صباح مساااااء الورد الي يعجبكم
في موضوعي هذا راح اكتب لكم قصتي والخيانة وكيف كان زوجي سببا لأن اخونه.
وهدفي من سرد قصتي هذه؛
اولى لكي يستفيد منها كل رجل خائن أو الي تهمه نفسه ان يخون
أن يتقي الله في زوجته قبل ان تنحرف ويستولي عليها ابليس
ثانيا لأن اغلب الناس دائما تحب تزكي نفسها وما تحب تطلع عيوب نفسها لكي يستفيد الغير من هذه الاخطاء
انا زوجة متزوجة من 8سنين وعشت مع زوجي الحياة بحلوها ومرها
زوجي انسان طيب وخلوق وكريم وبار بأهله ويحبني كثير وانا كذلك وتزوجني وهو مقتنع فيه تماما وما فيه احد تدخل في إختيارة
لكن المشكلة انه خانني وحطمني كثييييييييييرا
طبعا انا اكتب من دون تركيز علشان كذا اتمنى تعذروني لو فيه شي مش واضح.
في يوم من الأيام شفت رسالة في جوال زوجي بالغلط وكان فيها رسائل واضح انها راسلها لبنات وواجهته بالموضوع لكنه الف لي قصه وللأسف صدقته ومشى الحال لأني كنت وااااتقه فيه .
مرت الأيام والأيام وكنت في يوم عند اهل زوجي ودخل اخو زوجي البيت وقال ماشاء الله ما اسرع ماوصلتي دوب شفتك مع فلان قصده مع زوجي
ساعتها استغربت قلت انا اليوم ماخرجت معاه وانا عند اهلك من العصر!!!!
جلست ثواني مع نفسي واستوعبت وعرفت ان الي معاه وحده غيري سألت اخو زوجي وكررت عليه وحاول يبين انه اشتبه عليه وماهو زوجي وماصدقته وحلفته بالله وفي الاخير قال الحقيقة وقال اصبري ولاتخربي بيتك بيدك وهدا طبع الرجال لو يتزوج الف زوجة برضه يفكر ويفكر اكثر ولو كان متزوج زوجة كاملة الأوصاف
المهم اتصلت ع زوجي وخرجت من بيت اهل زوجي وقلت انت خائن وووووو وصارت مشكلة وحاول يهديني وكمان حاول يكدب الموضوع بس للأسف ماصدقته واخيرا إعترف وقال سامحيني وهذا من الشيطان وحلف لي ع كتاب الله مامسها ولا زنا بها بس واحد من اصدقائه عرفه عليها واساسا ماهو مقتنع
وتعرفون الرجال لما ينكشفون يجيبون اعذار الدنيا كلها علشان تصدق الزوجة ومايتخرب بيته .
المهم قفلت عن الموضوع وقلت اتمنى تكون اول واخر مره ووعدني
مع انه حطمني وكسرني وتعرفون المرأة تسامح بس ماتنسى.
مرت الأيام والأيام وينكشف بأمر الله ويصير نفس السيناريو الي صار اول
طبعا في كل مشاكلي لم احكي اهلي ابدا ولا اهله لعدة اسباب
الأول طبعي إني إنسانة كتووومه من الدرجه الأولى ما احب احكي احد عن مشاكلي.
الثاني وعد بيني وبين زوجي مهما بدر مني او منه نحتفظ بمشاكلنا في بيتنا مهما صاااار.
الثالث اخلاق زوجي وطيبته وحبه وكرمه جعلني اتحمل خيانته واقول مافيه احد كامل والكمال لله وحده
المهم زوجي خانني كثثثثثثير ولست متأكدة هل حصل خلال خياناته زنا او لا ؟؟؟العلم عند الله لأني بأكتب عن الشي الي انا شفته
طبعا انا تحطمت كثيرا وانكسرت وكرهت كل شي حلو في هدي الحياة مع انه يلبسني الساعات والأطقم الألماس ويسفرني في اجمل وارقى الدول في العالم ويصرف عليه صرفيات مبالغ فيها ولو اكتب عن صرفياته ما احد راح يصدق.
وغير الماديات؛
معاملته معايه في البيت جدا راقيه مايحملني مالا اطيق، ومستحيل يجبرني على شي ما ابغاه، حتى في موضوع الأكل ان وجد شي اكله وإن لم يجد شي ماينتقد اويجرح، المهم بسيييييط جدا في تعامله ومايدقق كثير.
انا ذكرت مواصفاته هذي من اجل اوضح لكم شناعة الخيانة وكيف تمسح كل شي حلو في الحياة
المهم بعد الخيانات المتكرره وبعد ما انكسرت واتحطمت وقل خوفي من الله وانحرفت من كثر التفكير في الي صار لأن عقلي للأسف ماكان مستقر.
جلست مع نفسي واكلمها ليش انا كتوومه لهدرجه ليش ما افضفض لأي احد علشان ارتاح فكرت وفكرت وتوصلت اني اتصل على صاحب زوجي كان اكبرهم سنا تقريبا في نهاية الأربعينات وكنت اشوفه انه عاقل .
