بسمة غروووب ..:: كـــ vip ــــبار الشخصيات ::..

حدثنى احد المتزوجين القدامى (من امضوا اكثر من عشر سنوات زواج) انه كان يسمع كثيرا عن فوائد الكلام الحلو للزوجه ومدى
تاثيره على العائله جميعا. يقول صاحبنا انه كا يضحك على هذا الكلام .


ويقول انا شخصياُ متزوج وزوجتى تعلم ومتاكده انى احبها فما فائدة الكلام هل نحن بمسلسل تلفزيونى ويجب ان اسمعها يومياُ انى احبها.المهم يقول صاحبنا كنت مضغوط بالعمل لمدة 3 شهور وحبيت اخذ اجازه لمدة اسبوعين وفعلا اخذت الاجازه. وفى اول يوم اجازه كنت بالصاله واتصفح الجرايد واتفرج عالتلفزيون وكانوا يتكلموا عن الزوجه وعن فوائد اسماعها كلمات الغزل. وخطر لى ان اضيع هالاجازه بفلم من اعدادى واخراجى واسميه الضحك على الزوجه.



وبدا الفلم من سمعت صوت الاولاد وهم راجعين من المدرسه ومعهم المدام(المدام معلمه).
لما دخلوا البيت مرت المدام من عندى متجهه لغرفتها فا وقفتها وقلت هلا وغلا هلا بعمرى ونور عيونى فنظرت الى وقالت الحمد لله اكيد تحلم ودخلت الغرفه فدخلت معها واعدت ما قلته لها مع حضنه خفيفه وخرجت.





واثناء الغداء صرت امدح بطبخها واقول انى محظوظ ان عندى زوجه حتى وهى جايه من الدوام ومتعبه تهتم لى وتطبخ طبخ حلو ومو اى كلام. بنت الحلال مو مصدقه وقالت الله يستر من الى وراء هالكلام اكيد فيه شى.


وبعدالعشاء دخلت غرفة الملابس وبدلت استعداد للخروج مع الشله ولما طلعت للصاله لم اجد المدام كالعاده عند مسلسلها المفضل فدخلت غرفة الاولاد وسالت عن امهم قالوا بالمطبخ .



مريت عليها وقلت غريبه حبيبتى مو عند التلفزيون قالت بكره فطور المدرسات على(فخطر لى ان اكمل الفلم) فقلت حبيبتى لا تفوتى المسلسل الى انتى متابعه وانا اجيب لك كل شى من برا فاستغربت وقالت انت تتكلم جد قلت نعم.




كتبت لى الى تبى واخذت الورقه وقلت خلاص حياتى وانا راجع اجيب الى طلبتى.
ولما طلعت من البيت خطر على بالى انى ما اروح للشبا اليله واجيب الى طلبت واشوف نهاية الفلم.وجبت طلباتها ورجعت ويوم شافتنى استغربت وظنت انى جبت ا لاغراض لانى بتاخر بالسهر لان ما عندى دوام.لكن تفاجاءت لما بدلت وكانت بجنبى فحضنتها وقلت حبيبتى وش بتعشينى اليوم ورحت للصاله.





المسكينه لحقتنى وقالت يا ابن الناس قلى وش عندك تراك خوفتنى قلت والله ما فيه شى ابد وقامت من عندى ورجعت وبيدها مصحف وقالت تحلف عالمصحف ان ما فيه شى قلت نعم وحطيت يدى عالمصحف وحلفت.
وفجاءه طاحت على وصارت تبكى بكاء قوى مره وتقول يا ويلى على عيالى انا اندهشت وقلت عما عما ان شاء الله (هاذى الكلمات الى كانت تسمع كل يوم) وش فيك قالت اكيد بتموت او انا بموت وبيتيتموا عيالنا.
انا قلت تعوذى من ابليس ........

.



ويواصل صاحبنا سرد قصته او فيلمه كما سماه.
يقول كان الحال بداء يعجبنى واستمريت بنفس الكلام المعسول صرت امدح بلبسها واثنى على ذوقها با ختيار الالوان.




وبعد اسبوعين على هالحال. بدأت المدام تتغير بعينى وصرت ما اقدر ابعد عن البيت حتى وانا بالبيت لو راحت تسوى شى احس انها تاخرت كثير وصرت كانى باول ايام الزواج.
حتى شكلها اتهيا لى انه تغير وان وجهه صار انظر وخدودها كانها مورده عيونها صارت اوسع وفمها صار اصغر.
وانا افكر واقول يمكن لما سمعت الكلام الحلو ارتاحت ونفسيتها صارت حلوه واثر على




جانى ابليس وقال لا تضحك على نفسك هاذى رفيقتك الى انت خابر وتعوذت من ابليس.


لكن الى صار حقيقه ومو تهيات حتى اولادى تغيروا وصرت ما اسمع زعاقهم الا نادراُ وهو الى كان يلج بآذنى حتى وانا بالدوام.
صاروا يحبوا بعض ويخافوا على بعض .




يقول الحبيب صرت اسمع منهم صباح الخير يا بابا وتصبح على خير يا بابا وهالشى كنت اشوفه بالمسلسلات واضحك واقول مستحيل يصير هالشى باى بيت سعودى مهما بلغت تربية الاولاد ومهما بلغت مثالية الاب والام.




ويستمر صاحبنا بسرد قصته ويقول ان لاحظ اختفاء الكريمات الى دائماُ مرصوصه عالتسريحه. ولما سال زوجته قالت كان زمان انا الان ما استخدم اى شى حتى زميلاتى مو مصدقين انى ما استخدم شى لبشرتى ويقولوا لو تحلفى ما راح نصدقك.



وبالاخير فيه ملاحظه انا لاحظتها على صاحبنا وهى انه كان سابقاُ كثير الكلام عن الزوجه الثانيه وكثير التمنى بالزواج ولا اكون مبالغ اذا قلت عمرى ما شفته الا يتمنى الزواج ويتكلم عنه والان صار العكس وما يجيب له طارى حتى لو جا الكلام عن الزواج من ثانيه صار يتضايق.





ختاماُ هل يعقل أن الكلام الحلو للزوجة يحدث هذا التغير ؟؟؟







تحيــــــــــــــــــــــــاتي

انوثهـ مجروحهـ كبار الشخصيات

ههههههههههههه
مسكينه معقول كل هذا يصير
اااخ بس من يسمع ...
تسلمين بسومه على نقلك الرائع يعطيك ربي الف عافيه
يارب يستفيدون بعض الناس,,,,,,,,,بتنجلد هع
دمتيـ بودىـ

توقيع


عساك تبقى حي ياشايب لي
يابوي يالي مايساويك رجال



اللهم ارحم أهل سورية و قوِّهم و انصرهم و خذ حقهم ممن ظلمهم و أقم السنة فيهم و أعززها .
تحتار ..:: جديد ::..

يعطيك ربي الف عافيه


Powered by: vBulletin
 ©2000 - 2024, Enterprises Ltd.
المنتدى برعاية مميزون العرب للخدمات الرقمية
www.z777z.com
Adsense Management by Losha
( جميع مايكتب يعبر عن وجهة نظر كاتبه ولا يحمل وجهة نظر الموقع يعبر عن كاتبها فقط )
جميع الحقوق محفوظة زوجــي و زوجتــي عالم الحياة الزوجية
جميع الحقوق محفوظة زوجــي و زوجتــي عالم الحياة الزوجية