السلام عليكم حبايبي الحلوين
اسمحو لي انضم الى اسرة المنتدى السعيده ارجو ان تقبلوني اختا بينكم
في الحقيقه ودي ااشارككم بقصتي وارجو ان القى بعض الحلول عندكم
تزوجت وانا بالصف الاول الثانوي وكان زوجي بالسنه الاولى بالكليه كنا صغار نوعا ما لكن لانه ولد عمي اتفق والدانا على زواجنا وتزوجنا كنت افكر ان الزواج عبارة عن ملابس جديده وسفر وكاكاوات >>>>تفكير ساذج لاني كنت صغيره وماافهم بالزواج المهم عشنا سنوات ع الحلوة والمره وتسلل الروتين والاكتئاب الى حياتي حيث كنت اعيش بمدينه بعيده عن اهلي كثرت سفريات زوجي لوحده كان يتركني مع اولادي ويسافر مع اصدقائه وانا ابقى لوحدي حبيسة الهم والقهر لاعلاقات اجتماعيه ولاحياة زوجيه سعيده اذا كان راضي علي افرح واذا زعل علي تضيق بي الدنيا جاني اكتئاب وصرت مااشتهي حتى الاكل نزل وزني كثير وماهمه اي شي حتى ابسط االحقوق من مصروف خاص لي اوسفر او لبس كان يقول عنده جمعيات ومضغوط وغيره واقول معليه مسكين بعدها قام يخطب لين تزوج علي بغيت اموت فكرت بالانتحار بس استغفرت ربي جاني ارق وتفكير بحيث مااقدر انام الا قليل جدا وحاولت اني الفت انتباهه البس اكشخ بلي عندي واعمل له الاكل الي يحبه لكنه قابل كل شي بالصدود كان يجي لي كل اسبوعين ليلتين وباقي الايام لها ومع ذلك يجي من غير نفس عافس وجهه ومو مشتهي يطالعني ابكي بحرقه وبس يجي عندي تقوم مرته تدق وترسل مسجات غرام او تقوله تبي سوق او غيره عشان يروح لها انا بشهادة الجميع وحتى هو يقول انتي اصغر منها واجمل منها لكن هي مريحتني طيب اذا كانت مريحته وهو مبسوط منها انا شذنبي يكرهني اقوله حرام عليك اعدل بينا يقول بكيفي لين تصيرين زيها تعبت نفسيا منهم بعدماتزوجها صار يمشي لها مصروف وانا يقول مااستاهل ويسفرها وانا يقولي ماتصلحين حق سفر هي اكبر مني وعرفت كيف تاخذه وقاومت وكملت المرحله الثانويه والعالم كلهم فرحو بنجاحي وظهور اسمي بالجريدة كانت فرحة لاتوصف بالنسبه لي لكن هو وش قال ؟
قال بعدما شاب ودوه الكتاب تخيلوووووووو
غصيت بغيت اموت من القهر
واقل شي يقولي اذا مو عاجبك روحي بيت هلك
وكل يجيب طاري الطلاق ويهجرني بالاشهر
تعبت نفسيا تحطمت وهو لامبالي
الان انا بيت اهلي مع 2من اولادي وهو مع زوجته معه 2من اولادي ايضا لي سنه ونصف فكرت كثيرا بالطلاق لكن مع وجود اطفال الكل يرفض ويؤنبني ولم يسئل احد عن مشاعري ونفسيتي
مع العلم انه لم ينفق علي ولا على اولادي وكنت اعيش ظروف صعبه في بيت اهلي لانهم على قد الحال وحاولت البحث عن وظيفه لكن بشهادة ثانوي وش اقدر القى لكن مع ذلك شعرت بسعاده وراحة بال لاني بعدت عنه وعن مشاكله الان يبي يرجعني بس انا متئكده وعارفه عشان زوجته ماتبي عيالي الي عندها انا ماابيه اكرهه لكن الكل يقول روحي عشان عيالك
وانا اقول ليته يحط لي شقه في نفس مدينة هلي ويجيب ورقتي بعد وانا مستعده اربي عيالي بس ماابيه وماتخيل اني ارجع له
شسوي ماابي ارجع له واابي عيالي وش الحل عشان ارضي هلي وعيالي بنفس الوقت
ياناس ذبحني التفكير مااحبه بس ابي عيالي:crying:
سامحوني ع الاطاله بس من القهر وعشان تفهمون الوضع زين
تحياتي