(الحلقه الثانيه)
يعزف الشتاء على قيثار عمري لحنا شجيا
يجعلني اضع اوراقي على الطاوله واناقشها
وبعدما ارتبها ....
احرق منها اوراقا وامزق منها اوراقا
والبقيه اعلقها على حبل الرجاء عل نسائم السعاده تمر بنافذتي يوما
فتكتب لي البهجه في كل ورقه

(الحلقة الثالثة)
بعدما مزقت اوراقي التي كتبت بها جراح الصيف
اكتشفت ان يدا سحريه تعيد هذه الاوراق!!!!
تمسح عنها غبار التناسي ورائحة الحريق
وتجعلها تبدو كالجديده
تعطرها بالدم
تعيدها طريه ،،،نازفه ،،،،وموجعه جدا موجعه
كانها صرخت للتو
عجبا ماذا يحدث؟؟؟؟
اشعر ان هناك مشكلة بيني وبين النسيان....
او ان هناك خيطا خفيا
يربط سلة مهملاتي وحرائقي بقدري
لا اعرف هل كتب للحزن بان يكون صديقي ؟؟؟؟؟
يااااااااااااله من مسكين
قفد كُتب له
( الشقاء)

ليه ترحل من مكانك اللي اعرفه ؟؟؟؟
ليه اخوك اللي كان يجيب مرسالك لي كبر وتغير
ليه اختك اللي كانت تتصل وتقول لخاتي ابي سوسو تكلمني
واذا رديت تقولي سوسو انا محمد
وآآآآآآآآآآآه يامحمد
ليه اختك تزوجت راحت بعيد ؟
لاتقولي انتي اللي جاب طاري البعد
لاوالله هذا النصيب انكتب ،،،،،، وألا اذا تبي الجد؟
انا غصب عني تزوجت وعشان تتطمن وتركد
انا من بعدك ماعرفت بيوم وش معنى السعد
لا امان لاحنان ولا يقرب ولايعرف اشلون يتودد
هذا الرجل حرمني من ديرتي
واخذني للغربه ابكي على حظي واتوجد
هذا الرجل قاسي وصاخب وكذاب واحساسه متبلد
بخيل حتى بسلامه وفي الكلام وكنت اظنه طبع ،،للاسف لقيته يتعمد
صح كان القدر محتوم وما ودعتك قبل ابعد
كنت اظن السعاده مع اللي طق باب البيت ماطق باب الود
وآآآآآآآآآآآآآآآآه يامحمد
الف مره رجعت ورا سور بيتك الابيض ابكي واتنهد
الف مره ماتدري اني بعدك بعد اخوك بعد اختك يابعد عمري حيلي انهد
وآآآآآآآآآآآآآآآآه يامحمد

ذاك اليوم جيت لبيت اهلي
او بمعنى اصح البيت اللي تربيت فيه واسم الناس اللي فيه (اهلي)
كنت ابكي
وبنتي بعد تبكي
ابكي لاني ماعرفت وياه وش يعني امان وش يعني حنان
وبنتي تبكي تبي رضاعه تبي غيار تبي ...تبي....
وووووااااااااااااااو
انا فين والا فين ؟؟؟
انا امسح دموعي والا امسح دموع بنتي ؟؟؟؟
ادور حليب (مافيه)
ادور غيار للبنت (مافيه)
ادور جوال اكلم فيه عفريت (مافيه)
يا الهي اي مصيبه علي هذي؟؟؟؟
واي اب ابو ها البنت هذي؟؟؟؟؟
ومن غير ما افكر
لبست عباتي
ومشيت بالشارع
سكتت بنتي يوم شافت النور والسما والسيارات
يومن هدت هالبنت
نسيت انا وين كنت ابي اروح
وجلست عند رصيف الحديقة
اللي تبعد عن بيت اهلي 200 متر
من التعب سندت راسي على عمود الاناره
وناظرت السما وانا اقول : يارب فرجها يارب
مرت سيارة فورد مدري وش اسمي لونها كحلي ازرق اخضر مدري
كانت غطوتي جدا خفيفه
كان صاحبها يحاول يمر من جنبي
ومر....
قريب بصراحة كان بيطى رجلي
ماشفت وجهه كانت سيارته مظلله
جلس دقيقة فتح نافذته 3سم ورمالي ورقة صفرا مكتوب فيها
ارجعي البيت والا ادخلي الحديقة لا تجلسين بالشارع كذا
قلت اكيد ذا مطوع مؤدب
وقمت
كنت اناظر من بعيد صوب البيت
بس كنت افكر لو رحت للبيت وقامت تبكي هالبنت منين اجيب لها حليب؟؟؟
صرفت انظري عن البيت
وناظرت صوب الحديقة
ومن غير ما افكر مشيت
دخلت الحديقة
فسخت جزمتي عند باب الحديقة
ومشيت فوق العشب
يا الله ليت الحديقة هذي بيت
جلست تحت الشجره الكبيرة
وبنتي نايمه حطيتها ع العشب
قمت
رفعت ايديني لفوق
وضحكت بدون سبب
وقمت اتمرجح