:138:السلام عليكم ورحمة الله وبركاته ................
انا اليوم جايبه مشكله عقدتني بحياتي ومن بداية حملي والمشكلهه هي....زوجي
من قبل مااتزوج واحنا مخطوبين متفقين اني اذا حملت نسمي البيبي اذا طلع ولد
اسم معين اوكي...
وتزوجنا وظلينا سوا نحلم بهاالاسم لين ماحملت وماتفقين لدرجة حتى رسايل الموبايل بهالاسم بس ربي ماكتب نصيب وطلعت بنوته اوكيه
الا فجأه احصل اهله مكذبين انها بنت واني انا فلانه حرمة فلان راح اسمي غصبن عني اسم البيبي اذا ولد باسم ابو زوجي الله يرحمه تخيلو ايش قالت امه قدام الناس كان المجلس مليان حريم ناس اعرفهم وناس ماعرفهم
والله بها الاسلوب(فلانه بتسمي الولد غصبن عنها على اسم الشايب الله يرحمه اللي هو ابو زوجي واذا ماسمت راح اضل انادي الولد باسم الشايب عنادا فيها)تخيلوا ويعلم الله اني عمري ماغلطت فيها واني اعاملها معاملة امي حتى اخواته زعلانين ليش ماتسمين بالذات يوم عرفوا انها بنت يحسبوني اكذب وامه قالت لوماحيسمي باسم ابوه راح تزعل عليه ويقولولي سمي باسم امك ولاابوك عشان يحجوني بالاسم وفجأه احصل زوجي وعدهم يسمي علي قلتله ليش توعدهم وانت عارف اصلا انها بنت قال انا قلت كذا عشان اسكتهم واصلا شكل اللي في بطنك مش بنت ولد ولو طلع ولد انا حتصرف وليش مانسمي باسم ابوي ومن ده الكلام المهم الراجل اختلف وماحبيت اوجع راسي واوصل لامور مالها داعي وتركت سالفة الاسم
اري بطول بس تحملوني يااعزائي
جينا فين راح اولدانا وحده ماحب المدينه اللي اهلي ساكنين فيها والله العظيم نفسيتي تتعب وشكلي يتغير ولاارتاح اقعد اسبوع حتى بحكم سفر امي للمنطقه اللي اهلها فيها دايم اسافر معاها عشان اشبع من شوفتها لكن بيت الوالده واالمنطقه بالذات كاني جالسه على نار ندخل في المهم اتفقنا اني نفاسي حيكون في بيتي وامي حتجي عندي وبعدها حتروح لاختي لانها برضو حتولد بعدي
بيني وبينها شهر .....لين ماوصلت نص الثامن الازوجي يقولي ليه ماتولدي عند امك احسن ومادري ايش واليوم الثاني امي تكلمني وتقولي تعالي عندي احسن وهي عارفه ان خلاص متخذه قرار اصلا من دون ماترجع تكلمني وجهزت وضعي وكل ش وهي عارفه كل هاداوحده من اخواتي بس ولدت عندامي والثانيه امي سافرتلها وانا ماعندي اخوان صغار هم اثنين وموظفين وامي ماشالله دايم مسافره عند اهلها واخوي من النوع اللي يقع يتمنن علينا بالاكل والشرب على اننا مانقص ندخل لامي بالخير واختي اللي ولدت عندها حرمت ماعاد تولد في بيت امي مره تانيه المهم نرجع لزوجي قلتله ليه تكلمني في الموضوع واحنا متفقين امي كلمت قالتلك شي قالي لا بس انا حاب تولدي هناك افضل قلت لامو افضل مراجعاتي وضعي كله مدروس هنا كيف تغير رايك اكيد احد قالك شي قالي لا ولما ربي نوى يكشفه الا امي تتصل وتقولي تعالي ومادري ايه اخوانك من ياكلهم ويغسلهم ومادري ايش مع العلم امي كل شهر تسافر وتقعد بالاسبوعين