بسم الله الرحمن الرحيم اخواني واخواتي انتو الاشخاص الوحيدين الي ممكن اتكلم معهم بدون خوف او خجل وانتو الاشخاص الي بينصحوني بدون تحيز .بدخل في الموضوع دايركت .الشهر الي فات وصف لي الدكتور منظم الدورة دوفاستون مع دواء متفور المهم استعملت دوفاستون من اليوم 15 من الدورة لمدة عشرة ايام وتركته وجلست عشرة ايام ومانزلت معي الدورة رغم اني متعودة اتركه وبعد ثلاث او اربع ايام تنزل .المهم سويت تحليل الكلوروكس الي يقولون عنه وفار الكلوروكس وفار قلبي معه ياربي ممكن اكون حامل وسكت وخبيت فرحتي لكني كنت طايرة من الفرحه المهم اليوم العاشر سويت تحليل منزلي وطلع خط ثاني خفيف جدا وفرحت وفرح زوجي فرحه لايمكن اوصفها في ذاك الوقت حبيت نفسي وحبيت الدنيا وحبيت كل شي ورحت للدكتور وقلت له وابدا ماابدى اي تعبير على اني ممكن اكون حامل وجلس يقرى ملفي كامل ومومصدق اني ممكن اكون حامل لاني اخذت كلوميد مرة واخذت ابر منشطه مرة وماصار حمل فشكله مو مصدق قالي بنبرة تبين تسويت تحليل دم ؟يشاورني الاخ ؟قلت له اكيد وسويت التحليل وقالت الممرضة ربع ساعه .اقسم بالله كانت اطول ربع ساعه انتظرتها في حياتي وفي النهاية ماطلع حمل والله اهتزت فيني الارض ومانطقت ولاكلمه .رجعت للدكتور ابغاه يسوي اي شي تصوير والا كشف اي شي متاكده اني حامل (والله اكتب ودموعي بعيني )وقهرني ماسوى اي شي بس قال لي انتظري اربع ايام وارجعي كلمت دكتور ثاني بالتليفون قال لي ضروري تجين لي مستحيل بعد المنظم تتاخر الدورة كثير المهم مرت الايام وانا اداري على نفسي الين كملت 12 يوم وفي اليوم 13 يوم الجمعه الفجر حسيت بشي انفجر مني بقوة يالله مستحيل انا متاكدة المهم ظل ينزل مني وانا لحظتها بكيت بحضن زوجي والله كني طفله اقوله كنت ابي افرحك وظليت ابكي بقوة اقوله انا متاكدة اني حامل بس الدكتور ماسوى لي تصوير علشان يتاكد .انا متاكدة اني حامل ونزل بسبب الدكتور حسبي الله عليه وظليت ابكي واقول لزوجي خلاص ماعاد اعالج عنده اباخذ ملفي منه واراجع دكتور ثاني يمكن يكون عنده اهتمام اكثر والله ظليت ابكي لين تعبت ونمت وانا اقول الحمدلله على كل حال .هل انا ممكن اكون حامل ؟هل الي صار معي اجهاض خصوصا انه شكل الدم غير ثقيل مرة مرة ارجوكم فيدوني وش صاير معي ولا تنسوني من دعواتكم