قلت اتصل عليه وافضفض له ويمكن كمان يفيدني
فعلا كلمته وشرحت له بكل الي صار ووعدني انه سر بيني وبينه وقال احاول اتكلم معاه عن الخيانة بطريقة مايحس انك كلمتيني .....انتهت المكالمة
جاء اليوم التاني واتصل يسأل عني وينصحني بعدم التفكير والي صار صار وكنت اقول سبحان الله هذا الأنسان على كثرة اشغاله اعطاني من وقته وماقصر معايه .
اليوم الثالث اتصل وقال خلي نغير السالفه وبدأ يضحك معايه ويمزح ومع الأيام بدأ يبين لي اعجابه بي وانه ارتاح لي كثيييير وكأنه من زمان يعرفني.
طبعا انا اندمجت معاه ونسيت من نفسي حتى جاء يوم من الأيام وطلب مني انه يشوفني من عند الباب وبيروح
انا رفضت بس هو أصر ونفسه بس يشوفني علشان يتخيل شكلي وهو يكلمني
طبعا وافقت بعد إصراره وفعلا جاء الى حد البيت وشافني وحاول انو يدخل بس رفضت وقال الي يريحك ماراح اضغط عليك.
مع الأيام ومع كثرة المكالمات طلب انه يقابلني؛
وكان عنده اجنحه في برج من الأبراج المشهورة وحاول اني اجيه هناك ونسهر مع بعض ونعتبر انفسنا اصدقاء لا اكتر ولا اقل قال انتي فكري وردي عليه.
طبعا انا فكرت وفكرت وفكرت، وانا افكر تدكرت خيانات زوجي وانه وقت ماخانني لم يذكرني ولم يأنبه ضميره ساعتها اتصلت عليه ووافقت اني اجيه الفندق وفعلا قابلته هناك وسهرنا قرابة ال 5 ساعات
المهم ان ضمييييري من ناحية زوجي ما انبني بس كنت خايفه من ربي بس الشيطان دفعني بالقوووه.
وتكررت المقابلات مره في بيتي ومره في الفندق
مع الأيام ومن دوم مقدمات ماصرت ارد على مكالماته مابعرف شو السبب
وفي يوم من الأيام سافر زوجي خارج البلاد وكنت وقتها مجروحه وجالسه لوحدي في البيت وفتحت الاب توب ودخلت على مواقع للتعارف وتعرف عليه واحد من نفس المدينة الي انا فيها وقريب من الحي الي انا فيه
وطلب يقابلني ويسهر عندي في البيت ووافقته.
صحيح ان كل الي براسي طاح والنار الي كانت بداخلي سنين طفت تماما وقلت خلاص متل ماخانني انا كمان خنته
بس الي زعلني انها خيانة وماترضي ربنا سبحانه وتعالى ومن المفترض انو ماصار الي صار بس الله يغفر الدنب ويتوب.
المهم ماراح اذكر كل شي المهم بينت لكم خيانتين من خياناتي من اجل ان يفهم كل زوج خائن قد ايش الخيانة عذاااااااب ودماااار .
طبعا الي بيقرأ قصتي راح يقول اكيد زوجك خانك لأنك كنتي مقصره معاه في البيت او الفراش او او او
ارد وأقول ماكنت ابدا مقصره معاه لا في الشكل ولا المظهر ولا الفراش والنظافة والكمال لله.
حتى وقت ماكنت اكشفه كنت اقول يا ابن الناس ليش تخونني اكيد فيه شي مو عاجبك او مش مريحك انا الأن امامك تكلم معايه بصراحه علشان ارتاح واحس ان الغلط مني انا؛
قال والله العيب فيه انا وانتي يتعداك العيب وماراح اظلمك واعيب فيك علشان ابرر لنفسي ؛
انتي فيك كل المواصفات الي كل رجل يتمناها في زوجته وزيادة؛
بس بعض من اصحابي كانو سبب للي صار والنفس امارة بالسوء وانا بشر ولست معصوم من الخطاء
طبعا انا ماعذرته ابدا
مع انه انسان مقتدر يقدر يتزوج الف حرمه بس ما يبغى .
في الأخير رسالتي لكل زوج خاااااااااائن:
اتق الله في زوجتك انت بخيانتك تدمر نفسك وزوجتك الي كانت عفيفة وطاهرة وتكون سبب ان تكون بين ايادي الرجال يستغلونها ويستغلون ضعفها .
انت بخيانتك تكون سبب في إنحراف زوجتك متل ماحصل لي من كثر المشاكل والضغوطات والتحمل والكبت استغلني الشيطان ومجرد ماكلمني شخص وقال لي كلمتين في لحظات انقلبت امرأة اخرى
طبعا الي بيقرأ قصتي راح يقول الزوجة الصالحة والي تخاف من ربها مستحيل تعمل الي عملتيه،
انا ارد عليه واقول هذا الكلام هو الي جعل اغلب الرجال تخون ويقول زوجتي صالحة ومستحيل تفكر في الخيانة
الشيطان اخرج ادم من الجنة فما بالك من امرأة كلمة بسيطة ممكن تغيرها تماما.
كثرة خيانة الزوج وبعده عنها يسبب فتووور عند الزوجة حتى انها تنسى من نفسها وتبدأ تنحرف بالتدريج من دون ماتحس بنفسها.
الزوجة دائما تبع للزوج وتتربى على يده حتى لو على الغلط .
كما تدين تدان
الجزاء من جنس العمل
والله سبحانه ذو الإنتقام
واسفه على الإطاله
والله من وراااء القصد.