس دور ثاني وللأسف من بدينا حياتنا وكل اهله عندنا
امه مطلقه وساكنه عندنا وبنتها واخوه من ابوه معنا يعني مافي حريه:sa7l. (234):
ابوه متزوج 3 ومطلق 2 وكل وحده عندها 4 وكلهم معنا بالبيت يعني متوزعين فوق وتحت
المهم
هذا كله من تحت راس ابوه اللي ماودي ادعي عليه
معنيُنا هالرجال يتشرط ويبي كل شي بأمره
لدرحه انه يقول له مرتك ماتعرفها الاوقت النوم بس ولا تدخل غرفتك الا ذا صار فيك نوم
ودايم يلومنا على كل شي من تزوجت ودخلت البيت حرمنا من شهر العسل على اساس ان ترتيبنا لبيتنا اهم من السفر
ومطفشنا في عيشة الله وجايب ولده اللي يدرس بالمتوسط عندنا يقول فطروه واهتموا فيه وذاكروا له وكل شي ماعاد بيقول لنا الا وضوه الله يكرمكم:sa7l. (64):

واذا صار اي شي ولا ماصحوا عياله اللي عندنا بوقتهم قام يطفي الكهرباء علينا
واشيااااااااااااااااااااااااااااااء مااقدر اوصفها لكم
ياناس مقهوره المشكله ان زوجي محترررررررررررررررررم ويحب ابوه ويحب اهله مع انه يطفش من تصرفاته معه
لكن وش يسوي هذا بالاول والاخير ابوه واللي يسويه هو بأبوه بكره يسوونه عياله
احنا ناوين نطلع ببيت بروحنا لكن اوضااعه ماتسمح اننا نطلع حاليا:sa7l. (33):
ماعاد استحمل العيشه انا بهالبيت واخواته نشبه ناشبين لي في حياتي 24 ساعه عندي وبغرفتي بعد يعني مافي حريه وابوهم مايبيني ااانا وزوجي نجلس لوحدنا اذا شافنا جالسين ارسل الي احد من عياله علينا يجلسون معنا ولا طلع هو لنا..
ولا اتصالاته على مدار الساعه ويقول مالها داعي هالرومنسيه اللي انت فيها تخييييييييييييييلوووا
انا مع كل اللي قلته ولا شي قلت من اللي اشوفه كل يوم ها غير انه يحاسبنا على كل صغيره وكبيره اذا جاب شي لبيتهم جاب لنا معهم طبعا مو عشان سواد عيوننا الا عشان عياله واذا زعل قال والله لاحرمهم من الاكل والشرب :death::death:
يحاسبنا على نومنا نامو بهالوقت واصحوا بهالوقت تقولون بزران
واحنا نايمين يجي يتفقد بيتنا ويشوف اذا نظيف ولا وسخ
مع انكم ماتتخيلون كيف نعامله بعد مايتصرف كذا معنا انا الوحيده من بين بناته اللي اجي اسلم عليه وابوس يده وزوجي هو اللي يساعده بكل المشاكل ويتحمله ومايرد عليه الا ابشر وحاضر
وانا متغربه عن اهلي ابي ازورهم بالاجازه تخيلوا يقول لا زوجتك ماتروح تقعد مع امك وخواتك>>>وش دخلني انا فيهم
علما اني من تزوجت ماشفت اهلي الا مره وحده ولا طولت بعد
هو زوجي يلكعه احيانا بالكلام مثل لاتتدخل احنا حريين انا المسؤول عن زوجتي وكذا
بس من نكلم ياحسره؟؟؟؟؟؟؟؟؟؟؟:sa7l. (33)::sa7l. (33)::sa7l. (33):
مشششششششششششاكل
ماتتخيلون مقهوره قهر غير طبيعي بقلبي نار شابه لكن المشكله مااقدر اتصرف اي تصرف لاني احب زوجي ومتفاهمين وهو يحتاجني ويحبني ونبي نسند بعض وصعب اقول لأبوه شي مع انه يضايقني فوق ماتتصورون بس هذا كله احتراماً
لزوجي يعني انا بأنفجر:sa7l. (34):
تكفون وش اسوي انا اللي قلته لكم غيض من فيض
وش اسوي وش اقول وكيف اتصرف
الله يخليكم ساعدووووووووووني
واللي يعجز يدعي لنا انا حامل الحين ومضغوطه نفسيا وحالتي بالبلاء
اشكي لكم همي فساعدوني