بسم الله ,,
السسسلام عليكم ..

حابة أحكي لكم مشكلتي مع زوجي و أتمنى تعطوني حلول و أفكار و نصايح =)

أحنا متزوجين صار لنا 3 سنوات .. عندنا ولد مثل القمر عمره سنتين الله يحفظه ..
طبعا انا بالشهر الثاني من زواجي علطول حملت ولله الحمد .. و تعرفون فترة حمل كيف تكون نفسية الحامل
وبعد الولادة و إنشغالها بالتربية خصوصا بكر و صغيره بالعمر نوعاً مآ ..
فـ بإختصار أنشغلت شوي عن زوجي .. من ناحية مشاعري و إهتمامي بنفسي و بشكلي و ببشترتي ووو...
طبعاً عانيت كثير كثير مع زوجي و مشاكلنا .. أكثر من مرة أكتشف إنه يكلم بنات ع النت و يغازل و يشوف صور
و ما إلى ذلك ..!
و حاولت إني أحلها لاكن مو قادرة ..!
زوجي مادري يمكن مريض .. مو رآضي يترك اللعب في النت خصوصاً إنه يشتغل بره الحسا ..
فيلعب على رآحته ..
و جاف معي كثير كثير كثير كثير أتعب وانا أقول كثير .!
كلمات حُب تقريباً ما أسمعها منه إلا بالجنس بس .. !
على الرغم إني أقوله ودي علول تقولي حبيبتي ,, بس مآكو فايدة .!
عنيد و عصبي و إستهتاري و قلبه جاف و ...
طبعاً هالشي سبب لي تحطيم لنفسي .!
صرت أول حاجة شكاكة .. مو واثقة فيه .!
لأن بالـ3 سنوات وهو على نفس الوضع و كل مرة أزعل و يحلف لي إنها آخر مرة و أصدقة
و بعد فترة يرجع .!
دائماً أنصدم فيه و أفقد ثقتي به ,,
كلما حاولت أقرب منه بعد مني ..

الحين أنا أبي مساعدتكم ..
زوجي من النوع الصعب كثير .. طماع مايشبع .. كلما عطيته أحتاج أكثر و أكثر ..
يبي يشوف فيني جميع الصفات و المواصفات الحسنة و المغرية بكل شي ..
حتى بلبسي .. على الرغم إني علطول شيك و مرتبه جنبه و ما ألبس إلا ماركات بس مايعجبة
يبي لبس خاص مثير و مغري علطول .!
يبي بشرتي ماكو أحسن منها .!
يبيني أدلعه و أهتم فيه و أعطيه كل اللي يبيه وزود .!
و مجرد تقصير بسيط مني ممكن إنه يلف على غيري :(

أبي مساعدتكم و تجاربكم يالحريم و الرجال
لأني عن نفسي تعبت !
مو قادرة أفهمه بالمرة :(

وياليت ماتبخلون علي ..
وشكراً