اخواني واخواتي اعضاء زوجي وزوجتي المحترمين

لدي مشكلة بسيطه بنظري بس والله عايش بين نارين بسببها

أنا شاب متزوج واحبها حب شديد وهي كذلك تبادرني ذلك ولدي أطفال ولله الحمد .
المهم حبيت بنت عمرها 19سنه طالبه بأحد الكليات بالسعودية وجلست معها بهذا الحب قرابة ( 5 ) سنوات وتخرجت من الكلية وتقدمت لخطبتها من اهلها فوافق والدها مباشره وطلب من أن أعطية فرصه لكي يستشير البنت وامها وللأسف تم الرفض من الأم أما البنت تموت بشي اسمه . سليمان . حاولت وأرسلت عدة نساء ورجال على والدة البنت فترفضني أن أكون زوجآ لبنتها مو عشان عيب فيني أو برجولتي انما عشان انني متزوج حرمتين فقط بالنهاية ارسلت عم ذلك الحرمه عليها كونه اكبر واحد لذلك العائله وبرضه رفضت . المهم قالت البنت أنا عارفه نفسي اذا امي على قيد الحياة مستحيل أتزوج فانت اذا وجدت من ترضى فيك غيري الله يوفقك من كل قلبي تزوج أنا جاني رجل قبلك أيام الثانويه ورفضته امي بسبب انه لديه حرمة سابقه . رجعت لوالد البنت وقلت يا فلان وش صار على الموضوع قال انا قلت للبنت اذا انتي تبين الرجال انا بزوجك اياه وشاوري نفسك شهر وكلميني شخصيآ . البنت فورآ اتصلت على وقالتلي السالفه قلت لها طيب قولي لوادك رايك هذي حياتك فقالت امي معها سكر وضغط وأخاف اني اقتلها بسبب زيجتي منك وهذا هواللي مخوفني . اذآ ياحبيبي سليمان الله يوفقك تزوج أنا بكتب على نفسي من قائمة العوانس بسبب والدتي. صارت البنت تخف اتصالاتها على بالشهر بالشهرين ما اسمع صوتها ونا صعب اتصل عليها لان امها حتى تراقب جوال البنت واذا كلمت البنت هااااه مين اللي كلمك وتجلس تحقيق وش يبي ...........؟

المهم البنت كانت لها صديقه خاصه كانت ايام الكليه ساكنه معها وكانت اذا جوالها مافيه رصيد تكلمني من جوال صديقتها . صديقتها حللللوة مررررة المهم كانت أخبارهم في ذاكرة واحده يتشاورون بكل صغيرة وكبيرة المهم صرت اكلم زميلتها بحسن نية الواسطة بيني وبينها وتنسق عشان اكلمها بالجوال . قبل سنه انقطعت علاقتنا وأيأسنا انا وحبيبتي السابقه من الزواج بسبب امها. صارت زميلتها تكلمني كل فترة بحسن نيه تسلم وتغلق الخط وتقول ياسعد البنت اللي تأخذك ما شاء الله عليك نفسك واخلاقك عالية للغاية. صرت المح عليها من بعيد موضوع الزواج منها فقالت مستحيل طالما ان فلانه تموت فيك . قلت فلانه قالت لي تزوج انا خلاص صرت من العانسات بسبب امي فقالت عطني فرصه اكلمها اذا وافقت انا ماعندي مانع المهم كلمتها فقالت لها الله يوفقه خليه يدور غيري انا مستحيل اتزوج طول عمري. صار حب بيني وبين البنت الثانيه ودريت البنت الاولى عننا وتزاعلوا بسبتي كونهم يقربون لبعض وصديقات الروح للروح قامت البنت الجديده ة وذهبت للبنت الأوله فصار بينهم شد وكلام جارح قالت انتي قلتيلي خلاص خلية يتزوج بس ياخذ اي بنت بس انتي لا قالت انا قلت بس انا ما احب ان سليمان يتزوج وحده انا اعرفها وتعرف سابق حبنا زيك قالت والله القرار بيد سليمان لا بيدك ولا بيدي . فأوصلت الخبر لي وقمت انا وتقدمت للبنت الجديد لدى والدها والذي وافق مباشره وايضآ البنت وافقك ووالدتها قالو الله يحييك يا سليمان . والآن البنت السابقه مريضة بسبب هذه الحادثه فمن المخطئ انا او اهل البنت . وللعلم والله على ما أقول شهيد انني ارسلت عدة رجال ونساء على امها فلكن لاحياة لمن ينادي .
وللمعلومية بان خطيبتي قالت اذا وافقت ام خطيبتك الاولى سوف اكون انا الزوجه الرابعه . :bravo::bravo::bravo::bravo::bravo:

الله يعينني عليهم. السوط عن ظهرك ياولد لايجتمعون عليك الحريم
:sa7l. (190)::sa7l. (190)::sa7l. (190)::sa7l. (190):

الله يحييكم على زواجي 3|12|1430هـ بمنطقة حائل


بنتظار ردودكم الجميله

أخوكم . سليمان الحايطي. حائل