جيت أبعلن انسحابي من حياتك والنهايه
جيت أقول لقلب محبوبي أبرحل والوداع


جيت أجدّد للحزن صفحه لفرقاك وكفايه !
ماخذيته من زماني من جنون والتياع


ياحياتي يابعد كل الأماكن والزوايه
راح أسافر عن عيونك دون قلب ولا متاع


انت اخذت القلب مني مابقى شيٍ معايه
مابقالي غير حزني غير دمعي والضياع


كنت أحبك حب ماتقراه في أعظم روايه
كنت اشوفك شمس تشرق عالمي ,, كنت الشراع


كنت لي دربي وأحلى درب عشناه البدايه
كانت اللحظه مثيره كان حبٍ له شعاع


[ أحلى أيامي ] وجودك كانت أحزاني ورايه
كنت اشوف الفرحة اسمك ,, السعد وياك شاع


بس حاولنا نكوّن للتفاهم بس آيه!
ايه حاولنا وفشلنا للأسف كنا بصراع


كنت اخاف انك تروووح كنت اخاف ان الحكايه
كلها يومين وترحل كلها ضحك وخداع


وصار كل اللي هقيته واضح مثل المرايه
صار ودك في غيابي كن قلبي في ضياع


وصار كل اللي هقيته ,, ما اسرعك وقت النهايه
كلها يومين وقلنا عقبها أحلى وداع !