قصيدة الشاعر الهويس هشام الجخ - إيزيس - زوجــي و زوجتــي عالم الحياة الزوجية

قطة المنتديات ..:: مبدعه مميزه ::..

http://www.youtube.com/watch?v=hJ7Fh...eature=related

نفسي انام فينك ؟

يا ام الرموش عنقريب
ماتدمعيش عينك الفرح جاي عن قريب
ايزيس
إزاي بتتحمل ..انساها وتيجيني
اشقى بنات الدنيا الا ها

ولما العطش يكويني ألقاها ..

هي الي تسقيني

تهديني يوم ورده اديها لفلانه

تجري ع حضني احكيلا عن نانا

إزاي بتتحمل غمز البنات ..واوعر من عمزهم ردي

جاياني ملهوفه ماتلاقي غير صدي

احزن في احضانها..وافرح هناك وحدي

يا ام القليب اتخلق؟؟ماعرفش غير يدي

يا ام الفؤاد ولاد ..معرفش غير يعشق

الصبر عدى وزاد..ياقلبها المقتاد

ماعرفت يوم تزهق !

كانت بتلبس لي اجمل فساتينها

ترمي فــ صحاريا افتن بساتينها

تدمع رياحينها..ولاقلبي يوم يشفق

إزاي بتتحمل؟!

كتر الكلام عني بحكاوي وانا غايب

الليله كان سهران..الليله كان سكران..

الليله كان عاشق والليله كان دايب

يا ام الرموش طايشه وام العيون لامه

حضنك ماحيسعنيش ..انا بلوتي لامه

اربع سنين ياهوا؟؟ملكيتي عامه

كل البنات اتلبنوا بيا وتفوني

ورسموني خروف معلوف وسمعوا قصايدي وابتسموا

وصحيم بدري يوم العيد ودبحوني

بقالي بيجي اربع سنين؟؟مسمار في غيط شواكيش

دقوا ع راسي .. لكن مثبتونيش

يوم التقي مرسى..وسنين ياخدني الطيش

كل الالم فيا ..ولاقادر اتالم

وبتصعبي عليا..ومش بقدر اتكلم

انانفسي بس افهم..

كل البلاوي ديا ازاي..مابعدوكيش!

سامحيني لمااغلط

وانا تاني رايح اغلط لجل تسامحيني

احلى مافي التوهان ...اول ماباجي اوصل

واحلى ما في الاحزان .. انك تضميني

يامسكناني ضلوع..جواكي راح وبراح

مابينلهاشي رجوع.. شكلي حاموت سواح

كان نفسي فيكي زمان؟؟اياميها كان لي قلب

كانت الحياه خضرا ..النخله والبقره ..

والقلب طيب ابيض بينام ع القران

وبيصحي وقت الحلب .اياميها كان لي قلب!

ايه الي قلب النور ضلمه وليل راسي؟!

واشمعني فوق راسي يحلا العذاب والقلب؟!

واشمعني سابوا الناس بقلوب خضار وعمار...

وفــ قلبي نزلوا سلب؟!

انااول الي اتصلب...بس التاريخ كذاب..

مافهمش معنى الصلب!

ركعوا البنات ليا...واتنوا قدامي

وفي حفل اعدامي..ضحكوا وفالوا كلب!

انتي الي دمعتي ..جمعتي جسماني من مملكه ايزوريس

ويااااااااريت ماجمعتي

طب كنتي سيبتيني ادخل هنا غزوة واعمل هنا هدنه

وما دمت انا ميت.. ايه تفرق الدفنه

ماالبحر رح يسبق..لومهما جدفنا

انتي الي بتعاندي..عشمانه في الجنه

والجنه مش ليا!!

إزاي بتتحمل لو الصحاب فيا؟!

ع ايه غرامك بيا!ده التبن من تحتيه..باقي الماعون ميه

تضحك ع قولهم ..وتبض في الساعه

وتقول زمانه صحي .زيدي كمان نورك ياام الجبين الضحي

جنني صوت حزنك ..إياكي يوم تفرحي

لاالفرحه تسرقنا...لااناحمل مهرودهبك..ولاجاي معاي عاجك

ولاحمل توب من حريرك..ولاماسه من تاجك

انا بالكتير ..حاجج من وسط حجاجك

جيت لك في شهر حرام ..فمتهدريش دمي

ماتقربيش مني..مانتيش مفا همي

ولي لحجاجك.. ياام الجبين عرفات

حبك كما الصلوات ..والقبله مش يمي

يامعلماني الهوا..ومسكنه التباريح

حبك نخيل طارح..ميهزهوش الريح

ارمي الحجر جارح..تنزل رطب مجاريح

إزاي بتتكسر اشواكي جواكي

ابكي ع صدرك ..القى البكا تفاريح

إزاي بتتغير دنيايا جوايا..اول مااكون جنبك

وإزاي يجيلك صبر تنشفى بكايا..والذنب مش ذنبك

انا الاعمى..جفاني الحب ونسيته ع ايدين الي ماتتسمى

قطع راسي ع خوانه ..ولاكبر ولا سمى

ولاسابني اموت مستور..ولم عليا ميت لمه

وذنبك ايه بقيه السكه تقضيها بعجوز اعمي؟

انا الي الناس بتخشاني هوا ومنظر

هموم الدنيا خاشاني وبتمنظر

وعايش عيشه خشاني وبتغندر!

وبتمرقع وبتمهيص وبتقعول

وبتلكك في حضن الليل سكيتي

عواصفي فوق حدود وصفي

وبابك صعب يتحمل عواصف مهما سكيتي

انا المدبوح ولماتقول لي حبيتك بحس دماغي واكلاني

ارد بايه ع بنيه في كل كيانها شيلاني

انا المجرم وانا القاسي وانا الي نسيتها ميت مره مانسيتني

ومشيتها في دورب مره ماملتني

وداست ع الطريق حافيه وسلتني

وصحيت بدري وقت الفجر صلتني

ارد بايه؟!

غرامك ياام طيف مخمل بيتجمل

ويقرش صددري بالعنبر وبالمحمل

انا المعشوق..ياكل العاشقين غيروا

تحبوا شي جميل طبعاً.. لكن تتحبوا ده الاجمل

حبيبتي احلى من شعري..واحلى م الحروف كمل

ولابتهجر ولابتعدرولابظلمها تتململ

لكني في حيرتي بستغرب,...

انا إزاي مش بغني لها؟!

وهي إزاي بتتحمل؟!

توقيع

[flash=http://i1008.photobucket.com/albums/af203/engineershady/e7280f9e.swf]WIDTH=500 HEIGHT=500[/flash]