بالثلاث عند اهلها وهم في مدينه بعيده لدرجة باقيلي اسبوع وادخل التاسع وهي حتسافر وترجع بعد اسبوعين يعني تخيلوا ولالما قلت حاجي اولد قالت طيب وبعدها قالت بسافر تخيلوا انا بدخل التاسع وهي حتكون مسافره اول حمل ليه واخواتي ثنتين وحده في الشرق وحده في الغرب يعني متى اسافر ووكيف اروح اجهز وضعي هناك مافي الا اخواني وشرحت لزوجي مايرد ايش اسوي هنا .......... ونجي لاخر حاجه متفقين ان يكون معاي مبلغ معين وندخل لاهلي بكل شي عشان لاحد يمن علي من اخواني وندخل باغراضنا كلها حتى الاكل عشان اخوي الكبير مايفتح فمه لدرجة حتى اغراض النفاس انا اللي حشتريها مع اني ماعرف فيها شي بس من خبرات اخواتي رجع وقالي انا ماني معطيك شي وانا بتكفل بكل حاجه قلت طيب انا يبغاالي اغراض وحاجات شخصيه انا راعي عنك ومسئول ولاتفتحي الموضوع على انه اول مره يسوي كذا انا اروح اقعد عند اهلي اسبوع ولااسافر عند جداني يعطيني مبلغ يكفيني ويزيد لانه مايبغاني احتاج لاحدوالله ماذكر اني طلبت احد ريال من يوم ماتزوجته لانه عارف اني ماحب اكون تقيله على احد من كل شي ولاحد يقولي ظروف الحمدالله الوضع اوكي ولله الحمد بس مادري ايش فيه ادري طولت بس ايش رايكم في اختلاف الاراء المفاجأهادا سنتين واحنا متزوجين وايش حلاتنا وعمرنا ماختلفنا على راي.....ومتقبل فكرة انه بيصير اب ولافي شي ماثر وكنا نختار اغراض البيبي مع بعض حتى لما يخرج لحاله يروح ويشتري العاب لدرجة قال اذا سافرتي ماحتاخذي سرير البيبي حشتريلك واحد جديد عشان اتخيل البيبي وانتي مانتي في بس اللي مستغربه منه هالتغيرات اللي مو فوقتها انا مابغى اظلم احد وان بعض الظن اثم بس اتوقع اهله السبب ليش لانه لما اجلس معاهم ونفتح موضوع واقولهم مادري اواني ماخترت اوماقررت يقولو غريبه الخيط والمخيط بيدك والكلمه كلمتك وان ماعاد يشوفوا زوجي بسببي وانه قطعهم والله مايمر اسبوع الا يشوفهم ويكلمهم وان معاه بس لما حملت ماكنت اروح كتير عشان كان عندي نزول بالمشيمه ولااقدر اتحرك كتير ولااتعدلت الابالشهر السابع وكان والله يروح دايم انه يطلع من دوامه ويمرهم بعدين يجي البيت والله عمري ماقلتله ليه تروح عند اهلك ولامنعته ماهم راضيين يفهموا ان تزوج واستقر هادا وهو ماهو قاطعهم يقولهم طيب تعالوا انتو يقولو لابيتك صغير لدرجة وحده من اخواته تتصل وتقول حنجيكم وتخليني اجهز كل شي ونقعد نستنى والله الين الساعه 12 في الليل وبعدين تقول مابنجي والله نكون برا البيت ولما تقول بجي نرجع ولانقولهم اننا برا البيت عشان لحد يقول اني ماابغاهم يجون كله عشان تشوف اني زوجي يستئذني في جيتهم ولا لا والله اللي مابرضاه على اهلي مارضى عليهم وزوجي مره طيب معاي بس فجأه كلامي صار عرض الحايط ........واسفه على الاطاله ودققوا على كلمة فجأه شوفوا كم مره قلتها من الحماس..........هههههههه:bye:
العرض العادي
