مثلي قليل ..:: جديد ::..

السلام عليكم ورحمه الله وبركاته

عزيزتي انا تقريبا صارلي مثل حكايتك تزوجت برجال خلوق وطيب

بس انه غير سوي يعني مايقرب من الحرمه والبلا انه قريب لي

وكان حبي الاول حبيته بجنون بس كان مطنشني حتى مايقرب مني ابد

ثلاث سنوات من العذاب اخدمه واخدم اهله تازمت نفسيتي واقدمت على الانتحار كذا مره

بس الحمد الله دعيت ربي ليل نهار يفرج همي واستغفار متواصل

وبالا خير تطلقت منه وسبحان الله مرت سنه كامله وتقدم لي ذاك الرجال

اتعب وانا امدح فيه طيبه ورجوله ووسامه

الله عوضني خير بعد كل العذاب اللي عانيته

نصيحتي لك ياخيتي استخيري ربك وصدقيني هذي مو عيشه

لاني انا مجربه هالعذاب ((تحبينه وماتطولينه))

وجلسي معه جلست مصارحه يايصير رجال ويتسنع

ولا قولي له مع السلامه وقوي قلبك وايمانك بربك

وصدقيني ان ربي ماراح يخليك

توقيع
انين الروح ..:: جديد ::..

السلام عليكم
من رايي يالغاليه انك اول شي تقوين علاقتك في ربك وتعلقين قلبك فيه ولتجئين له ومو لغيره
ثانيا مع احترامي الشديد لزوجك >> مو كفو دلع
اجلسي معه جلسه جاده وصارمه بعد ماتستخيرين ربك , وقولي له انك انسانه عندك احاسيس ومشاعر وماتزوجتي الا لأنك تبين تحصنين نفسك بالحلال وتلاقين شخص يقدرك ويبادلك مشاعرك,, واذا باقي على العشره وشاريك ممكن تعطينه فرصه يتغير , واذا ماله خاطر فيك الله يقول "ولقد كرمنا بني آدم" يعني ماله داعي تشحذين منه الكرامه وتضيعين عمرك تنتظرين منه كلمة حب او لمسة حنان..الحياة اخذ وعطا
حبيبتي اتمنى اكون قدرت اقدم لك حاجه والله يفرج لك همك ويعينك على بلواك
دمتي بحفظ الله ورعايته

توقيع
الفاوس ..:: عضو مميز ::..

اختي العزيزه
اتمنى منك تسمعي كلامي زين الزوج دائما يحب يثبت رجولته على زوجته مهما كانت انشالله تكون طياره واذا ما قدر يمكن يكون فيه انفصال بينهم
انا مرح اقول لك فكري تزعلي لا او روحي لاهلك او او هذي كلها تسبب تضخيم للمشكله حتى لوك انت صغيره
وبعد ابيك لا تفكرين بالطلاق او الانفصال عنه مهما كان الوضع ( علشان لا تندمي وتقولين ياليت ظل راجل ولا ظل حيط )وياليت تركزي على اللي قلته بين القوسين ومو اصابعك زي بعض يعني احذري // المهم المشكله اللي عندك بسيطه النساء بدلعهم يقدرو يذوبوا الحديد انتي زي ما قالت الاخت اللي سبقتني بالرد ماقصرت حاولي تسحبين منه كل كلمه مثلا انتي تحبين الهدايا جربي اهديه مره ثنتين ومهما كان رده لك حاولي تكون منك من قلبك مو انك تتمصلحين تبينه يردها لك لا اهدي وانتي راضيه واعرفي انه طريق رح يخليه هو يهديك هديه ومثلها باللبس قولي له شو رايك في لبسي طيب وشو رايك باللون يعني من هالكلام لان فاقد الشي لا يعطيه // وبعدين حاولي تدلعينه لحد الجنون يعني نسيه الناس كلهم وخلي هذي كلها تجي منك من قلب صافي مو انك تسوينها وتنتظري يومين وشفتيها ما سوا لك شي ترجعين تزعلين ..... وفيه طرق جداا جميله للزعل مووو بالطرق التقليديه حاولي تستخدميها .....
وصدقيني دامك انتي تعطينه كل ما يحتاجه وزياده بقلب صافي رح تلقين خير ولا تتوتر المشاكل بينكم خليك متفهمه وعاقله وراعيه مواقف واتمنا لك من كل قلبي بالسعاده الدائمه

توقيع
الفاوس قام بحذف التوقيع
( ياليت ربي ماخلق حب وفراق ولا خلق حب من غير فرقى )
( من السهل ان تحب لكن من الصعب ان تنسى من احببت )
الدنيا غنوه ..:: عضو مميز ::..

شوفي ياقلبي زوجك لاتعطيه كل اهتمامك بالعكس اذا شافك تنطشيه زي ماهوه يطنش راح يستغرب

وهوه راح يحاول يقرب منك عشان يعرف ايش سر التطنيش اذا طنشتي لاتجلسي مكشره بالعكس جدا

اضحكي وسولفي الرجال يكرهو المراه النكديه وادعي ربك بالليل وكثري استغفار والله اني اعرف ازواج

زوجك جنبهم ملاك من البلاوي اللي فيهم ومع الدعاء والعشره وكيف عرفو لهم حريمهم تغيرو كثير عن الاول


اسفه اذا طولت عليك الله يوفقك

هفو ..:: جديد ::..

الله يعينك حبيبتي ويفرج همك

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية