صلوا على النبي
بسم الله الرحمن الرحيم
والصلاة والسلام على اشرف الانبياء والمرسلين
سيدنا محمد وعلى اله وصحبه اجمعين
من اجمل ما صادفته في هذا المنتدى الرائع ...والصرح الشامخ
هو تواجدي مع معلمتي الفاضله بعد مرور 12 سنه على تدريسها لي
والله يشهد علي بأنه بفضل الله ثم بفضلها حبيت اللغه العربيه بعد كرهي لهالماده
طبعاً معلمتي درستنا واحنا بصف اول متوسط
درستنا سنه وحده بس واحنا بالخبر وبعدها جاها انتداب لمنطقة الرياض
ويوم نقلت بكينا عليها
وهي فعلاً تستاهل ان الواحد يبكي عليها
حببتنا بالعربي
كان شرحها للماده سهل وسلس....وكانت تشجعنا كثير
تخيلوا انه في ايام المراجعه تجيب معاها بطاقات شكر واللي مجتهده في المراجعه لها بطاقة شكر
هذا غير شهادات التفوق و ( الدروع ) التكريميه
نقلت من هنا وجتنا بدالها معلمه درستنا ثاني متوسط وثالث متوسط وكرهتنا في العربي بعد ماحبيناه 
تخرجت من المتوسط
ورحت الثانويه
تخرجت من الثانويه
ورحت الكليه
تخرجت من الكليه
وبعد مرور هالسنين كلها وفي يوم من الايام وبالصدفه
شفت موضوع وحده قالت اكتبي اسم مدرستك واحسن معلماتك فيها
فكتبت اسم مدرستي بالمتوسط وذكرت معلماتي وكتبت اسمها من ضمنهم مع انها نقلت وصارت بالرياض
بس قلت لا .......لازم اكتبها
وكتبت معاها اسماء مدرستي بالثانويه واسماء معلماتي
المهم
وبعد مرور كم يوم جتني رساله
يوم قريت الرساله انصدمت
ورجعت قريتها مره وثنتين وثلاث
لقيتها رساله من معلمتي
قالت لي
احمد الله انه لازالت هناك طالبه تذكرني بعد مرور هذه السنوات وان دل هذا على شئ فإنما يدل على اني
قمت بواجبي التعليمي على اكمل وجه
ليتني اعلم اي الطالبات انتي معلمتك (.......) >>>>اخاف اقول اسمها وتزعل.
يوم قريت رسالتها مدري اصارخ من الفرحه مدري ابكي من الفرحه
دورت اختي مالقيتها علشان تجي تشوف الرساله اللي جتني
المهم
وما صدقت خبر ورحت صورت بطاقة الشكر اللي اعطتني و توقيعها لي وارسلت لها وحطيت الصور
وتذكرنا انا وهي الايام الجميله وقلت لها عن احوالي وقالت لي عن احوالها من يوم نقلت من عندنا
م/ن
الموضوع اعلاه لقيته باحد المنتديات واعجبني جدا جدا جدا
ما ادري ليه هل لأني ارغب بشده لو كنت انا مكان هذه الفتاه او هل هو الحنين لأيام الدراسه واسترجاع ذكرياتها مع المعلمات و الصديقات او هل هو الهروب من واقع مسؤليات الحياه والعوده للماضي بروعته,,,
انتم ما هي ردة فعلكم لو تأكدت في منتدانا من وجود شخص عزيز من ماضيك
واكتشفت تعاملك معاه سنه او اكثر عبر المنتدى وفجأه وعبر موضوع عرفت هويته
هل ستخبره من انت ؟؟
ام ستضل تتابع مواضيعه من بعيد لبعيد؟؟
اغانيـــــــــــــــ؟؟؟ــــــــــــــج :camera:
العرض العادي
©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com