السلام عليكم و رحمة الله و بركاته
اخواني و اخواتي ...
قبل ما ابدء الموضوع ..... الكلام هنا مو عن طريقة في الجنس ... اللي
حاط في راسه شرح جنسي او وضع في المعاشرة .... يقدر يسكر الموضوع
الحين و ما رح يفوته شي .
هذي طريقه في التعامل تضمن الحصول على مرادك من شريك حياتك بغض
النظر لو كان تبي العشاء او تبي تستمتع بحلالك
تبدأ بمثال يقرب الفكره العامة ..... قبل ما نطلع من البيت (سواء رجل او
حرمة) نتجهز للطلعه... ناخذ دوش و نلبس شي مناسب للطلعة و نتجمل
بما هو مقبول للاخرين و لشخصيتنا ..... بس هل نسوي نفس الشيء قبل
ما نتكلم ؟؟؟؟؟ هل نجهز نفسنا للكلام ؟؟؟ او انه يطلع مخبوص و حسب
الظروف ؟؟؟؟؟ مثل اللي يقوم من النوم و يطلع بدون ما يجهز نفسه ؟
بس كيف نجهز نفسنا للكلام ؟؟؟ هذي شغله ما تفيد معها تايات ارماني و لا حجابات فرساتشي
هي ثلاث شغلات فقط لا غير .... اختيار الكلمات .... اختيار الجو ... اختيار النبره .... هذي اساسيات التواصل اللي مافيه غنى عنها.
اختيار الكلمات
- من اصعب الامور اختيار الكلمات المناسبة .... هي عملية تخضع
لاعتبارات شخصية .... تتعلق باسلوب الانسان في الحياة ... تحتاج لتفكير
متواصل و تهذيب متواصل .... فيه كلمات لكل موقف .... و فيه كلمات لكل سياق ... و فيه كلمات ممنوعة جدا
- اختار كلماتك بدقة متناهية ... عشان تضمن ان فكرتك توصل صح للطرف المقابل.
- كون لك قاموسك الخاص، لازم يحتوي على كلمات TRADE MARK
علامة تجاريه لك .... لما يسمعها شريكك على طول يحس ان هذا هو
شريكي اللي احبه.... قاموسك لازم يحتوي على كلماتك الخاصة بالحب و
الرضى و الاستياء و الاستنكار و غيرها من المشاعر.
- ابتعد تماما عن الكلمات الغليضة .... شريك حياتك له مشاعره و تراه
يفهمك حتى لو حاول يبين لك عكس ذلك . كل كلمة لها وزن (بالكيلو)...
حاول تستخدم الوزن المناسب للموقف لا اكثر و لا اقل.
- استخدم الكلمات الايحائيه اكثر من الكلمات المباشرة.... "اشتقت لك" و
"ابيك" لهم نفس المعنى، بس طعم اشتقت لك احلى بكثير "ممنوع" و "مب صح" لهم نفس المعنى، بس ممنوع امر يوحي بفوقيه و مب صح تقرير يحث الطرف المقابل انه يتخذ موقف مناسب بحرية.
أختيار الجو Ambiance
- فيه جو مناسب للرومانسية وجو مناسب للكلام عن مدرسة الاولاد. انتبه لا تخلط الاثنين مع بعض.
- ممكن لمسة او بوسه و انظره تغير الجو و تهيئه لغرض ثاني.
- بأمكانك تخلق الجو المناسب لغرضك .... بس مو في كل الاوقات.
- هل ااجل شغله مهمة لان الجو مناسب ؟؟؟؟ طبعا .... اما تأجل الشغله المهمه او تهيء الجو لها.
- "احبك" بعد فترة صمت لها طعم مختلف عن "احبك" في وسط الكلام.
"تجي نروح السوق" و الزوج توه داخل البيت تنفهم بطريقة مختلفة عن
"تجي نروح السوق" بعد ما يتفطر في الويك اند. "عمري ابي فلوس" و
انتي ماسكة يده وجالسين مع بعض..... غير "عمري ابي فلوس" وهو
حاضنك و فكره في شي ثاني
اختيار نبرة الصوت.
- هذا اصعب شي في الموضوع لاننا موب متعودين نتحكم في نبرة الصوت و نعتبره شي غير مهم.
- هل ممكن تقول كلمة احبك بنفس نبرة الصوت اللي تقول فيها وين العشا .؟؟؟؟ بكيفك
- تعرف ان نبرة الصوت مؤثره اكثر من الكلمة و الجو المحيط بها ؟؟؟
- استمع للخطباء و القادة اللي عندهم كاريزما .... بتلاحظ انه يتحكم بمشاعر المستمعين باستخدام نبرات صوته بطريقة واضحة جدا. عاد اذا اللي يحرك الشعوب ما حرك شريك حياتك .... فيه شي غلط بينكم
- بعد مدة من المواظبة على التحكم في نبرة الصوت، بتصير شي طبيعي و تلقائي و بتشوف تأثيرها بكل وضوح.
لما نحرص على توصيل مشاعرنا و افكارنا و مواقفنا بطريقة صحيحة، رح
نلاقي تجاوب مختلف جدا من شريك حياتنا..... وهذا الحرص يكتمل بتوليف العناصر الثلاثة مع بعض و نتائجه خطيره
هل من قبيل المبالغة اننا نهتم بكل هالتفاصيل ؟؟؟؟؟ بكيفكم
يوم سعيد للجميع
م / ن للفائده
العرض العادي
