حبيبتي ما تكلم بالعربيه - زوجــي و زوجتــي عالم الحياة الزوجية

التسجيل مجاناً
إتصل بنا

التسجيل مجاناً

زوجــي و زوجتــي عالم الحياة الزوجية المنتديات العامة دليل همس القوافـي حبيبتي ما تكلم بالعربيه

السفير ماااجد ..:: مشرف دليل الوسائط ::..

حبيبتي ما تكلم بالعربيه

حبيبتي ما تكلم بالعربيه
من يوم خلقت وهي في دار الأجنابي

عرفتها عن طريق اسلاك سحريه
وأبديت فيها مدى عشقي وإعجابي

أقول يا حي هذا الزول يا حيه
وتقول ما افهم عليك بليز يا أعرابي

وأعيد شرح الكلام شويه شويه
وأقول فيك الخفوق المهتوي ذابي

وتقول للحين مدري وش هي النيه
وأقول أنا فيك حرف القافيه شابي

وإن كان ودك حروفن انقليزيه
ماني بفاهم سوى ما يفتح البابي

ما عندي إلا أسس وحروف سطحيه
ومافيه عيب إنك تقدّر لي أسبابي

حاولت قبلك ولكن عجزت يديه
وألحين يمكن معك تنزاح الأتعابي

لجلك بسافر عن ديارالسعوديه
وأجيك يمكن معك تسهل وتنسابي

الدار جنه وقربك يالاروبيه
يخلي الأطرم إليا شافك يبابي

قالت يا ولكم ويا أهلا ويا حيّه
كلامك اللي تقوله كنّه حرابي

أنا ترى من هل الدار الخليجيه
وبغيت أمازحك يا مجرم وكذابي

أدري تفاجئت وأدري ماهي بهيّه
لكنها درس وإكسب حصة عتابي

وضحكت من حسرتي من لدغة الحيه
وشلون مات الأمل في حضرة إعجابي

وقلت إسمعي يا فهيمه فيه ماريه
الوقت هذا جرحني أقرب أحبابي

ماهوب ذنبي إذا الأشواق مبليه
والقلب وده يعيش بدار الأغرابي

جربت جرح القرايب والهوى فيّه
وحلفت لا أغير الوجهه ومحرابي

الحب والشعر والبنت السعوديه
عذاب خلّى الشباب بحسرته شابي

وأنا مغادر وبرحل يالخليجيه
وإن كان ودك تجين هناك ترحابي

خلنا أقّل القليل نعيش حريّه
من دون لا فلان شاف وفعلنا عابي

وأتقن طموحي وأعرف الانقليزيه
وأعلمك غلطتك يا مدور عتابي

وإن قالوا الدار قلت الدار محميه
من دونها جيش أبو متعب والأشنابي

وإن قالوا الأهل قلت بخير وبميه
أنعام يارب تحفظ شايب(ن) جابي

وآخر حروفي من الذكرى وداعيه
للمملكه والعرب وأقراب وأحبابي

م// مجووودي //ن

توقيع