فواز كم ..:: جديد ::..

السلام عليكم ورحمة الله وبركاته

الرجل قبل الزواج وبعد الزواج


قبل الزواج ليس كل الرجال
يمكن له 100 طلب ومواصفات في الزوجه اللي يبيها على فكره الاسباب المذكوره في مخيلت الرجل وليست في البنات


1- يبي مدرسه ( السبب يفتك من طلباتها وبرضه يدخلها في قصد بيت او سياره)

2- يبي وحده من الديره اذا كان الاخ من عيال المدن ( السبب ما تعرف السوق- دلخه امشي عليها أي شي- ما تغازل بالعربي الاخ يشوف بنات الديره نزيهات- ما تعرف الدش- طيبه- ترضى بالقليل- تبيض الوجه اذا جاني ضيف )

3- يبي وحده مثقفه او عندها شهاده جامعيه ( السبب ان معي بنت متعلمه)

4- يبي وحده صغيره ( السبب اربيها على كيفي)

5- يبي وحده ما تدرس او على الاقل تعرف تقراء وتكتب ( السبب تبقى مربية بيت ما تشغلني )

6- يبي وحده من عائلة غنيه ( السبب عل وعسى نستفيد)

7- يبي وحده دلوعه ( السبب متأثر الاخ من المسلسلات)

8- يبي وحده بالمواصفات الاتيه ( شعرها طويل- عيونها تدوخ – جسمها مربرب او رشيق او او ... الخ )

9- يبي وحده متدينه ما يهمه الشكل ( السبب يضمن انها ما تخونه او عشان تعينه على الصلاه الاخ لازم واحد يجره الا ممكن ما يصلي)

10- يبي وحده قبيلجيه ( السبب الاخ ناوي يقلب حاتم الطائي )


كل هذهي الاشياء تلغى اذا كان يبي الجنس في الدرجه الاولى ( صدقوني ما يهمه أي شيء اهم شي يتزوج)


بعد الزواج او بعد اشباع رغباته الجنسيه يبداء الطلبات


1- اذا كانت مدرسه (الاشياء التي لم يحسب حسابها – تورط من يداوم بها – من وين يجيب لها سواق – كيف اقنعها وأخذ الصرافه في جيبي
كيف اقنعها يبيلي وقت عشان ناخذ بيت على حسابها وو ..........الخ
)

2- اذا كانت من بنات الديره (الاشياء التي لم يحسب حسابها – كلامها قروي او بدوي ما حد يفهم عليها – ما تعرف الدلع – ماتعرف الطبخات اللى ابيها و و و .........الخ) على فكره المقصود ليس الجرح في بنات الديره اوالبدو او التنزيل في قدرهم بالعكس والله بس هذي افكرا بعض الشباب الذين جلست معهم ما خذين من الديره والبعض من البدو.

3- اذا كانت مثقفه او جامعيه ( الاشياء التي لم يحسب حسابها – دايم تتفلسف عليه – شكلي بكمل الجامعه اذا ما كان عنده الا ثنوي عشان ما تشوف نفسها عليه – يقول لشباب انصحكم لا تاخذ وحده شهادتها اعلى من شهادتك ......الخ)

4- اذا كانت صغيره ( الاشياء التي لم يحسب حسابها – ما تفهم بسرعه – احسها طفله – ما اعتمد عليها – مراهقه – احس اني تسرعة-هيه حلوه بس ياخي قاعد ادرس فيها الله يعين – مدلعه – مشكلجيه ...... الخ)

5- اذا كان ما تدرس او تعرف تكتب وتقراء (الاشياء التي لم يحسب حسابها – لو انك تعلمتي زي الناس – وش هذا الحظ اخذت وحده ما تفهم – لو انك كملتي دراستك كان قدمت لك في الجامعه – كيف بالله اقدم لك في حافز ...... الخ)

6- اذا كانت من عائله غنيه (الاشياء التي لم يحسب حسابها – والله مدلاله – ما تعرف تطبخ متعوده على المطاعم (طبعا مو كلهم ) – طلباتها فوق طاقتي – قلنا بنستفيد شكله ما في امل – ابوها بخيل – امتحنتنا تبي تصيف كل سنه خارج المملكه – تبي اغلى الفساتين واغلى الجولات تبي سواق ووووو.......الخ)

7- اذا كانت دلوعه ( الاشياء التي لم يحسب حسابها- الاخت في الله نايمه 24 ساعه – ما تبي الا ماركات- زعوله – حساسه بزياده – ما يمر عيد الا لازم تحتفل فيه – 24 ساعه وهيه ياااااااي ياااااااي تمشي في دمها – من كلمة (لا) تبكي دائما ..... الخ)

8- اذا كانت بالمواصفات المطلوبه سابقا ( الاشياء التي لم يحسب حسابها – شعرها طويل بس ما تعرف ترقص عراقي – تغطي لا اشوف عيونك انشاء الله تنفقع – تغيرت بعد الزواج – جسمها صار بايخ بعد الولاده – ما عاد تهتم بنفسها ..... الخ)

9- اذا كانت متدينه ( الاشياء التي لم يحسب حسابها – ما تلبس لي – امتحنتنى قال الله قال الرسول – احسها بارده ما تعرف شي في الجنس – صايمه 24 ساعه وووووو........الخ)

10- اذا كانت قبيلجيه (الاشياء التي لم يحسب حسابها - طلباتها كثيره – يبيلها ثلاجتين وفريزر كبير – جريئه فضحتنا من الناس – تزوجت لي رجال موو بنت – كلامها كثير- صوتها عالي ما حسها انتثى – ما هي حقت دلع – تدعي الرمنسيه ...... الخ)


طبعا الجنسي وما ادراك مالجنسي بعد مرور 3 شهور او 6 شهور تقريبا ( الاشياء التي لم يحسب حسابها – انا وين مخي يوم تزوجت – اهلي نكبوني و ورطوني – امي لا تقولين شي هذا اختياركم وزواجكم – بطلقها احس انا ما ارتحنا مع بعض – الزواج قسم ونصيب .... الخ)


زبدة الكلام خذها نصيحه مدروسه ومجربه الغ كل ما ذكر وحاول تركز بحثك على شريكة حياتك التي تشبهك في اغلب الصفات او على الاقل لا تتناقض معك في ميولك الفكري مثااااااااال:

واحد يحب الرياضه ياااااااخذ وحده تحب الرياضه
واحد يحب العزايم يااااااخذ وحده تحب العزايم
واحد يحب السياسه يااااخذ وحده تحب السياسه
واحد يحب الانتر نت يااااخذ وحده تحب الانترنت
واحد يحب النوم ياااخذ واحده تحب النوم
الخخخخخخخخخخخخخخخخ

صدقوني ترتاح وتريح دماغك واذا كنت رمنسي خذ وحده رمنسيه والله يعينكم على بعض .....

هــدوء اللـيــل كبار الشخصيات




توقيع



هـــدوء ,, ,,
الشاب يوسف ..:: عضو ::..

كلام جميييل ،،،
تمنيت انك لم تكتب (( امتحنتني قال الله قال الرسول ))
لااا نقرب للدين في مزحنا !!!

فواز كم ..:: جديد ::..

انا يا شاب يوسف ما امزح انا اقول حقيقه موجوده بين كثير من الشباب وكلامي جدي ما هو ساذج .

حلو بس صغير ..:: مبدع و مميز ::..

يسلموووووووووووووووووو

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية