أغ ـــانيج ..:: كبار الاداريين ::..

مدري عجبكم اسم العنوان اللي فوووق ولا لا :innocent[1]:

انا عندي مشكله مع العناوين دايم اجيب العيد:161:

خلاااص بدخل بالموضوع قبل لا انساااه

اعزائي رواد منتدانا الغالي زوجي وزوجتي

قبل ايااام ودعنا اغلى الشهور رمضاااان واجمل الايام عيد الفطر المبارك وقبلها كانت اجااازه طويله عريضه اجازة الصيف واليوم كان اول يوم درااسي

طبعا عادة ماتكون هذي الفتره مليئه بالاحاااسيس والمشاعر يا فرحه يا ارتباك المهم فيه احساس

الحين الاحظ ما عادت تفرق كثير مو عندي وبس عند الاغلبيه بالذات الصغار والجيل الجديد :142:

كانت الاجازه الصيفيه ننتظرها بفارغ الصبر وكأننا بنروح لجزر المالديف وهي ما تتعدى ابها وجبالها ولا الدمام :132:

وكان رمضان احلى اذا صار شعبان ناقص وليلة رمضان مسنترين عند االتلفزيون وكلها قناتين ونتحمس حق برامج رمضاان ومسلسلاته اللي كانت فعلا تشعرنا بالجو الرمضاني لأن اغلبها تاريخي جحا واشعب وبلاط الشهداء وموسى بن نصير وبابا فرحان وفوازير ووووو صعب احصر روعة ذيك الايام بموضوع واحد :111:

ويا طعم اكلات رمضان على قلتها ما فيه تفنن بالطبخات ولا كتب ولا قنوات كلها سمبوسة وشوربه ولقيمات وكسترد وشعيريه ويالبى قلب امي واللذه واذا غيرت اليوم الثاني سوت بدال الشعيريه مكرونه وبدال الكسترد جلي :212:

ومافيه تنافس على السفر مين اكثر ومين عندها طبخه جديده كانت النكهه والنفس هي سيدة الموقف :142:

صلاة التراويح كنا نسمعها وكأننا بالحرم من الروحانيه تسمع كل المساجد تحس انك فعلا في شهر خشوع وعباااده والناس يا رايحين يا طالعين من المسجد والشباب الصغار بالحواري يتجمعون يلعبون كوره او سياكل سوا

ليلة العيد يا فرحة ذيك الليله وريحة الملابس الجديده :111: ولا فرحتنا بحلاوة ماكينتوش وابوي يجيبها تفتحها امي اخر الليل عشان نحس بطعم العيد بدري ونفرح صباح العيد لابسين وريحة العود في البيت ونروح نعيد على الجيران واحنا متأكدين انهم صاحيين وبيعطونا العيد ويا سلام لو كانت خمسه ريااااال :135: يكون هالبيت اول بيت بنجيه العيد الثاني :innocent[1]:

ليلة المدرسه مشاعر ملخبطه بين الفرحه والارتباااك مقدر اقول كره ولا خوف لكن فعلا احساس غريب ننام وكل شوي نصحا نشيك على المريول المغسول والمكوي والجزمه والشراب وانتو بكرامه والشنطه المسها وارجع اناام شويات واقوم مره ثانيه يعني ليلة المدرسه ما اصبح الا وانا قمت ست سبع مرااات

في المدرسه كل شي له طعم المذاكره كتابة الدرس حل الواجب كل شي جدي وصدق ما فيه استهبال المعلم والمعلمه كانت لهم هيبه يمكن اوقات اكثر من الاهل :175:ما راح افصل كثير في تفاصيل اليوم الدراسي وايام الامتحانات واعلان حالة الطواري وتسجيل الملخصات وتبادل الددفاتر والمذاكره الجماعيه لكن اعظم شي فرحة النجاااح

يا الله اشتقت لذيك الايام بعد ما شفت الجمود اللي حاصل عند هالجيل كنت اركض وانا راجعه من المدرسه وربي ودي اطير وكأني جبت اصعب شي بالوجود وكأني لقيت كنز محد عرف مكانه غيري ابي ابشر امي وابوي :ura:

