السلام عليكم انا طالب جامعي ولم اتوضف بعد والوالد والوالده احياء ولله الحمد والله يطول باعمارهم بس السؤال الوالد والوالده دائما يقولون لي تزوج وراه ماندورلك بنت الحلال طبعا ردي دائما اذا كملت الدراسه ماعندي وضيفه اصرف على نفسي ويردون على يقولون حنا نساعدك الحمد لله الوالد مقتدر وبيشريلي بيت ويساعدني بس انا اقل بنفسي شينه اخذ من ابوي نشوف نصايحكم وردودكم
[align=center] مرااااااحب اخوي وحياك الله شوف الوظيفه هالايام صارت مثل المعجزه.. يعني ممكن تتوظف وممكن تنتظر طول عمرك ولا جات السؤال لك .. انت مستعد اصلا للزواج لك رغبه !! ما هو عيب ان ابوك يصرف عليك.. اصلا ما رباك ولا كبرت الا بمصروفه.. وتحت ظله.. تجي اللحين تقول كبرت احمد ربك غيرك يشحذ ابوه يسلفه الف..وما يعطيه!!!! انا اقول سوي اللي عليك.. انت لاتعتمد على ابوك وبس..اكيد اننت تبي تستقل بنفسك وتثبت وجودك.. قدم بالوظايف.. والله يرزقك وظيفه بالقريب العاجل.. والزواج اخطب واكيد ما راح تتزوج الا خلال سنه.. اجتهد قد ما تقدر.. وان شاء الله ربي يوفقك.. [/align]
كلام اختي كشخه ماااااااااااااااابعهد كلام وبضيف انه اذا تعتمد ع ابوك مؤقت في المصرف ممكن اهم شيء تعتمد ع نفسك واهم شيء تكون رايد تتزوج هذي قناعه لا يحددها الا انت ولو تحاول تقنع ابوك وامك انه يتأخر الزواج افضل والله يوفقك اخوي
صحيح اخوي مو عيب انه ابوك يصرف عليك وطالما هو موافق على هالشي كلها سنه سنتين وخلاص وحتى ولو توظفت ممكن يجيك وقت وتحتاج تاخذ منه لكن السؤال : انت مستعد للحياه الزوجيه ..؟ ومو مشكله قدم على وظايف وان شاءالله تنقبل وربي ييسرلك امورك ويقدمك على الي فيه خير
اولا مشكور على ردودك ونصايحكم وطبعا انا مستعد على الحياة الزوجيه بس الوالد بيعطيني بيت يعني ابضطر كل مااحتاج البيت شي ابروح اقول لأبوي عطني هذي كلها تهون بس لو زوجتي احتاجت شي اروح اقوله عطني زوجتي تبي اغراض ولا اذا جاني ولد اقوله ولدي يبي حفاضات الوالد ما قصر معي الحين هو يصرف على وانا طالب عادي
العرض العادي
