وعليكم السلام ورحمة الله وبركاته
هلا وغلا حبيبتي
خواتي اللي قبلي ماقصروا الله يوفقهم دنيا وآخره
لكن لي ملاحظه على نقطه ذكرتيها بموضوعك يالغلا , وهي :
وانا مستحيل اتكلم معاه بذي الاشيا العيال على الاب والبنات عليا
ليه يابعدهم هالتفكير وليه مستحيل تتكلمي مع ولدك ؟؟!!
مافيها شيء لو تقربتي من ولدك بالذات بهالسن .. الابناء بحاجتنا جنبهم بهالزمن المخيف .!
والأبناء بصفه عامه يرتاحون للحديث ويتجرأون مع الأم أكثر من الأب سواءاً كانوا ذكور أو إناث ..!
صحيح ان المفروض ان الاب هو اللي يكون قريب من أولاده الذكور يحثهم ويوعيهم لكن بعض رجالنا الله يهديهم ماعندهم الجرأه او ماعندهم الوقت لمثل هالامور ..
يعني مجرد ماتجين تقولين له عن امر يخص الابناء أو أحدهم يبدأ بالتذمر او لومك أو انو يقول مو فاضي والا يتحجج بإنك تبالغين أو ان الولد لسى صغير ومايفهم
هالمواضيع او .. او..إلخ
وفي هالحاله الأم هي المسؤوله وهي اللي لازم تتقرب من عيالها وتعطيهم الامان للبوح لها بكل مافي خواطرهم
وكمان تكون المصدر المُثَقِف والتوعوي لهم بحكم انها الاقرب لهم خاصةً في مثل سن ولدك
لاتقولين ولد وعيب اتكلم معاه ..!!
لأ يالغاليه العيب انا نخجل ونسكت لين يتعلمون العيب والأمور اللي لاتحمد عقباها من برا ..
العيب والحرام انا نضيع هالامانه اللي بين ايدينا باتكاليتنا او خجلنا الغير منطقي
غاليتي ؟!
تقربي من اولادك كوني منفتحه معاهم في حدود الادب واللباقه أعطيهم الفرصه انهم يتجرأون للحديث معك عن أمور خاصه بهم أو أمور انتي تخافين عليهم منها
لاتخجلين من تعليمهم او توصيل شيء في نفسك تبينه يوصل لهم , خلي عندك الجرأه والثقه انك الاقرب لهم لأنك فعلاً الاقرب والاكثر وجود معهم
فلنفرض جدلاً , لاقدر الله ان ابوهم متوفى مين راح يفهمهم او يثقفهم ويحتويهم ؟!!
راح تلقين هالمسؤوليه على احد الاقارب مثلاً ؟
طيب لو فرضنا وكلتي احد الاقارب الرجال بهالامر هل تثقين فيه انو ناصح مخلص لهم ؟؟!
فكري في هالامر ملياً يالغاليه وراح تعرفين انك انتي مسؤوله عن تثقيفهم مع او قبل ابوهم بغض النظر عن جنسهم .!
حاولي وربي يكون بعونا وعونك على تربية ابنائنا وبناتنا والحفاظ عليهم
اعتذر ع الاطاله
ولك مني كل الود والتقدير
العرض العادي
