يا ونةٍ ونيتها تالي الليل
......... مدهالها بين الضلوع المهاديف

على وليفٍ عني ابعد من سهيل
......... ما يقرب الا تالي الليل بالطيف

انا اشهد ان الحب كله غرابيل
............ ويا لايمين اهل المحبه ملاقيف

خلوه دامه يكتم الهم والويل
...........لو كان نومه طول ليله تخاطيف

ومن بعدها بابدل النهج تبديل
..........شاعر ولا احسب فالقصايد تكاليف

اقدر اوظّف صدر قافي على ابريل
...........والعجز لامني بغيته على جنيف

الشعر ماهو بس كذبه وتضليل
...........الشعر للي يفهمه يعتبر كيف

ايوووووووه يا شوف العيون المظاليل
........... اللي بلحظه تقدر تغّطي السيف

يا فتنة يفتن بها كل هالجيل
..............لين الشباب يصيبه اليوم تخريف

ان ما عسفتك مثل معسوفة الخيل
...........وصرتي مثل مركب تقوده مجاديف

وان ماوزنت الكيل واوفيت بالكيل
..........واصبحت انا وياك رمز المواليف

ازرعك نجمه فالسما تكتم سهيل
......... وشهر العسل باريس من بعده جنيف