السلام عليكم ورحمة الله وبركاته


اول شي احب اشكر الاخت الغاليه اغانيج على هالفكره الرائعه


لاني جد من اول ودي اشكي لكم بس انحرج واتردد


اببدأ لكم قصتي واتمنى منكم تردوا علي وتنصحوني وماتنسوني من

دعاكم

انا قبل لما كان عمري 17 سنه يعني بالثانوي ضحك بعقلي الشيطان


وصديقات السوء وفقدت اعز ما املك وهي كانت اول واخر مره طلعت فيها


على الرغم اننا عائله جداااا محافظه


بس يمكن لاني مالقيت اللي ينصحني ويوجهني لان اخواتي كلهم اتزوجوا


مافي غير انا واختي الاصغر واخواني في منهم اكبر مني بس برضهم


كانوا بمرحلة مراهقه يعني يحتاجلهم اللي يوجههم



وربي عشت ايام سووووووووده وكرهت كل شي كرهت صحباتي


وكرهت الجوال وكل شي


تبت لله واتوجهت له بالدعاء انه يستر علي ومايفضحني


وغيرت من حياتي صرت ماافوت ولاصلاة واتصدق واتقربت من ربي كثيييير


ولما صار عمري 20 انخطبت لولد خالي وحبينا بعض مررررررره وطبعا ماكنا


ملكنا لسه بس خطوبه قعدنا 7 شهور بعدها ملكنا بشهر اربعه كنت بطييير


من الفرحه وحسيت اني اسعد انسانه في الكون ووقت ماافتكر اني مو


بنت اشيل همممم بس كنت موكله امري لله وبسسس ويشهد علي ربي


اني كنت ناويه اصونه واحطه بعيوني



المهم ملكنا بشهر اربعه وكنا فرحانين فبعض,, فيوم 24 من شهر خمسه


دق علي وقالي انتي مخبيه علي شي ايش هو في البدايه مافهمت عليه


بعدها قام يلمح وقالي اسم اللي كنت اعرفه انا هنا انصدممممت


انكرت قد مااقدر بس مااهتم لكلامي وقالي انا عارف كل شي بس


يسمع منك



قمت ابكي واقوله لو اتكلمت بيتي بينخرب قالي والله مابينخرب



ووعدني وقالي ماراح اسيبك ابداااااا



المهم من هبلي قلت له اللي صار وسالته كيف عرفت؟؟؟


قالي ان له صاحب يتعامل مع الجن وهو اللي قاله علي المهم قلللب علي


180 درجه وهددني يااطلب الطلاق واقول لاهلي وارد المهر يااما هو يقول


كل شي وربي عشت برعب مو طبيعي بس ماطلقني


بعدها بشهر قالي خلاص الله غفور رحيم انا راح استر عليك واتزوجك


واعيشك احلى حياة واستمرينا لشهر 8 وطوول هالفتره نكد وشك وسب


لدرجة انه يقولي صاحبي يقول انتي نمتي مع شباب كثيييير وانك لسه


تسويها واني اخونه مع اي واحد بالشارع لدرجة سواق الباص حق الكليه


اتهمني فيه


ماتتخيلوا كيف عيشني مره تهديد ومره حب ومره خلاص بطلق ومره


ابغاكي زي ماانتي


المهم كان ع اساس زواجنا اتاجل لشوال وهو كان محدد بشهر 7 يعني


بعد الملكه ب3 شهور ولما عرف كنسل كلللللللل شي وسافر


لالمانيايشهر 8



اهلي عذروه لانه راح لشي ضروري هناك المهم دق علي يوم 14 8 وقالي

طااااالق وربي لو اقولكم حتى بكى مابكيت من الصدمه


قلت لاهلي ورجع هو من السفر وابوي استلم الصك حق الطلاق



قعد 2 شهرين يعني لشوال رجع دق علي ويهدد اخترعله سالفه طويله عريضه


المهم شوي شوي رجعنا لبعض بدون مااهلي يدروا وجبرني اطلع معاه


من باب انه انتي لسه بذمتي ومن حقي,, انا هبلللله مدري كيف صدقته

اكثر شي كنت اخاف من تهديده لي انه بيقول لاهلي والله اهلي لو شموا


خبر يذبحوني


صرت اروح واجي معاه طبعا الصباح من الكليه لمدة سنتين ع اساس انه


بيكون نفسه ثاني وبيكلم اهله واهلي ويرجع وربي صدقته بكل كلمه


ومااخفي عليكم كان طول السنتين يتهمني بالخيانه واللي كان يتهمني

صديقه اللي يتعامل مع الجن وهو مررررره مايكذبه فشي واوقات


يحسسني انه يحبني بجنووون


المهم اخر سنه لي بالكليه بيوم كنت معاه وقالي يمكن هذا اخر لقاء قلتله


ليش قال كذا وقال انتي تسامحيني لو اتزوجت قلتله وانا؟قال انتي

ماتنفعي ومااتخيلك زوجه هنا اتمنيت اني امووت بكيت وانهرت قالي


مافي فايده من بكاك احنا مانصلح لبعض قلتله خلاص روح وربي موجود


المهم بعدها بشهر ملك واتزوج بعدها انا سويت عملية منها تضييق وترقيع للبكاره


وتخيلوا المصيبه غاااااااب 9 شهور ورجعلي

يقول احبك وندمااان ومو مرتاح وخلاص ابغاكي وحرجع اكلم اهلك وبتكوني


زوجتي 2 في البدايه صديته بعدين ضعفت لاني احببببه ووربي اخلصت له


من كل قلبي وعمري ماافكر اخونه,,رجعت له لي الحين 4 شهور بس والله

مو مرتاحه مررررره الغيره مضايقتني من جهه ومااتخيل نفسي بموقف زوجته,,


مااخفي عليكم المعامله مره كذا ومره كذاودايم يطنشني ويسبني ويتجاهلني وعرفت ان زوجته حامل


ياجماعه والله والله والله اوقات يبكي يقول انه يحبني واوقات يسب فيني

سب مو طبيعي,, الحين لي 15 يوم مااكلمه



الله يسعدكم والله اكتبلكم وانا ابكي ومحرووووقه ع حالي,, واللي يضايقني

زياده الحين عمري 24 وكل ماجا عريس يروح مدري ليش مع اني والله


حلوه بشهادة الكل وماامدح نفسي بس والله متربيه واعرف الله

صح غلطت بس تبت والحين انا غيييييييييييييييييييييييييييييييييييير والله غييييييييييييييير


اللي ابغاه منكم تنصحوني وتفتحوا قلوبكم لي واعتبروني اختكم الصغيره ولو انتوا بمكاني ايش تسووا؟؟


وطمنوني العملية اللي سويتها خلاص ارتاح بعدها يعني لو انخطبت اوافق


وانا مطمنه؟؟



سامحوووووني طولت عليكم تكفوووووووووون ادعوووولي بالعوض والستررر



دمتم