الحين يجون من المدرسه وانا انتظر نتيجتهم وانا اعرفها مسبقا لأن حتى اللي ما يستاهل يضمن انو بيجيب ممتاز على اعتبار مافيه احد يرسب يجوني ودي اني اشوف فيهم نفسي ذيك الايام ودي يحسون بالفرحه اللي جربتها يا عمري عليهم وربي قلبي يتقطع وانا اشوفهم داخلين بطريقه عاديه يشوفوني مبتسمه يبادلوني نفس الابتسامه عارفين اني متوقعه النتيجه لأن بالاساس مافيه خوف

طيب وبعدين ليش حياتنا صارت ساااامجه مافيه طعم حزن مافيه طعم فرح ولا خوف ولا شي :msn-2857f63144:

هل هي النعمه هل هو تقارب اوقات كل هذي اللحظات لأننا اصبحنا في زمان سريع السنه تعدي وما كأنها سنه هل هي الوفره اصبح كل شيء متوفر على مدار العام ام هي العولمه والانفتاح :kwales_120(83):

والله اريد بشده العوده للوراء لأعيش لحظة من تلك الايام واجرب ذلك الشعور مرة واحده فقط :157:

ان كان منكم من يحس بنفس احساسي ليساعدني على اكتشاف الاسباب على الاقل اقتنع واقبل بالأمر الواقع :142:

توقيع
الحب دعاااااء
فمن يحمل في قلبه حبا لي ...
فليذكرني بدعوه ,,
يعلم الله كم احتاجها :111:
سامحوني على الغياب
ظروفي لا تسمح لي بدخول المنتدى هذه الفتره
وسامحوني ان طاال هذا الغياب ولم اعد
كبرياء زمن ..:: عضو مميز ::..

انا احس بنفس احساسك واتمني ان الايام ترجع ونرجع ندرس مثل اول
كل شي له فرحه من رمضان والعيد والملابس وكل شي حلو
حتي حلاو العيد له طعم ونكهه خاصة الله على ذيك الايام
كل شي حلو فيها حتي ليلة العيد لها طعمها الخاص والعيد الصباح
لابد من الجريش
اما اللحين صار كل شي عادي ماله طعم لان كل شي متوفر لهم
مو مثلنا
حتي عطلهم كثيرة ف السنه مايمديهم يدرسون والا فيه عطله
واحنا مافي السنه الا عطلة الربيع ولها طعم وبعدين عطلة اخر السنه
بصراحه الموضوع حلو واعجبني ولو اكتب فيه مااوفيه من الاحاسيس
بس ماابي اطول عليك اختي
الله يعطيك الف عافيه ع موضوعك الرائع

بوتاتي ..:: عضو مميز ::..

انا معاك وايد كلامك
عصر السرعه كل شي سريع ولم نعد نشعر بطعم الاشياء الجميله
سباق مع الزمن
والناس اصبحت بارده ولاتعير الحظات الجميله اهتمام اشغلتهم الدنيا

أغ ـــانيج ..:: كبار الاداريين ::..

كبرياااء زمن

ربي يسعد قلبك

على قولتك كل شيء متوفر لهم حتى العطل صارو يستهبلون بيوم السبت اللي اتوقع بيضمونه من كثر غياب الطلاب مع ايام الاجازه

والاعذار اللي مالها تبرير مره عج ومره مطر ومره وطني ومره طفش مالهم نفس *_*

يعني احساسك مثلي احباااااط مرررره

والله قلت يمكني حساسه زياده لكن اشوى طلعت طبيعيه

اشكرك غلاتي على تواجدك الحلو

لا عدمتك قلبو

توقيع
الحب دعاااااء
فمن يحمل في قلبه حبا لي ...
فليذكرني بدعوه ,,
يعلم الله كم احتاجها :111:
سامحوني على الغياب
ظروفي لا تسمح لي بدخول المنتدى هذه الفتره
وسامحوني ان طاال هذا الغياب ولم اعد
أغ ـــانيج ..:: كبار الاداريين ::..

بوتاتي

حيااااك يالغلا

اي والله زمن السرعه

انا مو قاطع قلبي الا الجيل الجديد مو عارفين يستمتعون بشي ولا يحسون بطعم شي

او يمكن لهم طريقتهم في المتعه واللي انا مو فاهمتها

اشكرك على تواجدك وردك الرائع

لا عدمتك

توقيع
الحب دعاااااء
فمن يحمل في قلبه حبا لي ...
فليذكرني بدعوه ,,
يعلم الله كم احتاجها :111:
سامحوني على الغياب
ظروفي لا تسمح لي بدخول المنتدى هذه الفتره
وسامحوني ان طاال هذا الغياب ولم اعد
أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية