السلام عليكم ورحمة الله وبركاته
صحيح هوطبق متواضع بس هاي اكلتي المفضله
بمووووووت فيها وجربوها رح تدعولي
اعزمكم على طبق الكوسا المحشي
بطريقتي بس الصور منقووله
المقادير
5ك كوسا متوسط 2 ونصف كاس ارز (صنوايت او مصري بس انا بفضل الصنوايت او تايجر ) وطبعا منقوع
نصف ك لحمه هبره عجل مفرومه سن خشن
ملح فلفل اسود هيل مطحون ناعم قليل من زيت الذره وزيت الزيتون بهار طبيخ رشه منه ونعناع ناشف و رب البندوره




الطريقه
نغسل الكوسا جيدا جيدا مع ازالة العقب والراس


نحفر الكوسا بواسطة محفرة الكوسا اللي كلنا بنعرفها


نجهز الحشوه : نغسل الارز وعلى الغاز قلبي اللحمه مع نصف كأس صغير زيت زيتون واضيفي قليل من الملح والفلفل ومكعب ماجي لحتى تتنشف او تتحمر شوي شيليها وخلطيها بالارز مع بقيه البهارات والملح وملعقه صغيره نعناع ناشف مو اخضر وحطي زيت الذره وحركي الحشوه جيدا(في ناس مابتقلب اللحمه على الغاز بيصير بس انا هيك بحب)


نحشي حبات الكوسا واغلقيها بقطع بندوره صغيره ونضعها في طنجره مناسبه
نضيف الماء للطنجره بعد ان نضع عليه رب البندوره اوعصير البندوره الطازج(حسب الرغبه) ويكون الماء غامر الكوسا
وبعد هيك نضع على رب البندوره ملح وفلفل ونعنع ناشف او اخضر ومكعب ماجي
وبنخليها على نار هاديه لحتى تنضج
والجميع بيعرف الكوسا لما بيكون ناضج



وصحتين والف عافيه يا غاليات




هلا بتتفضلو على الشاي


وما رح تروحو لحتى تشربو القهوه وتحلو من البسوسه اللذيذه


وصحتين والف عافيه

منقوله الصور بس :bye: