بسم الله الرحمن الرحيم
[align=justify]
الحمدلله والصلاة والسلام على رسول الله وعلى آله وصحبه أجمعين..
حبيت اكتب لكم عن معناتي مع تأخر الحمل تحملوني هي طويله بداية زواجي قررت اني اجل فكرت الحمل بس الله كتب لي اني احمل بعد 7 شهور من زواجي وقتها ما كنت اعرف اني حامل وكنت اشتغل في البيت وغيرت بمكان الاثاث فيه اشياء غيرتها واشياء شلتها من مكانها برغم من ثقلها الا اني كنت لا ادري بمسالة حملي بعد يومين اصابتنني انفلونزا بسيطه فذهبت الى المستشفى طبعا لازم اعمل التست للحمل وطلعت النتيجه ايجابية وقتها انا انصدمت لاني ما كنت مخططه للحمل بس شفت فرحه في عين زوجي صار طاير من الفرح مع العلم انه هو عنده اولاد من زوجته الاولى المهم قدر الله علي انه بعد يومين من الحمل اني اجهضت انا الحمدالله ما تاثرت بس زوجي جلس يبكي ويقول لي انتي ما تبين الحمل وربي عاقبك المهم مرت الايام وانا اعيش الوحده وكانت اصعب شي مر علي:111::111::111: وربي تعبت نفسيا خصوصا جلوسي لوحدي اغلب الوقت مرت الايام وانا على حالي لدرجه اسافر لوحدي وربي انواع الملل مرت السنين عانيت فيها من الالم و المشاكل وكل من شافني يسال حملتي او لسى اكيد عندك مشكله وكل شخص يحلل حالتي على كيفه مره يطلعون اشاعه اني عقيم ومره يقولون زوجي ما يبغى وكثر الكلام انا كنت اطنش بس تعبت لانه كنت اواجه العالم لوحدي زوجي تغير علي وصار ما يدري عني الا اذا شافني منهاره انتبه وربي اصعب ايام حياتي مرت علي 4 سنين وكانها دهر وزادت الاشاعات لما حملت زوجة زوجي الاولى تعالوا شوف شلون كلام الناس وربي سكاكين وزوجي كمان معاهم كل شوي يعايرني وانا كنت اداري دموعي وكنت ابين اني قويه وانا ما فقدت الامل بالله وربي لدرجه انه ماكان مصدق انه ما فيني شي حتى دخل معي عندي اكثر من دكتوره وكلهم اكدوا له انه ما عندي اي مشكله حتى هم مستغربين تخيلوا معي اخوات زوجي تزوجوا بعدي حملوا وربي ما كان احد يقول لي يخاااافون احسدهم واذا شافوني جلسوا يدعون لي و شفقه بعيونهم وربي حتى اخوانه صاروا يرحموني من كثر ما يسمعون من الناس عني وان زوجي ما استفاد من زواجه مني حتى زوجي اقرب الناس لي كان ضدي مع اني وربي سويت له ولاولاده وزوجته كل شي يسعدهم وربي ما تصدقون اني زوجة ابوهم او هي زوجة زوجي بس الدنيا علمتني انه مو اي انسان يستاهل الطيب تخيلتوا معي كيف حالتي وربي اسافر بطائره لوحدي وربي اجلس ابكي اتمنى يكون معي احد حتى غرفتي صارت ظلام المهم انا ما فقدت الامل بالله وربي اشتغلت بالبيت كاني خدامه زوجته كانت حامل وربي ما كنت اخليها تسوي شي كل شي انا اسويه بنفسي وهي مرتاحه حتى انبوبة الغاز اشيلها لانه زوجي من النوع الكسول المهم مرت 3 شهور من حملها وانا تعبت من كلام الناس لما جاء شعبان وصارت اجتماعات العائله طبعا كل السوالف علي اول ما يشوفون وجهي اول شي ليه ما حملتي وانواع التفلسف و النصايح وروحي لدكتوره او يقولون لي روحي لوحده تعالج وانا اقول لهم ياناس طفشتوني خلاص انا مافيني شي كل اللي فيني انه ربي ما اراد اني احمل وجلست اصارخ عليهم وقلت لهم اصلا انا استخدم مانع حتى زوجي انصدم قلت لهم صار لي 