قصيدة في الام لزمردة الخليج - زوجــي و زوجتــي عالم الحياة الزوجية

السفير ماااجد ..:: مشرف دليل الوسائط ::..

طلب زمردة الخليج
قصيدة عن الام للشاعر حامد زيد أعجبتني حبيت انقلها لكم
اكيد راح تعجبكم

^
^
قصيدتي زاد بعيوني جمالــــــــها ** واخذت انقي بالمعاني جزالــــــها
واكتب معانيها من الشـوق والغلا ** لامي وانا اصغر شاعر من عيالـها

كتبتها في غربتي يوم رحـــــلتي ** لما طرالي في السفر ماطرالهــــا
امي وانا بوصف لها زود حبــــــها ** وان ماحكيت لها قصديي حكى لها

أمي لها بالجوف والقــــــلب منزلة ** مكــــانة ماكل محبوب نالهــــــــا
اقرب من ظلالي وانا وسط غربتي ** وانا تراي اقرب لها من ظلالــــها

ماشافت عيوني من الـناس غيرها ** ولا خلق رب الخلايق مثالــــــــــها
أغلى بشر في جملة النــاس كلهم ** وأكرم من ايدين المزون وهمالها

اتبع رضــــاها وارتجي زود قربها ** واللي طلبته من حياتي وصالـــها
الصدق مرساها والأشواق بحرها ** والعطف واحساس الغلا راس مالها

أهيم فيها وابتــــــــسم يوم قلبها ** يسأل وأنا قلبي يجاوب سؤالها
وان طلبتني شي فزيت منـــدفع ** أموت أنا وأحمل تعبها بدالـــها

اصبر على الدنيا والاحزان والتعب ** واحمل على متني فطاحل جبالها
أسهر وأعذب راحة القلب بالـشقا ** وأعيش أعاني بس يرتاح بالــــها

تربية ابوي اللي على الطيب اذكره ** اللي وهبني للحـــــياة ومجالها
نورلي دروبي وانا طـــــفل مبتدي ** حتى تركني واحد من رجالــــها

الوالدين اولى بالاحسان لاجلهم ** واولى بتكريم النفوس وعدالـها
اقولها وانا على الله متـــــــــــكل ** والله عليم بقديري واحتمــــالها

ياكلمة اغلى من الــــــناس كلهم ** ياشمس بقلبي بعيد زوالهـــــا
يافرحة تملي لي الكــون باكمله ** ياشجرة تكبر ويكبر ظلالهـــــــا

تضحك لي الدنـيا لي شفت زولها ** مثل السما تزهي بطلة هلالــــها
والبعد عنها ياهل الــــعرف مقدره ** لاشك ناري زايدة باشتعالــــها

ما أعيش ببلاد ولاهي بأرضــــها ** ولا أبي عيوني كان ماهي قبالها
أرض تدوس أمي بالأقدام رملها ** أموت فيها واندفن في رمالهـــا

تقبلو تحياتي,,

توقيع

بنك الحب ..:: ذهبي ::..

صح لسان قايلها والله يسعد من نقلها لنا

الـ ع ـنود ..:: مراقبة عــامه ::..

روووووووووووووووووووووووووووووووووووعة روعة يا أخ ماجد
صح لسان قايلها و تسلم ايد ناقلها
و الله أنا طلبت منك هذا الطلب لأني متأكده أنك رايح تحسن الاختيار
و ما خيبت ظني
الله يخليلك الست الوالدة و يشفيها و يحفظها من كل شر
و يرزقك برها
شكرا لك لا حد له على ما أتحفتنا به
أسطر في غايه الروعه
سأرحل من متصفحك
مٌخلِفة انبهاري بكل حرف
كُتب فيه
تحياتي

توقيع

جوجو أحبك