أحس إنك تبـي تبعـد ولاتـدري وش الحيلـه
ولا لك بالهجر أعذار ولابـك جـرح وتعانـي
حـــبيبي لا بغيت تروح ابيـك الماضـي إتزيلـه
ولا تفكر أبـد بنـدم علـى خـلـ(ن) تناسانـي
أنـا إن جيـت تلقانـي أحبـك حـب ماتزيلـه
رياح البعد والهجـران ولا حتـى أحـد ثانـي
أبي تعرف بعد عنـي أعيـش الحـب وأوفيلـه
وأضحي لجل عين اللي حرم نفسه علـى شانـي
ولا أغصب ابد وآحـد علـى حبـي وتمويلـه
أبد لاينزعج منـي وعلـى المكشـوف يلقانـي
أنا صادق وأحب الصدق ولاشفت الصادق أدعيله
أحـس الكلمـه بوجهـه أعبّرهـا وتقـرانـي
صريح بكل ماعنـدي ولا لـي بالغـدر حيلـه
على النيه أبي أمشي وعسـى الخونـه تعدانـي
وأبي تعرف ترى قلبـي يعيـش اليـوم والليلـه
يشيل أهموم لـو تـدري يعانيهـا مـن يعانـي
ذبحني كثـرة التفكيـر يطيـح الفكـر وأشيلـه
وأحاول أنسى مايجري علـى الدنيـا وأنسانـي
ألا ياخـل مـا ودك تجينـي تحمـل الشيـلـه
من التفكيـر بالدنيـا مـن أهمـومـ(ن)تحدانـي
وإذا تخليت ياربي عسى ماتـذوق مـن ويلـه
وتلقى بالسعاده درب ولا يجيـك الـذي جانـي
وأنـا أغنـي بهالدنيـا ويميـل الحـظ بالميلـه
وأهيجـن وأنظـر القمـرى وأبكّيهـا بألحانـي
وألا ياكيـف مـا ودك تعـذب يأسـود الشيلـه
وأنا خلك بهالدنيا ولا عنـدي سـوى أحزانـي
أقول ( إنساني أحسن لك) وقول الحـب بطيلـه
وعيـش العالـم العـادي بـلا كآني بلآ مآني ،،
العرض العادي