3 سنين استخدمه المهم الكل جلس يتكلام بعدين زوجي وزوجته انصدموا قلت اصلا كنت بتركه بس لما حملت زوجتك كملت ما تركته طبعا انا كذبت بموضوع اني استخدم حبوب بس علشان اسكتهم المهم صاروا يسالوني ايش نوع الحبوب وكيف استخدامها والحمدالله اني كنت اقرا عنها المهم حكيت لهم كل شي وانتشر الخبر انه انا استخدم مانع وربي بعده ما صاروا يسالوني وسكتوا وزوجي وعدته انه بس زوجته تولد اتركه وهو طبعا صدق جاء رمضان واتصلت اختي واتفقنا نطلع عمره وانا كالعاده لوحدي بس كان ولد اختي المحرم وصلنا مكه الصباح اخذنا عمرتنا الحمدالله وخلصنا على الساعه 11 صباحا واخذنا شقه وكنت ناوية افطر لانه صارت احس بالالم اسفل البطن بس الحمدالله ما افطرت وكملت صيامي :212:رجعت من مكه وانا نفسيتي مررره ممتازه وصار ما يهمني اي شي حتى موضوع الحمل نسيته ومرت الايام وجاء موعد الدوره المهم انا شلت من بالي الحمل ولا افكر فيه لان الدوره برجب تاخرت 40 يوم بعدين نزلت ولما شافت الدكتوره التبويض قالت لي مررره ضعيف اذا جاتك بشعبان تعالي طبعا انا طنشت وما رحت لها المهم تاخرت الدوره انا طبعا استبعدت الموضوع تاخرت اسبوع بعدين كنت اتكلم مع اختي الكبيره واقول لها خلاص راح استخدم مانع علشان تنتظم الدوره وبعدين اتركه اختي اكبر مني وانا احترم رايها المهم قالت لي اوافق بس بشرط قلت لها ايش قالت روحي سوي تست حمل طبعا هي الوحيده اللي تعرف اني ما استخدم مانع حلفتني اني اسوي التست بعدين استخدم حبوب وربي رحت الصيدليه وجبت حبوب وتحليل حمل منزلي ما اقدرت انتظر عملته على طول وكانت المفاجاه ظهور خطين وجلست مصدومه ودخلت عند زوجي بالغرفه وهو جلس يسال ايش فيه وجهك اخذت التحليل وحطيته عنده كاني انتقم من كلامه الجارح لي وجلس مو مصدق ورحنا اكثر من مستشفى علشان الوقت متاخر ورمضان واخر شي عملته وطلع ايجابي وربي انبسط ولا صدق الا لما شاف بسونار اقتنع اني حامل وربي لما قال لزوجته تخيلوا اول سؤال قالت ليه حملت وهي تستخدم حبوب وعرفت الناس اللي تبيني احمل والناس اللي ما تبيني احمل وربي عانيت مدة 4 سنين وربي كبرت اكبر من عمري بكثير و الحين انا حامل بـ 8 اسابيع طبعا انا مو مصدقه بس بنفس الوقت خايفه من الاجهاض املي بالله كبير بس لاني مريت بمشاكل مايعلم فيها الا الله وربي الحمدالله على كل حال بس يمكن لو ان ابوي عايش كانت انحلت كثير من مشاكلي بس الحمدالله على كل حال انا اللي ابيه من الدنيا يكون لي سند بعد الله وربي هذا اللي ابيه ادعولي ان الله يثبت حملي ويقر عيني برويته وربي الى الان ما فكرت بشي الا ان الله يتمم حملي حتى احيانا ما احس اني حامل لانه لسى ما طلعت لي كرشه والله اعلم بحالي و الحمدالله اللي اكرمني بالحمل ورد حسد الناس وكلامهم عليهم انا ادري طولت بس وربي ابي الكل يستفيد من قصتي اذا تاخرت وحده بالحمل لازم يوقف معها احد واهم شخص هو الزوجي انا ما لقيت هذا الشي بس اتمنى ان الله يرزق كل وحده بذرية الصالحه ولا يحرم احد من هذي النعمه ويتمم علي حملي لاتنسوني من دعائكم ...:msn-9fad0e4954:
[/align]:msn-66d0b4dd79: اختكم: اخيرا ابتسمت:msn-66d0b4dd79:
العرض العادي
