بسم الله الرحمن الرحيم
حبيت اقدملكم طبق الكل بحبه وبطلبه وهو
(التبولة )
المكونات : بقدونس 3, بندورة 1, خيار 1 ,نعنع ,بصل, خس , فلفل اسود , ملح , زيت زيتون ,عصير ليموت
الطريقة :
اول شي بننقع البرغل بعصير الليمون ليكتسب الحموضة و بنفرم البقدونس والخيار والبندورة فرم ناعم ووبنخليهم في طبق وبعدين بنرجع للبرغل وبنزيد عليه ماء وبنرجع لنفرم البصل والنعنع وبنخليهم في طبق منفصل واهم شي ما يكون غميق وقتها بكون البرغل زاد حجمه ولنتأكد انه جاهز للاستخدام (جربيه باخد شوية وامضغيهم ولما ما يكون في قساوة يعني جاهزين ) بتحطيه مع البصل و النعنع مع رشة ملح ورشة صغيرة فلفل اسود (انتبهي رشة صغيرة ما تكتري )وبتفركيهم مع بعض في اديكي هيك بتنخلط كل النكهات وهاد سر الطعم اللذيذ وكمان بتروح ريحة البصل نهائي وبتحطي الخليط هاد على البقدونس والخيار والبندورة ونضيف الزيت حسب الرغبة وبنخلطهم مع بعض بس ما تكتري من الخلط لانه بخرب شكلها كتير وللتزيين بنحط ورق الخس الصغير في الطبق وبنسكب التبولة فوقه وصحتين وعافية
وبترجاكم ما تسبوا علي من طريقة الكتابة بس لانه من مطبخ ماما ما عرفت اكتبها غير هيك والكل بيحبها من عملي فحبيت افيدكم
:spying:
العرض العادي
